iVakadewa Vou ni iVolanikalou

Na cakacaka ni vakadewa vou ni ivolanikalou sa vakadonui mai ena vica na yabaki sa oti e oka kina na iVola i Momani vaka Burmese, Efik, Georgia, Navajo, Pohnpei, Sesotho, kei na Tshiluba kei na volatolu ni ivolanikalou ena Vosagalu Vakaamerika, Afrikaans, Amharic, Arabic, Bislama, Greek, Hiligaynon, Hindi, Hmong, Lao, Lingala, Malay, Persian, Polish, Serbian, Setswana, Sinhala, Slovak, Slovenian, Tahitian, Tamil, Telugu, Tok Pisin, Turkish, Twi, Urdu, kei na Yoruba.

Ena ivola ni 9 ni Okotova, 2017, a vola kina na Mataveiliutaki Taumada na veicakacaka oqo ka vakaraitaka e dua na iwalewale vou ki na tamata yadua me dikeva na ivakadewa ni se bera ni laki tabaki na kena ka dina.

“Ni sa tekivu na vakadewa, ena soli mai na kena veitarataravi sa caka oti ena kena gauna,” e tukuni tiko ena ivola. “Na kena veitaravi oqo, dina ga ni sega ni kena ka dina me yacova ni sa oti taucoko na vakadewa, ena vakarautaki tu ena LDS.org vata kei na ivakayagataki veikauyaki ni Gospel Library.” Ena tekivu tiko na kena soli mai e vica na vosa digitaki ni vanua ena 30 ni Noveba, 2017. Ni sa oti taucoko na vakadewa, vata kei na kena dikevi ka vakadonui, na kena a soli veitarataravi mai e liu ena sosomitaki ena kena ka dina, ka na tabaki sara.

Ena taura e vica na yabaki na kena vakadewa baleta ni ivolanikalou ena vakadewataki vakamatau. O koya gona, sa veitarataravi tiko ena gauna oqo na cakacaka. Na kena soli taumada mai na imatai ni vakadewa vakadonui ena oka kina na kena sa vakadewataki ka dikevi maivei ira na noda iliuliu. Na ikuri ni tikina vakadewataki ena soli tiko mai ena kena gauna. Na vakadewa sa voleka tiko ni oti oqo ena sega tale ni tabaki na kena imatai.

Me vaka sa toso tiko se tu vakawawa na vakadewa, sa kerea tiko na Mataveiliutaki Taumada vei ira na lewenilotu kei na iliuliu me ra “vakayagataka tiko na vakadewa ni gauna oqo ni Yavu ni Vakabauta, masu ni sakaramede, kei na masu ni papitaiso, me yacova ni sa vakacavari na vakadewa.”

Na ivolanikalou tabaki ni YDE era sa vakadewataki ka vakarautaki tu ena vica na veivosa ni vanua oqo: na iVola Tabu, 3; iVola Tabu vakadonui sega ni tabaka na YDE, 95; na iVola i Momani, 90; Digidigi mai na iVola i Momani, 21; kei na Vunau kei na Veiyalayalati kei na Mataniciva Talei, 58.