Dina ena Gadrevi—Ena Vinakati Meda Cakacaka

Mai vei Elder Adilson de Paula Parrella

Ena Vitusagavulu

Na iMatai ni Raivotu kei Josefa Simici e kauta mai na ikuri nikila kakei na dinaka na gadrevi ena noda bula marau ena bula oqo,kei na noda na lakilaveti cake ena mata ni Kalou.

Au a tarogi tinaqu ena gauna au yabaki vitu kina, “ Ni daru sa na mate ka lako ki lomalagi, ko na tinaqu tikoga?” E a sega ni namaka o koya na taro oya. Ia ena nona tovolea me sauma na taro o ya mai na veika e kila, e qai kaya “E sega, mai lomalagi daru sana laki veitacini. Au na saega ni wili vaka tinamu.” E sega ni saunitaro au a namaka tiko oya.

Ni oti ga vakaalailai na veitaroyarogi o ya, e rau sa basika ena neitou matamata e rua na cauravou. E matalia sara ni a vakatara o tamaqu me rau curu mai. Erau kaya ni raulako tiko mai na Lotu i Jisu Karisito ni Yalododonu Edaidai.

Rau sa mai tekivu vakavulici keitou sara vakamatavuvale na italatala ni lotu oqo. Au se nanuma tikoga na noqu dau vakila na yalomamarau kei na nanamaki ena neitou matavuvale ena veigauna erau dau yaco mai kina. Erau tukuna vei keitou ni dua na cauravou e a lako kina lekutu me laki taroga na Kalou se lotu cava e dina ka qai raica na Kalou kei Jisu Karisito.¹ Erau vakaraitaka vei keitou na italatala e dua na iyaloyalo ni raivotu o ya, ni gauna ga au raica kinaau sa kila sara ga ni o Josefa Simici eraica dina na Tamada Vakalomalagi kei Jisu Karisito. Erau kaya na daukaulotu, ni raivotu o ya, sa vakalesui mai kina ki vuravura na Lotu i Jisu Karisito.²

Erau vakavulica talega na daukaulotu niyavu ni marau ni Kalou ka rau sauma talega na neitou vakatatarome baleta na lotu. Erau valavulici keitou ni matavuvale ena rawa ni taucoko ena bula ka tarava, me vaka na tama, tina, kei ira na tagane kei na luve yalewa.

Sa mani papitaiso na neitou matavuvale. Na salani veisautakini ivakarau makawa, me sa tarovi na itovo ni bula e liuka lakova wasoma na soqoni ni Lotu evakalairoro ena so na gauna Ia baleta na loloma veivueti kei na loloma ni Kalou kei na nodra veivuke e levu sara na iliuliukei ira na lewenilotu keitou a lako curuma rawa mai kina na imatai ni vica na yabaki ni bolebole.

E milioni era sa curu oti mai ena Lotu kei ira talegaera sa qai veisau tiko mai oqo ka papitaiso ena veimacawa era sa rawata nodra ivakadinadina ni iMatai ni Raivotu. Ena rawa vua na Yalo Tabu me vakauqeta na yalo me ciqoma na ivakadinadina vei keda kece ni da bulatakana ivakavuvuli rawarawa ka dina ni kosipeli iJisu Karisito

Na iMatai ni Raivotu kei Josefa Simici e kauta mai na ikuri nikila kakei na dinaka na gadrevi ena noda bula marau ena bula oqo, kei na noda na lakilaveti cake ena mata ni Kalou. Au na cavuta e tolu na dina ka da na rawata ka dodonu meda na cakacakataka baleta ni a masulaka ena yalodina e dua na cauravou lailai.

Kacivi ira na Parofita na Kalou mera Liutaki Keda ka Tuberi Keda

Dua na dina eda vulica mai na iMatai ni Raivotu kei na parofita o Josefa Simici sai koya ni Kalou ena kacivi ira nona parofita³ daurairai kei na dauvakatakila mera veivakavulici, veituberi, veivakaroti, ka liutaki keda.⁴ O ira na italai ni Kalou oqo era sa gusu tiko ni Kalou e vuravura,⁵ kei na kaukauwamera na vosa ka cakacaka ena yaca ni Turaga.⁶ Ena kena vakamuri ga nodra ivakasala eda na taqomaki ka vakalougatataki ena noda i lakolako ena vuravura oqo.

Ena noqu a vuli voli mai Brigham Young University niu se qai lesu mai na kaulotu, au a laki tiko ena dua na soqoni ni matabete ni koniferedi raraba ena Valecavu ena Rara ni Valetabu. Ea vakabibitaka kina o Peresitedi Ezra Taft Benson, ka a peresitedi tu ni Lotu ena gauna o ya mera vakabibitaka na sa lesu mai na kaulotu na vakawati ka mera sa vakaliuca sara ga ena nodra bula.⁷ Ni suka gamai na soqoni au kila sara ga niu sa kacivi meu veivutuni ka sa na gadrevi meu sa cakava e dua na ka baleta na nona veivakananumi na parofita.

Au sa qai lokuca meu sa na lako ga kina noqu vanua, o Brazilmeu laki vakasaqara mai kina e dua na watiqu. Ni bera niu biubiu ki Brazil meu na laki vula rua ena vakatovotovo vakavuli au a sa qiriti tinaqu kei na so noqu itokani ena talevonime ratou vakasaqara rawa tiko mai vei au e so na goneyalewa ka na ganita meu laki vakawatitaka eratou a rawata vei au e 10 na yaca ni goneyalewa.

Ena noqu tiko voli mai Brazil sala vata tiko na vakasama titobu kei na masumasu au a sotava ka tekivu gadiva, qai mai veibuku yanime keirau sa bucina e dua na tikinisiga ni neirau vakamau kei na dua ve iratou na goneyalewa o ya. Oqo e sega ni dua ma isausau me tekivi, mai vei ira na gonevuli mai Provo Utah mera veigadivi ka bucibucini ia sa bau totolo sara ga ena itagede e Brazil.

Ena vica na vula e muri, au sa vakamautaki Elaine. O koya na noqu daulomani kau a sa digidigi kina.

Au sega ni tukuname tamata kece me cakava vakaoqo ia, au kaya ga kau sa na vakadeitaka sara ga kau na kaya ga kina medasa tucake ka cakacaka ni sa vosa na parofita bula ni Kalou.

Na itaba kei Peresitedi Thomas S. Monson.

Na parofita ni Kalou nikua o Peresitedi Thomas S. Monson ka da na vakalougatataki ena noda muria nona ivakasala ena talai rawarawa.

Na Kila na iTuvaki Dina ni Kalou

Dua tale na dina eda vulica baleta na iMatai ni Raivotu kei na parrofita o Josefa Simici sa ikoya na ituvaki dina ni Kalou. Vakasamataka mada noda sa kalougata ni da sa kila ni Kalou sa ka dina ni tiko vua na yago e vakalewe ka vakasui me vakataki keda sara ga,⁸ ni rawa ni da qarava e dua na Kalou dina ka na rawa ni na kilai koya ka sa vakaraitaka ka vakatakilai Koya kei na Luvena vua na Nona parofita—vei ira na parofita makawa kei na parofita ni gauna oqo.⁹ O Koya e dua na Kalou erogoca ka sauma noda masu;¹⁰ na Kalou ka sa na dau raici keda tu mai lomalagi¹¹ ka sa dau kauwaitaki keda ena noda bula vakayago kei na noda bula vakayalo—na Kalou sa solia vei keda noda galala meda digitaka noda na muri koya ka talairawarawa kina Nona ivakaro ka na sega ni vakaroti kina;¹² na Kalou sa vakalougatataki kedaka solia vei keda na galala meda lako curuma naveivakatovolei me rawa ni da na vuli mai kina ka na yaco meda vakataki Koya.

O Koya e Kalou yaloloma ka sa vakarautaka na ituvatuva me na rawa kina meda na bulamarau ena bula oqo ki na tawamudu.

Ko Jisu Karisito na Noda iVakabula.

Mai na iMatai ni Raivotu kei na parofita o Josefa Simici eda ciqoma kina na kila ni dina kei na vakatabui ni nona itavi na Turaga o Jisu Karisito ni o Koya navatunitutu ni noda lotu.

Me vaka ni sa basika na mate e vuravura ni da sa bula dina tiko, ena dua na siga eda na mate vakaidina. Dua na revurevu ni mate sa ikoya na kena na mai yali vakadua na yagoda, ena sega ni da na cakava rawa kina e dua na ka meda na rawata lesu tale mai. Kena ikuri me vaka ni da sa ivalavalaca kecega ena bula oqo, ena sega kina ni na rawameda na lesu tale kina nona iserau na Tamada Vakalomalagi.

Ena rawa beka mo vakasamataka rawa na veika ena yaconi da sa na vakuwai mai vua na Kalou ka na sega tale ni dua na yagoda.

E gadrevi e dua na iVakabula ka Dauveivueti me na mai vagalalataki keda mai na mate kei na ivalavala ca. Ena veiliutaki ni Tamada Vakalomalagi, e a lako mai kina ki vuravura o Jisu Karisito, ka vakararawataki, mate ena kauveilatai, ka sa tucake tale me na rawa kina vei keda meda na tucake tale kei na, veivutuni dina vakakina na caka kei na kena maroroi na veiyalayalati tabu, sa na rawa kina ni da na laki bula vata tale ena mata ni Kalou.

Vakamacala kina o Jekope ka kaya, “A ka levu vakaidina na nona vinaka na noda Kalou, ka sa vakarautaka e dua na sala me da dro kina mai na ivesu ni manumanu rerevaki oqo; io, na manumanu ko ya, ko mate kei eli, ka’u vakatoka me mate vakayago, kei na mate vakayalo talega.”¹³

O Jisu na Mesaia yalataki, na Daunilawa, na Vakatabui ni Isireli, na noda Turaga, noda iVakabula, noda Dauveisereki, na Tui, ka noda Veika kecega.

Meda na tosoya tikoga noda cakacakataka na veidina sa kilai mai oqo, ka solia noda talairawarawa vua na Kalou kei na Luvena Daulomani. Ena yacai Jisu Karisito, emeni.