រឿងអំពីព្រះយេស៊ូវ
ព្រះយេស៊ូវប្រសូតក្នុងភូមិបេថ្លេហិម
ដកស្រង់ពី លូកា ១:២៦–៣៨, ២:១–២០
មានទេវតាមួយអង្គបានមកជួបនឹងម៉ារា ហើយបានប្រាប់នាងថា ព្រះសព្វព្រះទ័យនឹងនាង ។ នាងនឹងក្លាយជាមាតារបស់ព្រះយេស៊ូវ !
ម៉ារា និងយ៉ូសែបបានធ្វើដំណើរទៅភូមិបេថ្លេហិម ។ វាហៀបនឹងដល់ពេលវេលាដែលព្រះយេស៊ូវប្រសូតមកហើយ ។ ដូច្នេះមានមនុស្សជា ច្រើនបានទៅលេងភូមិបេថ្លេហិម រហូតដល់ម៉ារា និងយ៉ូសែបពុំអាចរកបន្ទប់ស្នាក់នៅបាន ។ មានម្ចាស់ផ្ទះសំណាក់ម្នាក់បានទទួលឲ្យពួកគាត់ស្នាក់នៅក្នុងក្រោលសត្វមួយ ។
មិនយូរប៉ុន្មាន ព្រះយេស៊ូវបានប្រសូតមក ។ ផ្កាយថ្មីដ៏ភ្លឺត្រចះត្រចង់មួយបានលេចឡើង ដើម្បីប្រាប់ដល់មនុស្សគ្រប់គ្នាថា ទ្រង់ដែលជាពន្លឺនៃលោកិយបានយាងមកកាន់ផែនដីហើយ ។
មានទេវតាមួយអង្គបានប្រាប់ដល់ពួកគង្វាលមួយចំនួនថា ព្រះយេស៊ូវបានប្រសូតមកហើយ ។ ពួកគេបានប្រញាប់ប្រញាល់ទៅមើលព្រះឱរសយេស៊ូវកំពុងផ្ទុំនៅក្នុងស្នូក ។
ព្រះយេស៊ូវបានយាងមកផែនដី ដោយសារទ្រង់ស្រឡាញ់ខ្ញុំ ។ ខ្ញុំនឹងដើរតាមពន្លឺរបស់ទ្រង់នៅបុណ្យគ្រីស្ទម៉ាស់នេះ និងពេញមួយឆ្នាំ !