ការបង្រៀនរបស់ព្រះយេស៊ូវ
រៀងរាល់ថ្ងៃ សូមអានអ្វីមួយដែលព្រះយេស៊ូវបានបង្រៀន រួចហើយគិតអំពីរបៀបដែលអ្នកអាចធ្វើតាមការបង្រៀនរបស់ទ្រង់ ។ បន្ទាប់មក ផាត់ពណ៌ផ្កាយនោះ !
១ ធ្នូ ៖ « អ្នករាល់គ្នាបានទទួលទទេ ត្រូវឲ្យទទេដែរ » ( ម៉ាថាយ ១០:៨ ) ។
២ ធ្នូ ៖ « ពីព្រោះយើងបានឃ្លាន ហើយអ្នករាល់គ្នាបានឲ្យបរិភោគ » ( ម៉ាថាយ ២៥:៣៥ ) ។
៣ ធ្នូ ៖ « ដូច្នេះ មានច្បាប់ឲ្យធ្វើការល្អនៅថ្ងៃឈប់សម្រាកដែរ » ( ម៉ាថាយ ១២:១២ ) ។
៤ ធ្នូ ៖ « ត្រូវឲ្យស្រឡាញ់អ្នកជិតខាងដូចខ្លួនឯង » ( ម៉ាថាយ ២២:៣៩ ) ។
៥ ធ្នូ ៖ « ចូរគោរពប្រតិបត្តិដល់ឪពុកម្តាយឯង » ( ម៉ាថាយ ១៥:៤ ) ។
៦ ធ្នូ ៖ « ពីព្រោះសម្បត្តិទ្រព្យរបស់អ្នកស្ថិតនៅកន្លែងណា នោះចិត្តអ្នកក៏នឹងនៅកន្លែងនោះដែរ » ( ម៉ាថាយ ៦:២១ ) ។
៧ ធ្នូ ៖ « ទុកឲ្យកូនក្មេងមកឯខ្ញុំចុះ កុំឃាត់វាឡើយ » ( ម៉ាកុស ១០:១៤ ) ។
៨ ធ្នូ ៖ « ព្រមព្រៀងជាមួយនឹងអ្នកដើមចោទអ្នកជាប្រញាប់ » ( នីហ្វៃទី ៣ ១២:២៥ ) ។
៩ ធ្នូ ៖ « អ្នកណាដែលប្រែចិត្ត ហើយធ្វើតាមព្រះបញ្ញត្តិទាំងឡាយនៃព្រះអម្ចាស់ នោះនឹងបានអត់ទោស » ( គ. និង ស. ១:៣២ ) ។
១០ ធ្នូ ៖ « ស្ទង់មើលគម្ពីរ » ( យ៉ូហាន ៥:៣៩ ) ។
១១ ធ្នូ ៖ « យើងជាអ្នកដទៃ ហើយអ្នករាល់គ្នាបានទទួលយើង » ( ម៉ាថាយ ២៥:៣៥ ) ។
១២ ធ្នូ ៖ « មានពរហើយ អស់អ្នកដែលយំសោក ដ្បិតអ្នកទាំងនោះនឹងបានសេចក្តីកំសាន្តចិត្ត » ( ម៉ាថាយ ៥:៤ ) ។
១៣ ធ្នូ ៖ « អស់ទាំងការអ្វីដែលអ្នករាល់គ្នាចង់ឲ្យមនុស្សលោកប្រព្រឹត្តនឹងខ្លួន នោះត្រូវឲ្យអ្នកប្រព្រឹត្តនឹងគេដូច្នោះដែរ » ( ម៉ាថាយ ៧:១២ ) ។
១៤ ធ្នូ ៖ « កុំឲ្យថ្កោលទោសគេឡើយ ដើម្បីមិនឲ្យមានគេថ្កោលអ្នកវិញ » ( ម៉ាថាយ ៧:១ ) ។
១៥ ធ្នូ ៖ « មានពរហើយ អស់អ្នកដែលមានចិត្តមេត្តាករុណា » ( ម៉ាថាយ ៥:៧ ) ។
១៦ ធ្នូ ៖ « យើងនៅអាក្រាត ហើយអ្នករាល់គ្នាបានស្លៀកពាក់ឲ្យយើង » ( ម៉ាថាយ ២៥:៣៦ ) ។
១៧ ធ្នូ ៖ « អ្នករាល់គ្នាត្រូវរួមគ្នាប្រជុំជាញឹកញាប់ » ( នីហ្វៃទី ៣ ១៨:២២ ) ។
១៨ ធ្នូ ៖ « អ្នករាល់គ្នាត្រូវចាំយាម ហើយអធិស្ឋានជានិច្ច » ( នីហ្វៃទី ៣ ១៨:១៥ ) ។
១៩ ធ្នូ ៖ « ចូរមានចិត្តអំណរ ហើយរីករាយជាខ្លាំងចុះ » ( ម៉ាថាយ ៥:១២ ) ។
២០ ធ្នូ ៖ « ចូរខំស្វែងរកនគរព្រះវិញ » ( លូកា ១២:៣១ ) ។
២១ ធ្នូ ៖ « អត់ទោសចំពោះការរំលងច្បាប់ ដែលមនុស្សលោកប្រព្រឹត្តធ្វើ » ( ម៉ាថាយ ៦:១៤ ) ។
២២ ធ្នូ ៖ « កិច្ចការទាំងឡាយដែលអ្នករាល់គ្នាបានឃើញយើងធ្វើយ៉ាងណា នោះអ្នករាល់គ្នាត្រូវធ្វើយ៉ាងនោះដែរ » ( នីហ្វៃទី ៣ ២៧:២១ ) ។
២៣ ធ្នូ ៖ « យើងបានឈឺ ហើយអ្នករាល់គ្នាបានមកសួរយើង » ( ម៉ាថាយ ២៥:៣៦ ) ។
២៤ ធ្នូ ៖ « មានសេចក្តីចែងទុកមកដូច្នេះ ដំណាក់អញត្រូវហៅថា ជាទីសម្រាប់អធិស្ឋាន » ( ម៉ាថាយ ២១:១៣ ) ។
២៥ ធ្នូ ៖ « ចូរឲ្យពន្លឺរបស់អ្នករាល់គ្នា បានភ្លឺទៅមុខមនុស្សលោកយ៉ាងនោះដែរ ដើម្បីឲ្យគេឃើញការល្អដែលអ្នករាល់គ្នាប្រព្រឹត្តរួចសរសើរតម្កើងដល់ព្រះវរបិតានៃអ្នករាល់គ្នាដែលគង់នៅស្ថានសួគ៌ » ( ម៉ាថាយ ៥:១៦ ) ។