ហេតុផលប្រាំបីយ៉ាងដែលបុណ្យគ្រីស្ទម៉ាស់គឺជាគ្រាដ៏អស្ចារ្យមួយដើម្បីធ្វើជាអ្នកផ្សព្វផ្សាយសាសនា
មានរឿងដ៏អស្ចារ្យមួយអំពីបុណ្យឈប់សម្រាក ដែលធ្វើឲ្យការចែកចាយដំណឹងល្អកាន់តែប្រសើរឡើង !
រចនារូបភាពដោយ ម៉ានូ កាឡេចូន
អ្នកស្រឡាញ់មិត្តភក្ដិរបស់អ្នក ។ អ្នកស្រឡាញ់ដំណឹងល្អ ។ ហើយអ្នកពុំដឹងពីរបៀបណែនាំអំពីដំណឹងល្អឡើយ ។
ប្រសិនបើអ្នកមានបញ្ហាដូចគ្នានេះ អ្នកពុំជួបរឿងនេះ តែ ម្នាក់ឯងឡើយ ។ មានមនុស្សជាច្រើនចង់ចែកចាយដំណឹងល្អជាមួយមិត្តភក្ដិរបស់ពួកគេ ប៉ុន្តែភ័យខ្លាចអំពីការបង្ខំ ឬអារម្មណ៍ពុំស្រណុកចិត្ត ។ ការចែកចាយដំណឹងល្អអាចធ្វើឲ្យមានការព្រួយបារម្ភជាច្រើន ។
ប៉ុន្តែសូមកុំខ្លាចឡើយ ! សូម្បីតែអ្នកពុំធ្លាប់លើកឡើងអំពីសាសនាចក្រដល់នរណាម្នាក់ពីមុនមកក្ដី ក៏រដូវកាលនៃ បុណ្យឈប់សម្រាករបស់អ្នកអាចបំពេញជាមួយនឹងពេលវេលាជាអ្នកផ្សព្វផ្សាយសាសនាធម្មតា ងាយស្រួល ហើយអាចធ្វើបានជាច្រើនរាប់មិនអស់ដែរ ។ តើដោយរបៀបណា ?
រឿងដំបូងដែលត្រូវធ្វើគឺ អធិស្ឋាន ។ សូមសាកល្បងទូលសូមព្រះវរបិតាសួគ៌សម្រាប់ឱកាសចែកចាយដំណឹងល្អ ។ សូមអធិស្ឋានដើម្បីដឹងអំពីមនុស្សដែលត្រូវនិយាយជាមួយ ឬអញ្ជើញ ហើយអធិស្ឋានសូមភាពក្លាហានដើម្បីធ្វើវាឲ្យបាន !
រឿងទីពីរគឺត្រូវចាប់ផ្ដើម ។ ហើយចាប់ផ្ដើម ឥឡូវនេះ ។ នេះគឺជាគន្លឹះ ៖ កិច្ចការផ្សព្វផ្សាយសាសនាគឺ ងាយស្រួល ធ្វើខ្លាំងណាស់ក្នុងអំឡុងបុណ្យគ្រីស្ទម៉ាស់ ។ ហេតុអ្វីទៅ ? យើងមានហេតុផលប្រាំបីយ៉ាង ។
-
មនុស្សគ្រប់គ្នាចូលចិត្តមានពិធី ជប់លៀងដ៏សប្បាយ ។
ឱកាសនានាមានដូចជា វួដរបស់អ្នក ឬប្រហែលជាគ្រួសាររបស់អ្នកនឹងមានផែនការរៀបចំពិធី ជប់លៀងមួយសម្រាប់បុណ្យគ្រីស្ទម៉ាស់ ។ សូមអញ្ជើញមិត្តភក្ដិម្នាក់ឲ្យចូលរួមការជួបជុំនោះ ! ប្រហែលជាមានតែចម្រៀងមួយបទ ឬសារលិខិតមួយអំពីព្រះអង្គសង្គ្រោះ ហើយវាគឺជាអ្វីដែលមិត្តភក្ដិរបស់អ្នកត្រូវការស្ដាប់ឮ ។
-
ការអញ្ជើញមនុស្សទៅកាន់ព្រះវិហារនៅបុណ្យគ្រីស្ទម៉ាស់គឺជារឿងដ៏ សាមញ្ញបំផុត ។
បុណ្យគ្រីស្ទម៉ាស់មាននូវរឿងដ៏អស្ចារ្យមួយដែលធ្វើឲ្យមនុស្សចង់ទៅព្រះវិហារ ! នេះគឺជាពេលដ៏អស្ចារ្យមួយដើម្បីអនុញ្ញាតឲ្យមិត្តរបស់អ្នកដឹងថា ពួកគេត្រូវបានស្វាមគន៍ដើម្បីមើលឃើញអំពី របៀបដែលសមាជិកក្នុងព្រះវិហារបរិសុទ្ធអ្នកថ្វាយបង្គំព្រះអង្គសង្គ្រោះ ។
-
ចំណីចំណុក សម្រាប់បុណ្យគ្រីស្ទម៉ាស់គឺជារបៀបដ៏ល្អឥតខ្ចោះមួយដើម្បីធ្វើឲ្យការអញ្ជើញមួយ ឬសារលិខិតនៃដំណឹងល្អមួយមានរសជាតិកាន់តែផ្អែមល្ហែម ។
ចុះប្រសិនបើផ្ដល់ឲ្យនូវនំឃុកឃីមួយចានជាមួយនឹងបទគម្ពីរមួយដែលអ្នកចូលចិត្តវិញតើវាយ៉ាងណាដែរ ? ចុះប្រសិនបើផ្ដល់ឲ្យនូវបង្អែម ហើយមានពាក្យដកស្រង់មួយអំពីបុណ្យគ្រីស្ទម៉ាស់វិញ តើវាយ៉ាងណាដែរ ? ពិតជាគំនិតល្អណាស់ !
-
ក្រុមគ្រួសារច្រើនតែជួបជុំគ្នា ។
ការចំណាយពេលជាមួយនឹងគ្រួសារគឺជាផ្នែកដ៏ធំមួយនៃទំនៀមទម្លាប់បុណ្យគ្រីស្ទម៉ាស់ ដូច្នេះវាងាយស្រួលណាស់ដើម្បីនិយាយនឹងគ្រួសាររបស់អ្នក ទំនៀមទម្លាប់បុណ្យឈប់សម្រាករបស់អ្នក និងជំនឿរបស់អ្នកអំពីក្រុមគ្រួសារ ។
-
ភ្លើង និងសូកូឡាក្ដៅគឺពេញនិយមណាស់ ។
ការទទួលទានសូកូឡាក្ដៅ ឬមើលការតុបតែងបុណ្យគ្រីស្ទម៉ាស់នៅជុំវិញក្រុងសម្រាប់រាត្រីជួបជុំក្រុមគ្រួសារ ឬសកម្មភាពម៉្ញូតឆលមួយ ។ សកម្មភាពបុណ្យឈប់សម្រាកគឺមានភាពសប្បាយរីករាយសម្រាប់មនុស្សគ្រប់គ្នា ហើយវាគឺជាវិធីដ៏ល្អ មួយសម្រាប់មិត្តភក្ដិម្នាក់មើលឃើញអំពីបៀបដែលអ្នករស់នៅតាមសាសនារបស់អ្នក ។
-
សារលិខិតរបស់ពួកមរមនអំពីបុណ្យគ្រីស្ទម៉ាស់គឺមានភាពអស្ចារ្យណាស់ ហើយងាយនឹងចែកចាយ ។
ការនាំយកអារម្មណ៍បុណ្យគ្រីស្ទម៉ាស់ទៅប្រព័ន្ធផ្សព្វផ្សាយសង្គមដោយចែកចាយ« វីដេអូបុណ្យគ្រីស្ទម៉ាស់ — ព្រះអង្គសង្គ្រោះបានប្រសូតហើយ » ! តើមានមិត្តភក្ដិរបស់អ្នកប៉ុន្មាននាក់នៅលើហ្វេសប៊ុកដែលចង់មើលឃើញកុមារតូចម្នាក់ជួយអ្នករក្សាអគាមួម៉ៅម្នាក់នៅក្នុង « ហេតុផលអំពីបុណ្យគ្រីស្ទម៉ាស់ » ឬរឿងដ៏ផ្អែមល្ហែមមួយអំពីភាពពុំអាត្មានិយមនៅក្នុង « អាវរងា៖ ដំណើររឿងអំពីសេចក្ដីសប្បុរស » ? សូមស្វែងរកលើ LDS.org ឬប៉ុស្តិ៍មរមនសម្រាប់វីដេអូទាំងនេះ និងសារលិខិតដ៏អស្ចារ្យផ្សេងទៀតសម្រាប់បុណ្យគ្រីស្ទម៉ាស់ដើម្បីចែកចាយ ។
-
បុណ្យគ្រីស្ទម៉ាស់គឺជាការសាទរចំពោះព្រះអង្គសង្គ្រោះ ។
មានគ្រិស្តសាសនិកជាច្រើននឹងផ្ដោតទុកដាក់ខ្លាំងលើព្រះអង្គសង្គ្រោះក្នុងអំឡុងបុណ្យគ្រីស្ទម៉ាស់ ។ បន្ថែមពីលើការចែកចាយគំនិតបម្រើប្រចាំថ្ងៃ គេហទំព័រ Mormon.org ក៏បង្ហាញអំពីចំណុចសំខាន់ៗនៃការបង្រៀន និងរបៀបរបស់ព្រះអង្គសង្គ្រោះដើម្បីជា « ពន្លឺលោកីយ៍ » ដែរ ។ ការណ៍នោះអាចជាអ្វីដែលមិត្តភក្ដិរបស់អ្នកកំពុងស្វែងរកដើម្បីសាទរចំពោះព្រះគ្រីស្ទនៅបុណ្យគ្រីស្ទម៉ាស់ ។
-
មានរបៀបជាច្រើនដើម្បីផ្ដល់ ហើយបម្រើក្នុងអំឡុងបុណ្យគ្រីស្ទម៉ាស់ !
ការបម្រើគឺជារបៀបដ៏អស្ចារ្យមួយដើម្បីធ្វើជាអ្នកផ្សព្វផ្សាយសាសនាម្នាក់ ហើយមានឱកាសជាច្រើនដើម្បីបម្រើមនុស្សដទៃនៅអំឡុងបុណ្យឈប់សម្រាកនេះ ។ អ្នកអាចទៅលេងមជ្ឈមណ្ឌលចាស់ជរា ច្រៀងចម្រៀងបុណ្យគ្រីស្ទម៉ាស់ដល់អ្នកជិតខាង ឬចែកសម្ភារដល់ជនគ្មានផ្ទះសម្បែងក្នុងមូលដ្ឋានម្នាក់ ។ អ្នកអាចស្វែងរកគំនិតបម្រើសម្រាប់ ២៥ ថ្ងៃដំបូងក្នុងខែ ធ្នូ បានតាមរយៈការចូលទៅគេហទំព័រ Mormon.org ។
តើអ្នកកំពុងរង់ចាំអ្វី ?
ដោយសារដំណឹងល្អ អ្នកស្គាល់អំពីព្រះយេស៊ូវគ្រីស្ទ និងសេចក្ដីសង្ឃឹមទាំងឡាយដែលទ្រង់នាំមក ។ នោះគឺជាអំណោយដ៏អស្ចារ្យមួយ ហើយវាគឺជាអំណោយមួយដែលអ្នកអាចផ្ដល់ឲ្យមនុស្សដទៃទៀត ។ ប្រសិនបើអ្នកទូលព្រះវរបិតាសួគ៌សូមឱកាសចែកចាយដំណឹងល្អដោយចិត្តស្មោះ នោះទ្រង់នឹងបំផុសគំនិតអ្នកឲ្យដឹងអំពីមនុស្សដែលអ្នកត្រូវនិយាយជាមួយ ។ បុណ្យគ្រីស្ទម៉ាស់គឺជាពេលមួយនៃការចែករំលែក ការផ្ដល់ឲ្យ និងការចងចាំអំពីព្រះយេស៊ូវគ្រីស្ទ ។