ការអញ្ជើញមកកាន់កម្មវិធីសិល្បករទូទាំងពិភពលោក
« ទូលបង្គំនឹងរំឭកពីអស់ទាំងការនៃព្រះយេហូវ៉ា ដ្បិតទូលបង្គំនឹកឃើញអស់ទាំងការអស្ចារ្យដែលទ្រង់បានធ្វើកាលពីដើម ។ ទូលបង្គំនឹងរំពឹងគិតពីគ្រប់ទាំងការរបស់ទ្រង់ ហើយពិចារណាពីកិច្ចដែលទ្រង់ធ្វើទាំងប៉ុន្មាន » ( ទំនុកដំកើង ៧៧:១១–១២ ) ។
អ្នកត្រូវបានអញ្ជើញឲ្យបង្កើតគំនូរ ថ្មីសម្រាប់ការប្រកួតគំនូរ អន្តរជាតិលើកទី១១ ដែលឧបត្ថម្ភដោយសារៈមន្ទីរប្រវត្តិសាស្ត្រសាសនាចក្រនៅទីក្រុងសលត៍ លេក រដ្ឋយូថាហ៍ ។
-
ប្រធានបទ ៖ « ការសញ្ជឹងគិតអំពីជំនឿ » ដែលបានបំផុសមកពី ទំនុកដំកើង ៧៧:១១–១២ ។ រាល់ប្រព័ន្ធផ្សព្វផ្សាយ រចនាប័ទ្ម និងបែបបទតាមវប្បធម៌ខាងគំនូរទាំងអស់ត្រូវបានស្វាគមន៍ !
-
កាលបរិច្ឆេទការដាក់ស្នើ ៖ ថ្ងៃទី ១ ខែកុម្ភៈ រហូតដល់ថ្ងៃទី ១ ខែមិថុនា ឆ្នាំ២០១៨ ។
-
អាយុ ៖ អ្នកចូលរួមត្រូវមានអាយុចាប់ពី ១៨ ឆ្នាំឡើងទៅ ។
-
រង្វាន់ ៖ ក្រោយបានជ្រើសរើសដោយគណៈវិនិច្ឆ័យហើយ រង្វាន់នឹងត្រូវប្រកាសនៅខែតុលា ឆ្នាំ ២០១៨ ។ គំនូរដែលបានចូលរួមនឹងត្រូវដាក់បង្ហាញនៅឯសារៈមន្ទីរប្រវត្តិសាស្ត្រសាសនាចក្រ និងនៅលើអ៊ិនធើរណែត ។
សូមចូលទៅគេហទំព័រ lds.org/artcompetition សម្រាប់ច្បាប់លម្អិត តម្រូវការលក្ខខណ្ឌ គ្រប់គ្រាន់ និងការចុះឈ្មោះនៅលើអ៊ិនធើរណែត ។