Kajoor ko an Priesthood
Jān Būreejtōn Dallin H. Oaks
Rikakpilōklōk eo Kein Kajuon ilo Būreejtōnji eo Kein Kajuon
Jerbal eo ekwojarjar an priesthood kwoj kabwijere eaorōk ilo jerbal in an Irooj ilo baam̧le im kūr ko am̧i ilo Kabun̄ in.
Em̧m̧aan ro jeiū im jatū rejitōn bōro, jaar ron̄ juon naan in kanaan jān Būreejtōn Russell M. Nelson. Jaar ron̄ naan in elewetak jān Elder Christofferson im Rasband im jān Būreejtōn Eyring. Ta eo enaaj ba, eļap jān Būreejtōn Nelson, enaaj kelewetak kom̧, ritōl ro an Irooj im ro rej kabwijer priesthood eo, renaaj kiiō kōm̧m̧ane eddo ko ami. N̄an jipan̄ kake, inaaj kwaļo̧k jet iaan kien in pedped in katak ko an priesthood kom̧ij kabwijere.
I. Priesthood Eo
Melkisedek Priesthood ej juon mālim eo ekwojarjar Anij eaar kadedeļo̧k An jerbal “n̄an kakūrm̧ool … mour indeeo an armej” (Moses 1:39). Ilo 1829, kar leļo̧k ioon Josep Smith im Oliver Cowdery jān Rijilōk ro an Rilo̧mo̧o̧r, Piter, Jemes, im Jon (Lale K&B 27:12). Ekwojarjar im ekajoor jān kajoor ko ad n̄an kōmeļeļeki.
Kii ko an Priesthood rej kajoor ko n̄an tōl im kōjerbal mālim eo an priesthood. Aaet, ke Rijilōk ro raar leļo̧k Melkisedek Priesthood ioon Josep im Oliver, raar bar leļo̧k n̄an er kii ko n̄an tōl im kōjerbale (lale K&B 27:12–13). Ak ejjab aolepen kii ko an priesthood kar leļo̧k ilo iien eo. Aolep kii ko im jeļā eo aikuji ilo “abaretok tarlep in tōrean iien” (K&B 128:18) kar letok “lain im bar lain” (eoon 21). Kii ko jet kar liļo̧k ilo Kirtland Temple eo jiljilimjuon iiō tokālik (lale K&B 110:11–16). Kii kein kar litok n̄an kōjerbal mālim eo an priesthood ilo jerbal ko jet kar litok ilo tōrein, āinwōt peptaij kōn ro remej.
Melkisedek Priesthood ejjab men bajjōk ak men pata. Ej juon kajoor n̄an kabwijere ilo lōke n̄an kōjerbale n̄an em̧m̧an eo ilo jerbal in an Anij n̄an ro Nejin. Jej aikuj aolep iien keememej bwe aolep em̧m̧aan ro rej kabwijer priesthood eo rejjab “priesthood.” Ejjab ekkar n̄an ba “priesthood ak kōrā.” Jej aikuj ba “ro rikabwijer priesthood im kōrā.”
II. Juon Jerbal in Karejar
Kiiō jen lale ta eo Irooj Jisōs Kraist ekōņaan jān aolep ro rej kabwijer priesthood eo—elmen ad bōk jetōb ko n̄an E.
Būreejtōn Josep F. Smith eaar kwaļo̧k: “Em̧ool kar ba bwe Kabun̄ ejejjet an kar ejaak. Jorrāān eo ej bwe doulul kein rejjab lukkuun emourur ekkar n̄an jerbal ko kar likūt ioer. N̄e rej lukkuun ruj n̄an jerbal ko rej aikuj kōm̧m̧ani, renaaj tiljek n̄an kakūrm̧ool eddo ko aer, im bwe jerbal eo an Irooj enaaj kajoorļo̧k im kajoor n̄an pedjake laļ in.”1).
Būreejtōn Smith ekar barāinwōt kakkōļ:
“Anij eaar letok taitōļ … kar ekkejeļtok ippān jet opiij ko ilo im elaajrak ko ilo Priesthood eo Ekwojarjar, rejjab aikuj jerbal ak ļōmņaki āinwōt kōm̧m̧an in armej; rejjab menin kōnōbarbar ak rej jerbal jen m̧aajta eo, ak rej elletok in n̄an jerbal in jipan̄ eo ettā ilo jerbal in an juon Maajta eo me jej jerbal n̄ane. …
“… Jej jerbal n̄an bōktok lo̧mo̧o̧r n̄an jetōb ko, im jej aikuj en̄jake bwe en̄in ej eddo eo eļap letok iood aolep. Kōn menin, jej aikuj en̄jake n̄an wūjļepļo̧k aolep men otemjeļo̧k, eļan̄n̄e emenin aikuj, kōn iakwe an Anij, n̄an lo̧mo̧o̧ren aolep armej, im bwe aibojooj an Anij en pād ioon laļ in.”2
III. Opiij ko an Priesthood
Ilo Kabun̄ in an Irooj, opiij ko ilo Melkisedek Priesthood eoktak jerbal ko aer. Katak im Bujen ko ej kwaļo̧k kōn pris ro routiej n̄an “kajutake būreejtōn ro ak rijerbal ro n̄an stake ko rejjeplōklōk ijoko rettoļo̧k” (K&B 124:134). Ej kwaļo̧k kōn elder ro n̄an “minister ro an jikin ko n̄an kabun̄ eo [an Irooj]” (K&B 124:137). Erkein katak ko jet ilo jerbal kein reoktak.
Juon pris eo eutiej ej jerbale im kōm̧m̧an men ko an jetōb (lale K&B 107:10,12). Barāinwōt, ilo an Būreejtōn Joseph F. Smith kwaļo̧k, “toon wōt an kar ekapit juon pris eo eutiej, [ej] an eddo … n̄an kōm̧m̧an waanjon̄ok ko rerreeo im̧aan ro retūtto im reddik im n̄an likūt e make ilo juon jerbal āinwōt juon rikaki, ejjab ilo bajjōk ak ilo waanjon̄ok em̧m̧an—leļo̧k n̄an ro reddik jeram̧m̧an eo ilo tōrein, im n̄an an juon make erom̧ kajoor ilubwiljin jukjukinpād eo ej pād ie.”3
Ilo eddo ko an juon elder, Elder Bruce R. McConkie jān Doulul eo an Jon̄oulruo ro eaar kwaļo̧k: “Juon elder ej juon rikwaļo̧k an Irooj Jisōs Kraist. … E ej jutak ilo jikin im bōk jikin Maajta eo an … n̄an kwaļo̧k n̄an armej ro an. E ej an Irooj rijerbal.”4
Elder McConkie eaar jum̧aik ļōmņak in bwe “juon wōt elder.” Eaar ba, “Kajjojo elder ilo Kabun̄ in rej kabwijer priesthood eo jon̄an wōt Būreejtōn eo an Kabun̄ in …”. “Ta in elder? Ej juon seperd, juon seperd eo ej jerbal ilo bwijin siip eo an Seperd eo Em̧m̧an.”5
Ilo jerbal in eaorōk n̄an kwaļo̧k ilo worwor an siip ko an Seperd eo Em̧m̧an, ejjeļo̧k oktak ikōtaan opiij eo an pris eo eutiej im elder ilo Melkisedek Priesthood. Ilo jekjen 107 in Katak im Bujen ko, Irooj ej kwaļo̧k, “Pris utiej ro ilo̧kan ellaajrak eo an Melkisedek Priesthood eo ewōr aer jim̧we n̄an bōk kuņaer ilo ijo rej jutak ie, ium̧win tōl an presidency eo, ilo jerbali men ko an jetōb, im barāinwōt ilo opij eo an elder [ak ilo opiij ko ilo Priesthood eo an Aron]” (K&B 107:10; bar lale eoon 12).
Pedped in katak eo ej make wōt n̄an aolep ro rej kabwijer priesthood eo ej bwe pedped eo kar kwaļo̧k jen rikanaan Jekab ilo Bok in Mormon. Ālkin an im eo jatin Josep kar kapit pris ro im rikaki ro an armej ro, eaar kwaļo̧k, “Im kōm ar kōļapļo̧k kūr eo am n̄an irooj, bōke ioon eddo eo, uwaak kōn jero̧wiwi an armej ro ioon n̄e kōmij jab katakin er naan in Anij kōn aolep tiljek; irooj, bōke ioon eddo eo, uwaak kōn jero̧wiwi an armej ro ioon n̄e kōmij jab katakin er naan in Anij kōn aolep tiljek” (Jekab 1:19).
Em̧m̧aan ro, jerbal ko ad āinwōt ro rej kabwijer priesthood eo eļap aer aorōk. Doulul ko jet emaron̄ em̧m̧an aer kōm̧m̧ani ippān jon̄ak ko an laļ in n̄an kwaļo̧k ennaan ko aer n̄an kōm̧m̧ani jerbal ko jet. Ak kōj eo jej kabwijer priesthood eo an Anij ewōr kajoor eo ekwojarjar me bōk eddoin deļo̧n̄ļo̧k eo n̄an aiboojoj eo an celestial. Ewōr ippād jibadbad im jerbal eo an Irooj kar kwaļo̧ke ilo kadkad eo ilo Katak im Bujen ko. Jej aikuj kwaļo̧k n̄an laļ in:
“A bwe armej otemjej en maron̄ ekkōnono ilo etan Anij Irooj, em̧ool Rilo̧mo̧o̧r eo an laļ;
“Bwe tōmak barāinwōt en maron̄ ļapļo̧k ilo laļ;
“Bwe bujen eo Aō ejjeļo̧k jem̧ļo̧kin en maron̄ jutak;
“Bwe tarlep in gospel eo Aō maron̄ in kean̄ kake jān ro rem̧ōjņo̧ im ļam waan n̄an jem̧ļo̧k ko an laļ, im im̧aan kiin̄ raņ im ripepe raņ” (K&B 1:20–23).
N̄an kakūrm̧ool eddo in ekwojarjar, jej aikuj in tiljek n̄an “kakūrm̧ool” kūr im eddo ko ad ilo priesthood (lale K&B 84:33). Būreejtōn Harold B. Lee eaar kōmeļeļeik kilen kakūrm̧ool priesthood eo: “N̄e juon ej jino erom̧ rikabwijer priesthood eo, ej jino erom̧ ribōk jikin Irooj. Ej aikuj ļōmņak kōn kūr eo an āinwōt n̄e ej pād ilo jerbal eo an Irooj. En̄in ej meļeļe n̄an kakūrm̧ool priesthood eo.”6
Kōn menin, em̧m̧aan ro, eļan̄n̄e Irooj Make en kar kajitōk ippāmi n̄an jipan̄ juon iaan ļaddik im leddik ro Nejin—eo Ekar kōm̧m̧ane jen rikarejar ro An—kwon ke kar kōm̧m̧ane? Im eļan̄n̄e kwoj kōm̧m̧ane, kwon ke m̧akūtkūt āinwōt Ribōk jikin, “ilo jerbal in an Irooj,” pedped wōt ilo jipan̄ eo An kar kallim̧ur kake?
Būreejtōn Lee eaar bar kwaļo̧k kōn kakūrm̧ool priesthood eo: “N̄e kwoj jibwe juon kūlaaj ioon jet men ekōm̧m̧an bwe men eo en kilepļo̧k innām kwomaron̄ loe kōn mej ko rem̧ōjņo̧; menin ej juon kūlaaj. Kiiō, … eļan̄n̄e aolep renaaj kakūrm̧ool priesthood eo aer—en̄in, ekōm̧m̧an bwe en kilepļo̧k jen aer kar ļōmņak m̧okta im eaorōkļo̧k jen jabdewōt men kar ļōmņake—en̄in ej wāween eo n̄an ami kakūrm̧ool priesthood eo.”7
En̄in ej juon waanjon̄ok in juon eo ej kabwijer priesthood eo ej kakūrm̧ool priesthood eo an. Iaar ron̄ menin jān Elder Jeffrey D. Erkson, eo m̧ōtta ilo juon kweilo̧k eļap an stake ilo Idaho. Ke ej m̧ōj an m̧are, eaar jerata im kōņaan jab kadedeļo̧k iiō eo an āliktata ilo kaļōj, Jeffrey eaar kālet bwe en bōjrak im kappok an jerbal. Jet raan tokālik būreejtōn eo an doulul eo an em̧m̧aan ro eaar itok n̄an m̧weeo im̧ōņ. “Kwoj ke meļeļe aorōkin kii ko an priesthood ij kabwijeri?” būreejtōn eo an doulul eo an elder ekar kajjitōk. Ke Jeffrey eaar ba aaet, būreejtōn eo eaar jiron̄ e ke ej ron̄ ke ej tin bōjrak jān kaļōj, Irooj eaar ennaan n̄an e ilo bon̄ n̄an leļo̧k ennaan in n̄an Jeffrey: “Āinwōt juon am̧ būreejtōn ilo doulul eo an em̧m̧aan, ij kapilōk eo n̄an jab bōjrak jān kaļōj. En̄in ej juon ennan n̄an eok jān Irooj.” Jeffrey eaar pād wōt ilo jikuuļ. Iiō ko tokālik iaar ioon e ekar juon em̧m̧aan in bājinej eo ebun̄bun̄ im kar ron̄ an kwaļo̧k n̄an juon jarlepju in ro rej kabwijer priesthood, “Bwe [kapilōk] in eaar kōm̧m̧an oktak ilo mour eo aō.”
Rikabwijer priesthood eo ej kakūrm̧ool priesthood im kūr eo an, im bwe ekar kōm̧m̧an “aolep oktak” ilo mour an juon eo nejin Anij.
IV. Priesthood ilo Baam̧le eo
Maantak n̄an kiiō, em̧ōj aō kar kōnono kōn jerbal ko ilo priesthood ilo Kabun̄ in. Kiiō inaaj kōnono kōn priesthood ilo baam̧le eo. Inaaj jino kōn kii ko. Pedped eo bwe mālim eo an priesthood en maron̄ wōt jerbal ium̧win tōl eo an juon eo ej kabwijer kii ko n̄an jerbale ej pedped in ekkatak ilo Kabun̄ in ak ejjab iokļo̧k n̄an kōjerbal mālim eo an priesthood ilo baam̧le.8 Juon baba eo ej kabwijer priesthood eo ej tōl ilo baam̧le eo an jen mālim eo an priesthood ej kabwijere. Ejjab aikuj bōk tōl ak mālim jen kii ko an priesthood n̄an kapilōk ro uwaan baam̧le eo an, kōm̧m̧ani kweilo̧k ko an baam̧le, leļo̧k kōjeraam̧m̧an ko an priesthood n̄an kōrā eo ippān im ajri ro, ak n̄an leļo̧k kōjeraam̧m̧an ko n̄an ro uwaan baam̧le eo ak ro jet.
Eļan̄n̄e baba ro rej kakūrm̧ool priesthood eo aer ilo baam̧le eo aer make, ej kōkajoorļo̧k mijen eo an Kabun̄ in jen jabdewōt men remaron̄ kar kōm̧m̧ane. Baba ro rej kabwijer Melkisedek Priesthood eo rej aikuj kōjparok kien ko bwe ren maron̄ wōr kajoor eo an priesthood n̄an leļo̧k kōjeraam̧m̧an ko n̄an ro uwaan baam̧le ko aer. Baba ro rej aikuj barāinwōt kōļapļo̧k jemdoon in iakwe an baam̧le bwe ro uwaan baam̧le eo ren kōņaan kajjitōk ippān jemeer n̄an bōk kōjeraam̧m̧an. Ro jinen im jemen eaikuj ļapļo̧k aer kajjitōk kōn kōjeraam̧m̧an ko an priesthood ilo baam̧le eo.
Baba ro, jerbal āinwōt “juon wōt” ippān kōrā ro pāleemi, āinwōt an kean̄ eo an baam̧le katakin.9 Im, baba ro, n̄e am̧ iien em̧m̧an n̄an kōjerbal kajoor eo im im̧we in mālim eo am ilo priesthood, kōm̧m̧ane “jeļā ņae, meanwōr, meoeo im ettā bōro, im jān iakwe jab aniklaan riab” (K&B 121:41). Jon̄ok eo eutiej n̄an kōjerbal mālim eo an priesthood ej make wōt aorōk ilo baam̧le eo. Būreejtōn Harold B. Lee eaar letok kallim̧ur in ālkin wōt an kar erom̧ Būreejtōn eo an Kabun̄ in: “Aaet ilo kajoor eo an priesthood, eo kwoj kabwijere, eļapļo̧k an em̧m̧an jen n̄e ewōr albarok ilo m̧weeo im̧ōm̧, nan̄inmej, ak jet kālet ko remman me rej aikuj kōm̧m̧ani. … Kajoor eo ilo priesthood, eo ej kajoor eo Ekajoor Bōtata an Anij, ej kajoor n̄an kōm̧m̧ani kabwilōn̄lōn̄ ko eļan̄n̄e an kilaan Anij, ak bwe jen maron̄ kōjerbal priesthood in, jej aikuj in erreeo n̄an kōjerbale. Juon likjab n̄an meļeļe katak in ej juon likjab n̄an bōk kōjeraam̧m̧an ko n̄an kabwijer priesthood in.”10
Em̧m̧aan ro jitōnbōro ippa, kakūrm̧ool priesthood eo ekwojarjar kwoj kabwijere eaorōk ilo jerbal in an Irooj ilo baam̧le im kūr ko am̧i ilo Kabun̄ in.
Ij kam̧ool kōn E eo an priesthood in. Kōn en̄taan in pinmuur eo An im en̄taan im jerkakpeje, aolep em̧m̧aan im kōrā ro ewōr aer jeļā kōn mour jab wabanban im iien em̧m̧an n̄an mour indeeo. Kajjojo iaad eaikuj in tiljek im kijenmej n̄an kōm̧m̧ani ijoko kuņaad ilo jerbal in eļap an Anij Jemed, ilo etan Jisōs Kraist, amen.