Elder David P. Homer

Ritōl Eutiej Jiljilimjuonn̄oul an Kabun̄ in

Juon iaan ememļo̧kjeņ ko an Elder David P. Homer m̧oktata ikkijine gospel eo ej jān kar jitōn̄e ke eaar 14 iiō dettan āinwōt juon m̧ōttan rūkaki in katakin ilo m̧ōko n̄an juon uwaan ward eo an eo “ekar kōm̧m̧ane juon jekjek ejej uwaan n̄an katakin ilo m̧ōko,” Elder Homer eaar ba. “Eaar jab kōn deļo̧n̄ ilo m̧ōko im loļo̧k armej ro; eaar kōn jerbal in karejar n̄an aikuj ko aer.”

Āinwōt juon m̧ōttā, raar jar kōn im kōnono kōn baam̧le ko raar eddo kaki, ejjab āinwōt juon rūtto n̄an juon jodikdik bōtaab āinwōt rijerbal ro ilo jerbal in jipan̄ an priesthood. “Iaar katak bwe Jetōb eo ej itok ippān im ej koba ippān jerbal in jipan̄ eo,” Elder Homer eaar ba.

Katak jab eo eaar pād ippān ilo aolepān mour eo an im waļo̧ktok ālik ilo jerbal in jipan̄ eo ilo Kabun̄ in, men̄e jerbal āinwōt juon Eria Jiljilimjuonn̄oul, ritōl ilo nursery, ak bulletin board specialist—juon kūr eaar kakūrm̧ool ke e im lio pāleen raar jokwe ilo Melbourne, Australia.

David Paul Homer ekar ļotak ilo Eprōļ 25, 1961, ilo Salt Lake City, Utah, USA, n̄an Frederick im Phyllis LeNila Homer. Ālkin mijen eo an ilo Hong Kong jān 1980 eo n̄an 1982 eo, eaar ioon Nancy Dransfield, juon rikadiwōjļo̧k in Brigham Young University, ilo juon noko in jotan an institute ilo Salt Lake City, ijo liin eaar jerbal im etal n̄an kūlaj ko ilo University of Utah. Rekar m̧are ilo Salt Lake City Tampeļ ilo Juļae 31, 1984. Raar karūttoļo̧k ļalem nejier leddik ro im juon nejier ļaddik.

Elder Homer eaar bōk bachelor degree ilo economics jān University of Utah im master degree ilo business administration jān Wharton School ilo University of Pennsylvania.

Ilo iiō ko 30 in an jerbal āinwōt juon executive ippān General Mills, e im lio pāleen raar jokwe ilo Maimi, Florida, USA, Minneapolis, Minnesota, USA; Burlington, Ontario, Canada; im Saint Sulpice, Vaud, Switzerland.

Elder Homer eaar jerbal āinwōt stake būreejtōn, bisop, būreejtōn an Doulul eo an elder ro, im ward executive rijeje. Āinwōt juon Eria Jiljilimjuonn̄oul eaar jino jerbal in jipan̄ eo an ilo Canada im wōnm̧aanļo̧k wōt ilo Europe, ijo eaar jerbal ium̧win emān iiō ko rej jem̧ļo̧kļo̧k m̧okta jān kar rejtake āinwōt jon Ritōl Eutiej Jiljilimjuonn̄oul ilo M̧aaj 31, 2018.