2018
Mōttan ko Rem̧m̧an jān Kein Kajuon in 188th in Kweilo̧k eo Eļap
May 2018

Mōttan ko Rem̧m̧an jān Kein Kajuon in 188th in Kweilo̧k eo Eļap

Kweilo̧k in eļap ekar juon bwebwenato kōn elōn̄ un ko, ekoba bar ejaak eo an doulul ko an Melkisedek Priesthood im juon tōre in ijjino kāāl an jerbal in karejar. Ak bōlen kar kōtmāne eo eļaptata ekar ad kajjojo iien em̧m̧an n̄an rejtake Būreejtōn Russell M. Nelson āinwōt Būreejtōn eo kein 17th an Kabun̄ eo an Jisōs Kraist im Armej ro Rekwojarjar ilo Raan-ko Āliktata.

Juon Tōre in Rejtake Ritōl ro

Ke jekar jutak im rejtake juon rikanaan ekāāl im Būreejtōn, pe ko peid rekar jutak rekar jab maron̄ bwini jān jabdewōt kain armej; rekar je ilo lan̄ āinwōt juon bujen ippān Anij.

Jān kweilo̧k eo, jekar loe kam̧ool eo bwe en̄in ej Kabun̄ eo an Rilo̧mo̧o̧r eo, ej tōl jān E kōn rikarejar ro An. Jekar kam̧ool bwe likūti jikin juon rikanaan emour ilo wāween eo ejelet kōj—ejjab jutak ikōtaad im Rilo̧mo̧o̧r eo ak ej jutak iturājetid im jitōn̄ļo̧k iaļ eo n̄an Rilo̧mo̧o̧r eo. Jekar bōk iien em̧m̧an n̄an bōk “juon kam̧ool ad make bwe kūr eo an Būreejtōn Nelson ej jān Anij” im n̄an emjak “jetōb ko ad n̄an Irooj Jisōs Kraist [jān] ron̄jake ro Ej jilkintok” (lale Elder Neil L. Andersen on page 26).

  • Kom̧ maron̄ ekkatak eļapļo̧k kōn Būreejtōn Nelson ilo 16 peij ko rej ekkejeltok n̄an Māe 2018 Ensign im Liaona.

Rejtake Ritōl ro Rekāāl

Ilo kakkobaba n̄an rejtake Būreejtōn Nelson, jekar rejtake elōn̄ļo̧k jān 70 ritōl ro rekāāl.

  • Pukot juon laajrak in ro kar rejtake er, ekoba Eria Jiljilimjuonn̄oul ro rekāāl, ilo peij 6–8, 28–29.

  • Riiti tukadu in kadkad in mour ko an ritōl ro rekāāl jino ilo peij 121.

Oktak ko n̄an Doulul ko im Jerbal in Karejar

Mekarta ej tōl jān rikanaan ro, oktak ko kar kōjjeļļā kaki ilo kweilo̧k eo “rej jet waanjon̄k in revelesōn ko [jān Anij] me rekar tōl Kabun̄ in jān jinoin,” Elder Jeffrey R. Holland ekar ba (lale peij 101).

  • Riiti kōmeļeļe ko kōn bar ejaake eo an doulul ko jān Būreejtōn Nelson, Elder D. Todd Christofferson, im Elder Ronald A. Rasband, jino ilo peij 54.

  • Riiti kōmeļeļe ko kōn jerbal in karejar eo jān Būreejtōn Nelson, Elder Holland, im Sister Jean B. Bingham, jino ilo peij 100.

  • Pukot meļeļe ko reļļapļo̧k kōn oktak kein im jipan̄ ko ilo jākjen in nuuj ko ilo peij 132–133.

Bar Jet Tampeļ ko

N̄an bar kwaļo̧k “ennaan eo ad n̄an laļ in” “jej karuwaineneik aolep ajri ro nejin Anij rej pād jim̧or turājet ko ilo rōn̄ōļ eo n̄an itok n̄an Rilo̧mo̧o̧r eo aer, bōk kōjeraam̧m̧an ko an tampeļ eo ekwojarjar, bōk lan̄lōn̄ in kijenmej, im bōnjān ko rem̧m̧an an mour indeeo,” Būreejtōn Nelson ekar kōjjeļļā kōn jiljilimjuon tampeļ ko rekāāl.

  • Pukot e ia eo tampeļ kein jiljilimjuon renaaj pād ie, ilo peij 133.