Jerbal in Karejar
Jān Būreejtōn Russell M. Nelson
Jenaaj kōjerbale juon eo ekāālļo̧k, kepaakļo̧k eo ekwojarjarļo̧k n̄an kea im jerbal in karejar n̄an ro jet.
Kom̧m̧ool Elder Gong im Elder Soares kōn kwaļo̧k in tōmak ko amiro. Jej lukkuun kam̧m̧oolol kōn kom̧iro im ro m̧ōttami ro rejitōn bōro.
Ro jeiū im jatū, jej aolep iien pukot tōl eo jān Irooj kōn wāween ad maron̄ jipan̄ membōr ro ad kōjparok kien ko an Anij, eļaptata ruo kien ko reļļap n̄an iakwe Anij im ro ritūrir.1
Elōn̄ allōn̄ ko jekar pukot juon wāween em̧m̧anļo̧k n̄an karejar n̄an aikuj ko ilo jetōb im kanniōk an armej ro ad ilo wāween eo an Rilo̧mo̧o̧r eo.
Jekar kōm̧m̧an jokālet ko n̄an bōjrak jān loļo̧k ko an em̧m̧aan im katakin ilo m̧weo an kōrā āinwōt ad kar jeļā kaki. Ijjelo̧kin, jenaaj kōjerbale juon eo ekāālļo̧k, kepaakļo̧k eo ekwojarjarļo̧k n̄an kea im jerbal in karejar n̄an ro jet. Jenaaj kōnono kōn kijejeto kein āinwōt “jerbal in karejar.”
Kijejeto eo ewājebdik an jerbal in kijejeto rej kōmaron̄ jān menin letok ko sister ro rekar ļotak tok kaki im kajoor eo an priesthood eo ejjeļo̧k juon men n̄an keidi ippān. Kōj aolep aikuji kain kōjparok in jān karōk ko rewājebdik an rikapo eo.
Elder Jeffrey R. Holland jān Doulul eo an Jon̄oulruo Rijilōk ro, im Sister Jean B. Bingham, Būreejtōn eo Eutiej an Doulul eo an Kōrā ro, enaaj kōmeļeļeik ewi wāween an em̧m̧aan ro kar jitōn̄ er an priesthood eo im kōrā ro kar jitōn̄ er an Doulul eo an Kōrā ro im Doulul eo an Jiron̄ ro naaj jerbal ilo jerbal im emmejraake membōr ro an Kabun̄ in ipeļaakin laļ in.
Būreejtōnji eo Kein Kajuon im Jon̄oulruo eo rej ippān doon im rie enaan ko aer. Kam̧m̧oolol im tiljek jej kōppeļļo̧k jebta in ekāāl ilo bwebwenato an Kabun̄ in, ilo etan Jisōs Kraist, amen.