Becky Craven
Rikakpilōklōk eo Kein Karuo, Būreejtōnji eo Eutiej an Doulul eo an Jiron̄ ro
Ewōr juon men Sister Becky ekkā an kwaļo̧ke āinwōt kar juon mijenede: “N̄e kwojeļā wōn kwe, eoktak am̧ em̧akūtkūt.”
Sister Craven eaar ba, “Im en̄in ilo aolep jekjek—wāween am̧ kōnono, wāween am̧ kwaļo̧k eok make, im m̧akūtkūt ko kwoj pād ie,” eo eaar jerbal ippān ļeo pāleen Ronald L. Craven, ke eaar tōl ilo North Carolina Charlotte Mission jān 2012 n̄an 2015.
Sister Craven kar rejtake āinwōt rikakpilōklōk eo Kein Kajuon ilo Būreejtōnji eo Eutiej an Doulul eo an Jiron̄ ro ilo Maaj 31, 2018. “Jiron̄ ro raar jino lo er make ilo karōk eo an Anij, renaaj maron̄ in lo juon kōttōbar kōn er make,” ekar ba. “Ej aikuj bar wōr am̧ kōttōbar. Eļan̄n̄e ejjeļo̧k am̧ kōttōbar, kwojaje kwoj etal ia ļo̧k im kojaje ta n̄an kōm̧m̧ane ijeņ.”
Rebecca Lynn Craven eaar ļotak ilo Oktoba 26, 1959, ilo Chardon, Ohio, USA, n̄an Corless Walter Mitchell im Linda Louise Kazsuk Mitchell. Mōņōņō in kūr e make “nejin ritariņae,” eaar rūttoļo̧k ilo Texas, USA, ijo baam̧le eo an raar kobatok ilo Kabun̄ in; Germany, ilo tōre eo baam̧le eo an raar liāp ilo Swiss Temple; England; Utah, USA, ijo eaar peptaij ilo tōre eo jino an jemen etal n̄an Vietnam; im U.S. states ilo Maryland, Kentucky, Missouri, im Kansas.
Kar m̧are ilo Okwōj 5, 1980, ilo Salt Lake City, Craven ro ewōr ļalem nejierro ajri.
Mokta jen rejtake n̄an kūr eo an ekāāl, eaar jerbal āinwōt juon rikakpilōklōk ilo juon ward būreejtōnji an Doulul eo an Kōrā ro im kar juon rijerbal in kain̄i ilo Bountiful Utah Temple. Eaar barāinwōt jerbal āinwōt ward būreejtōn n̄an Doulul eo an Jiron̄ ro, membōr in bo̧o̧t n̄an Doulul eo an Kōrā ro ilo stake, stake mijenede, im ritōl an Webelos.
Sister Craven eaar bōk juon bachelor degree kōn interior design jān Brigham Young University, ijo eaar jerbal āinwōt rikapilōk an kamitii in ikkure. Eaar bar jerbal āinwōt juon membōr in bo̧o̧t eo eutiej an CHOICE Humanitarian, doulul in jipan̄ eo ej pād ilo Utah.
Em̧m̧an ippān hike, water sport, snowshoeing, ito-itak, jin̄a, kadkad, im ikkure im m̧akūtkūt ko an baam̧le.