Elder Steven R. Bangerter
Ritōl Eutiej Jiljilimjuonn̄oul an Kabun̄ in
Ilo iien eo eaar ajri ilo tūrep in kāām, Elder Steven R. Bangerter im baam̧le eo an raar iuwe ioon dirt bike ko ioon juon toļ. Ilo iaļ eo aer laļļo̧k, eaar jejļo̧k jān iaļ eo an im kar jepeļļo̧k jān ro jet.
Ke eaar bukwelōlō ālkin rālepen eo im akweļap ippān Jemen ilo Lan̄ kōn jipan̄, ilo ļōmņak eo an eaar lo iaļ eo eaar jōbwābwe jān e. Ke eaar jino wallaļļo̧k, “eo jeiū eaar tōpar ilōn̄ ilo iaļ eo ilo wa eo waan, atbakwōj eō, im tōlļo̧k eō ilo marok eo n̄an kāām eo, eo ekar bōk awa ko ettoļo̧k in.”
Iien jab in eaar juon iaan ko rellōn̄ me kar kōm̧m̧an bwe en en̄jake iakwe ilo tōre eo eaar ajri. “Eaar ejjeļo̧k juon iien ilo mour eo aō me iaar ļōmņak eļan̄n̄e rekar iakwe eō ak kea kake eō,” Elder Bangerter eaar ba.
Elder Bangerter eaar ļotak ilo Salt Lake City, Utah, USA n̄an Max E. im Thelma R. Bangerter ilo Juļae 29, 1961 eo. Eaar rūttoļo̧k ilo Granger, Utah.
Ilowaan wōt wiik ko jān an kar ro̧o̧l jān jerbal ilo Canada Vancouver Mission eo, Elder Bangerter eaar ioon Susann Alexis Huges. Ilo iien bwebwenato eo arro im̧aan tata, eaar lo ilo ikdeelel ettā eo an n̄an jerbal me ekar im̧we n̄an kajjitōk n̄an m̧areiki ilo iien bwebwenato eo aerro kein karuo. Raar liāp ilo Salt Lake City Tampeļ eo ilo M̧aaj 17, 1983 eo. Rej jinen im jemen jiljino ļaddik ro.
Elder Bangerter eaar bōk bachelor of arts degree eo an jān Arizona State University ilo religious studies im juris doctor degree jān Western State Univeristy College of Law eo. Ium̧win 25 iiō ko remootļo̧k, Elder Bangerter eaar jutak ilo etan m̧ōn jar ko im doulul in kabun̄ ko ilo law practice ko ilo Southern California im southern Utah. Eaar juon m̧ōttan ilo Cooksey, Toolen, Dufffy, im Woog jān 1993 eo n̄an 2003 eo im kar erom juon managing partner of Bangerter, Frazier, im Gaff ilo 2004 eo.
Elder Bangerter eaar jerbal āinwōt juon Eria Jiljilimjuonn̄oul, stake būreejtōn, rikakpilōklōk ilo stake būreejtōnji, bisop, būreejtōn an doulul eo an elder ro, im būreejtōn an Doulul eo an Likao ro ilo ward.