Lisa L. Harkness

Rikakpilōklōk eo Kein Kajuon, Būreejtōnji eo Eutiej an Būraimere

Lisa L. Harkness eaar aolep iien em̧m̧an ekkatak im kōn laļ in, jet iien ro jinen im jemen rej bōke. Eaar bōk kōn political science im kar ekkatak kilen jōbjōb jineek ko ke eaar jerbal ilo Monte L. Bean Life Science Museum ilo an jikuuļ ilo Brigham Young University—ekoba jineiik ko.

“Ewōr m̧wilier, tōmak ak jaab,” ekar ba. “Ewōr juon elukkuun jeļā kajjieō aolep iien n̄e ij jibwe.” Howard, juon jineek ebūrōrō kilin, enej tabōlbōl lōn̄tak ioon aeran, in̄tōk im erolool ioon kōnwaan, im jimettan in bōran ej pād ioon bōran ilo an katakin kurub ko rekar itok n̄an museum eo.

Raan kein, liin ej maron̄ jōbjōb wōt im kakileni elōn̄ kain jineek ko—toon wōt aer jab kōjan̄ lo̧eer n̄an e.

Sister Harkness ekar ļotak ilo Los Angeles, California, USA, n̄an Ronald im LaRae Long ilo Jānwōde 13, 1965. Ej rūttotata iaan ļalem ajri ro, e im baam̧le eo an ekkā aer “aolep iien jam̧bo, pād laļ ko jet, im alooje laļ in.” Ekar ba bwe kōnke aolep iien ej kajjitōk ippān jinen im jemān kajjitōk kein, “Ij lukkuun tōmak im lōke bwe imaron̄ etal n̄an Jemedwōj Ilan̄ im bōk uwaak ko.”

Ālkin jerbale juon mijen kōnono kajin Spanish ilo Louisiana Louisiana Baton Rouge Mission, Sister Harkness ekar kadiwōjļo̧k jān BYU kōn juon bachelor of science degree kōn political science im secondary teaching. Liin ekar m̧areiki Kar m̧areiki David S. Harkness ilo Eprōļ 22, 1988, ilo Salt Lake Temple. Ewōr ļalem nejier ajri im ruo jibūer ajri ro.

Sister Harkness—eo ekar ņaetan āinwōt Rikakpilōklōk eo Kein Kajuon an Būreejtōnji eo Eutiej an Būraimere ilo Maaj 31, 2018—ekar barāinwōt jerbal āinwōt juon membōr in boot eo eutiej an Būraimere, būreejtōn an Doulul eo an Jiron̄ ro ilo stake, būreejtōn an Doulul eo an Kōrā ilo ward, rikakpilōklōk ilo juon būreejtōnji an Doulul eo an Jiron̄ ilo ward, Mia Maid Adviser, kāām tōrāāktōr an Doulul eo an Jiron̄ ro, tōrāāktōr an stake family history, ward family history consultant, im rūkaki in kūlaaj an Gospel Doctrine.

Ekar barāinwōt balintieer ippān local parent-teacher association, ko̧o̧njeļ an jukjukin pād, Utah Symphony, im ippān Timpanogos Storytelling Festival, barāinwōt ippān kien an bukwōn eo ilo elōn̄ jerbal ko.