Elder José A. Teixeira

Būreejtōnji eo an Jiljilimjuonn̄oul

Elder José A. Teixeira ej keememej juon katak eaar katak ke eaar likao ilo Portugal. Ilo juon iien ippān doon an baam̧le, eaar ko im etal in eon̄ad. Eaar en̄jake eaar aikuj in jiron̄ jinen im jemen ia eo eaar etal n̄ane, bōtaab kālet n̄an jab kōnke raar kanooj in boub in bwebwenato.

Awa ko tokālik, ro jinen im jemen reinepta rekar lo e ilo reba eo. Jān en̄jake jab in, eaar katak n̄an pokake ejjab wōt ro jinen im jemen ak barāinwōt unojdikdik ko an Jetōb Kwojarjar.

Jān iien eo, Elder Teixeira eaar kōm̧m̧an juon iminene n̄an ron̄jake ainikien eo emeļak im dik. E im baam̧le eo an kar jiron̄ er kōn gospel eo ilo 1976 eo. ālkin an Potugal kar peļļo̧k n̄an jerbal in mijenede. Eaar peptaij ke eaar 16 iiō dettan, im tokālik kar jerbal āinwōt juon mijenede ilo Lisbon Portugal Mission.

“Kālet ko ad ewōr kajoor eo ban kowane an ukōt mour ko ad,” Elder Teixeira eaar ba, kar rejtake āinwōt juon uwaan Būreejtōnji eo an Jiljilimjuonn̄oul eo ilo M̧aaj 31, 2018. “Menin letok in ej juon kōkaļļe ekanooj jeja kōn lōke ilo kōj im ilo ejja iien eo wōt juon eddo an juon make ekam̧ōņōņō n̄an kōjerbale ilo lo̧ļe,” eaar katakin ilo Eprōļ 2009 kweilo̧k eo eļap.

Elder Teixeira eaar bōk degree ko an ilo accounting im business management im kar jerbal n̄an Kabun̄ in āinwōt juon international controller. Eaar barāinwōt jerbal ilo Portuguese Air Force eo ejja m̧ōttan wōt NATO iunit eo. Ilo tōre eo, kar kūr e āinwōt juon national public affairs tōrāāktōr n̄an Kabun̄ in. Ejjab to ālkin, eaar ioon lio pāleen, Maria Filomena Lopes Teles Grilo. Raar m̧are ilo 1984 eo ilo Bern Switzerland Tampeļ eo im rej jinen im jemen jilu ajri ro.

José Augusto Teixeira da Silva kar ļotak ilo Vila Real, Portugal, ilo Pāpode 24, 1961 eo. Eaar jerbal āinwōt rikakpilōklōk ilo bisoprik, district būreejtōn, stake būreejtōn, Eria Jiljilimjuonn̄oul, im būreejtōn an Brazil São Paulo South Mission eo. Kar rejake e āinwōt juon Ritōl Eutiej Jiljilimjuonn̄oul an Kabun̄ in ilo Eprōļ 5, 2008 eo. Ej kiiō jerbal āinwōt Būreejtōn an South America South Area eo im naaj jino jerbal eo an ilo Būreejtōnji eo an Jiljilimjuonn̄oul ilo Okwōj 1, 2018.

Eo aorōk tata, Elder Teixeira ekar kapilōk kōj ilo Eprōļ 2015 kweilo̧k eo eļap n̄an “kabwilaļļo̧k meļeļe eo ad kōn Rilo̧mo̧o̧r eo. … Jān jab likūt n̄an ilju ta eo jemaron̄ kōm̧m̧ane rainin. Ej kiiō me jej aikuj itok n̄an Kraist.”