Kakien ko Rekāāl, Wāween Jerbal ko, im Mweiūk ko
Jodikdik ro im jerbal an tampeļ. Būreejtōnji eo Kein Kajuon rekar kōjjeļļā kōn oktak in kakien ko an tampeļ me rej leļo̧k iien em̧m̧an n̄an ļaddik ro im leddik ro ijerbal an tampeļ im jipan̄ ajri ro ilo Būraimere ro bwe ren em̧m̧an aer m̧aanjabpopo n̄an jerbal ilo tampeļ eo.
Bōbrae, kalikkar, im uwaake kakkure ko. Ilo juon jerbal in kijejeto n̄an ritōl ro an ko̧o̧njeļ eo kōn wāween bōbrae, kalikkar, im uwaake kakkure ko, ilo Maaj 26, 2018, Būreejtōnji eo Kein Kajuon ekar jilkinļo̧k juon leta im juon peba in jipan̄ n̄an ritōl ro an Kabun̄ in ilo United States im Canada. Peba in ekitbuuj unin tōl ko rekāāl kōn wāween an bisop ro im stake būreejtōnji ko aikuj ko̧o̧njeļ armej rein rejelet sexual abuse im wāween aer kōm̧m̧ani intōrpiu ko ippān membōr ro an Kabun̄ in.
Oktak ko n̄an Kāām ko an Doulul eo an Jiron̄ ro. Oktak ko n̄an būrookraam̧ in kāāp ko an Doulul eo an Jiron̄ ro ilo Kabun̄ in, ekoba ilo juon unin tōl ekāāl an kāām n̄an maron̄ kadiwōjtok ilo allōn̄ kane rej itok wōt, ekoba joļo̧k certification im emphasizing youth leaders.
Meļeļe eo bwe en “globally applicable” n̄an jiron̄ ro rej jokwe ilo aolep jikin ko ipeļaakin laļ in, eo ekāāl Young Women Camp Guide ej kiiō pād ilo kajin English (im ewōr ilo 23 kajin ko) āinwōt juon jipan̄ n̄an būreejtōnji ko an Doulul ko an Jiron̄ ro, ro retijem̧ļo̧k ilo kāām, im ritōl ro an jodikdik ilo kāām ilo youngwomen.lds.org.
Jilkinļo̧k al ko. Oktak ko kiiō n̄an jilkinļo̧k al ko an Kabun̄ in rej jerbale wōt kiiō n̄an kōm̧ōkaje im kapidodoiki n̄an an membōr ro jilkinļo̧k al ko rekwojarjar n̄an Kabun̄ in. Al ko maron̄ jilkinļo̧k ilo apps.lds.org/artcomp.
“Ewi wāween N̄an” video channel. Kabun̄ in ekar kōttōllo̧k juon jānōl ekāāl ilo You Tube ņaetan “How To” me ej leļo̧k wāween eo epidodo, wāween jipan̄ n̄an apan̄ ko rej waļo̧k ilo mour. Juon kain āinwōt “juon janōl n̄an kappukot jipan̄ eo kwoj aikuji n̄e kwoj aikuji,” janōl eo kiiō elōn̄ļo̧k jān 600 pija emōj kōjonolo̧ki ilo ratimjuon kātokore ko, kajjojo laajrak in pija ko ilo elōn̄ unin kōnono ko rekkar n̄an doon ilo kajin English, jet ilo kajin Spanish im Portuguses. Lale HowTo.lds.org.
Ukook an Jeje ko Rekwojarjar. Kabun̄ in ekar kōjjeļļā kōn ukook in būrojāāk ko emōj karōki n̄an 34 kajin ko jet, ekoba juon jerbal ekāāl eo enej kōtļo̧k an kajjojo armej ekkatak kōn ukook eo m̧okta jān an jeje im pen ukook ko, eo me meļeļein bwe membōr ro renej maron̄ loe ukook ko ilo kajin eo aer.