Elder Takashi Wada

Ritōl Eutiej Jiljilimjuonn̄oul an Kabun̄ in

Ilo juon raan em̧ōļo ilo Nobōm̧ba, juon kajjitōk jān juon mijenede in Amedka ej kajjitōk ewi wāween an jibadōkļo̧k post office ilo bukwōn eo ekar kōm̧m̧an an Takashi Wada tōn tibbok.

15 iiō rūttoon kar kakkōlle jān jinen im jemān bwe en jab kepaakļo̧k Mormon ro, ro me ekar loļo̧k armej ro ilo iaļ ko ilo Nagano, Japan, jilu minit jān m̧weo m̧weer. Ak Takashi ekar im̧we kōn Elder in Amedka Japan eo.

Jet raan tokālik, bar juon mijenede ekar kabōjrak Takashi. Ekar jab lukkuun to an pād ilo Japan. Ilo an alikkar an kajin Japan, ekar kajjieon̄ kwaļo̧k bwebwenato in Josep Smith.

Takashi ekar jab meļeļe men otemjej, “ak ikar en̄jake bwe ij aikuj ron̄jake,” ekar keememej.

Mijenede ro rekar katakin e bun̄tōn ko n̄an jar im katak ko. Ekar etal n̄an iien jar ko an Kabun̄ in im ekar en̄jake jetōb jān naan in kam̧ool ko an membōr ro. En̄jake kipel jān elōn̄ kōtmāne ko an baam̧le in Buddhist eo an, Takashi ekar wōnm̧aanļo̧k wōt im jiron̄ mijenede ro, “Ijjab maron̄ kobawaj ilo Kabun̄ ņe, ak ikōņaan wōt in ekkatak eļapļo̧k.”

Ruo iiō tokālik, m̧okta jān an Takashi em̧m̧akūt n̄an an jikuuļ ilo United States ke ej 17 an iiō, jinen im jemān rekar leļo̧k mālim, im ekar kobatok ilo Kabun̄ in.

Elder Wada, eo ekar ļotak ilo Pāpode 5, 1965, n̄an Kenzo im Kazuko Wada, ekar bōk juon bachelor of arts degree kōn linguistics ilo 1990 im juon master degree ilo business administration ilo 1996, jim̧or jān Brigham Young University.

Ekar jerbale juon mijen ilo Utah Salt Lake City North Mission im m̧areiki Naomi Ueno ilo Juun 18, 1994, ilo Tokyo Japan Temple. Ripālele rein ewōr ruo nejier ļaddik.

Jerbal eo an Elder Wada ekoba jet jerbal ko ippān elōn̄ corporation ko ilo United States im Japan, barāinwōt jerbal in tōreektōr n̄an temporal affairs n̄an Kabun̄ in ilo North America Westh, North America Northwest, im Asia North Areas.

Elder Wada ej juon kar bisop, ko̧o̧njeļ eutiej, im rūkaki in jemenere. Ekar jerbal āinwōt juon būreejtōn an Japan Tokyo South Mission jān 2013 n̄an 2016. Kar rejake e āinwōt juon Ritōl Eutiej Jiljilimjuonn̄oul ilo Maaj 31, 2018.