Michelle D. Craig

Rikakpilōklōk eo Kein Kajuon, Būreejtōnji eo Euteij an Doulul eo an Jiron̄ ro

Ke ekar 16 an iiō rūtto, Sister Michelle D. Craig ekar ekkatak bwe baam̧le eo an ren maron̄ em̧m̧akūt jān Provo, Utah, USA, n̄an Harrisburg, Pennsylvania, USA, bwe jemān en maron̄ jino jerbal eo an n̄an jerbal āinwōt juon mijen būreejtōn.

Liin ekar m̧ōņōņō in pād ippān baam̧le eo an, bōtaab em̧m̧akūt eo ekar kōm̧m̧an an Michelle “ejjeļo̧k m̧ōttan” ilo kūlaaj jon̄oul juon im jon̄oulruo eo an ilo high jikuuļ

“Iiō kein rekar jet iiō in eddōkļo̧k,” Sister Craig ekar ba. “Ijjelo̧kin an pedped ioon ro m̧ōtta, ikar pedped wōt ioon baam̧le eo aō im naan in kam̧ool eo aō, im kabun̄ in ekar erom iaļen mour.” Liin ekar kaorōke jem̧jerā eo an ippān Jemedwōj Ilan̄ im Rilo̧mo̧o̧r eo.

Michelle Daines Craig ekar ļotak ilo Juļae 13, 1963, ilo Provo, Utah, im rūttotata in iaan jiljilimjuon ajri ro ekar ļotak jān Janet Lundgren im Robert Henry Daines III. Liin ekar jokwe ilo Provo m̧ae iien baam̧le eo an rekar em̧m̧akūtļo̧k n̄an Pennsylvania. Ruo iiō tokālik, Sister Craig ekar ro̧o̧lļo̧k n̄an Provo n̄an an jikuuļ ilo Brigham Young University, ijin ekar maron̄ bōk juon an bachelor degree ilo elementary education. Ilo 1984 ekar bōk juon kūr n̄an jerbal ilo Dominican Republic Santo Domingo Mission.

“Ikar baj wōt juon eo ej tōmak,” Sister Craig ekar ba, eo kar maron̄ rejtake āinwōt Rikakpilōklōk eo Kein Kajuon ilo Būreejtōnji eo Eutiej an Doulul eo an Jiron̄ ro ilo Maaj 31, 2018. “Jān ke ikar dik, ikar jeļā bwe n̄aij juon leddik nejin Anij. Ak ij keememej [ilo mijen eo aō] bwe aolep iien ikar kwaļo̧k naan in kam̧ool eo aō kōn Rikanaan Joseph Smith, ikar maron̄ en̄jake Jetōb eo. Ewōr juon aō kam̧ool eaiboojoj me ej kapen naan in kam̧ool eo aō.”

Baj raan im raan ālkin an ro̧o̧ltok, ļaddik eo jatin Sister Craig ekar ba n̄an e bwe ej aikuj in etal im bwebwenato ippān Boyd Craig, juon m̧ōttan jān mijen eo an. Ralitōk iiō tokālik ripālele rein rekar pepe in m̧are. Rekar m̧are ilo Tijem̧ba 19, 1986, ilo Salt Lake Temple. Rej jinen im jemān jilu ajri ro, im rej jibūn jiljino ajri ro.

Liin ekar jerbal ilo elōn̄ kūr ko, ekoba āinwōt rijerbal in kain̄i ko an tampeļ ilo Provo Utah Temple im āinwōt juon rūkaki in Kūlaaj in Gospel Doctrine. Ilo iien eo ekar bōk kūr eo n̄an Būreejtōnji eo Eutiej an Doulul eo an Jiron̄ ro, ekar jerbal ilo boot eo eutiej an Būraimere.