Kapidodoik Jerbal in Mijenede an Membōr

Ilo allōn̄ jiljino ļo̧k, Kabun̄ in ekar bōk jet bun̄tōn ko n̄an kapidodoikļo̧k jerbal in mijenede an membōr ro.

Jon̄ak ko an kajjitōk ko. Būreejtōnji eo Kein Kajuon ekar kwaļo̧k kadkadin juon set in jon̄ak ko an kajjitōk ko n̄an bisop ro im stake būreejtōn ro n̄an kōjerbal ilo iien eo rej intōrpiuiki mijenede ro rej m̧aanjabpopo n̄an mijenede. Rej rōjan̄ ritōl ro, baba im m̧am̧a ro, im jodikdik ro bwe ren jeļā kajjitōk kein.

Jon̄ak kein rej waļo̧k ilo kajjitōk kein rejjab ukōt ak kakkobabatok n̄an menin aikuj ko n̄an jerbale juon likio in mijen, ak rej etale er aolep iien naaj kōmaron̄ mijenede ro rej m̧aanjabpopo im ro jinen im jemān ekkatak pedped ko im kalikkar jikin ko ewōr m̧ōjņo̧ ie n̄an kōkōm̧anm̧anļo̧k ak bar jet m̧aanjabpopo ko me remaron̄ bar aikuji.

Kōjerbal tecknology. Elōn̄ mijen ko ko rej kōjerbal mobile device ko ej eddōkļo̧k jān 87 n̄an 162, im tablet ko rej bōk jikier im leļo̧k smartphone ko. Taļboon kein renaaj jipan̄ mijenede ro ekkatak, kappukot, im katakin.

Technology ej barāinwōt kōjerbale n̄an leļo̧k meļeļe ko online n̄an armej ro rej pukot uwaak ko an kajjitōk ko kōn kabun̄. Kabun̄ in ekar jino kōjerbal online teaching center jiljiino iiō ko rej mootļo̧k im rainin ej kōjerbal 20 online teaching center ko ipeļaakin laļ in.

Kam̧m̧oolol kōn technology, membōr ro rej leļo̧k etan ro m̧ōttaer n̄an mijenede ro maron̄ kiiō kōnono ippān mijenede ro rej katakin ro m̧ōttaer. Remaron̄ kōnono kōn aikuj ko ippān mijenede ro im bōk koņaer ilo katak ko via internet. Pukot wāween ilo lds.org/referrals.

Tōpar aikuj ko kiiō. Jejjet kiiten ilo Juļae 2018, Kabun̄ in enaaj ukōte tōrere ko an 19 mijen ko, im 5 mijen ko rekāāl renaaj ejaak. Oktak in enaaj ukōt oran mijen ko jān 421 n̄an 407. Mijen ko rekāāl renaaj Brazil Rio de Janeiro South, Cote d’Ivoire Yamoussoukro, Nigeria Ibadan, Philippines Cabanatuan, im Zimbabwe Bulawayo. Meļeļe ko kōn kobaik ippān doon mijen ko renaaj itok ilju im jekļaj ilo ekōnono ko jān mijen būreejtōn ro n̄an ro jinen im jemān mijenede rein ilo mijen kein rejeleti.

Kōnke oktak in iiō n̄an jerbal in mijenede kar kōjjeļļā kake ilo 2012, Kabun̄ in ekar ejaake 76 mijen ko rekāāl n̄an maron̄ bōk kajoor in eddōkļo̧k in jān 58,000 n̄an 88,000 mijenede ro. Ibebtok in mijenede ro em̧ōj an dikļo̧k, āinwōt ilo kōtmāne, im kiiō enan̄in 68,000 mijenede ro rej jerbal. Meļeļein menin bwe, n̄an tōre in kiiō, eietļo̧k mijen ko rej aikuji. Ak ebarāinwōt meļeļein bwe jejjet likūt mijenede ro ilo jikin ko eļap aikuj ie ipeļaakin laļ in emaron̄ menin aikuj n̄an kalimjōki.

Jikin Kaminene an Mijenede ro. The Provo Missionary Training Center ilo Utah, USA, im MTC ilo Philippines em̧ōj aer kilepļo̧k im aji, im jikin kaminene eo ilo Ghana em̧ōj bar aje. Jikin kaminene ko an mijenede ilo Spain im Chile renaaj kilōk ilo Jānwōde 2019, im mijenede ro renaaj etal n̄an center kein renaaj kaminene ilo 13 jikin kaminene kein an mijenede ilo peļaakin laļ in.