Elder Mathias Held
Ritōl Eutiej Jiljilimjuonn̄oul an Kabun̄ in
Elder Mathias Held im lio pāleen, Irene, maron̄ jejjet ņae etaerro waanjon̄ak an Kabun̄ in aolepān laļ in. Erro jim̧ro rej bwij in RiColombia RiGerman. Jerbal ko im jikuuļ kar bōk er jān laļ eo aerro ilo South America n̄an Canada, Germany, Guatemala, Brazil, im āliktata, bar ro̧o̧l n̄an Golombia. Ilo kajjojo laļ ko, raar kōm̧m̧an okoktak ko n̄an kajin ko rekāāl, im m̧anit ko.
“Bōtaab Kabun̄ in eaar lukkuun in ejja wōt jabdewōt jikin raar ilo̧k,” Elder Held eaar ba, eo kar rejtake āinwōt Ritōl Eutiej Jiljilimjuonn̄oul an Kabun̄ in ilo M̧aaj 31, 2018.
“Ejja āinwōt” in ilo jetōb ekar kapen pedped eo an ripālele in ilo aer karūttoļo̧k ajri ro jilu nejierro im eddōkļo̧k ilo gospel eo.
Held ro raar rijikuuļ ippān doon jān ke raar ajri ilo juon jikuuļ in kajin German ilo bukwōn eo aer Bogotá, Colombia. Raar liāp ilo Juun 13, 1989 eo, ilo Frankfurt Germany Tampeļ, ālkin Mathias eaar bōk mechanical engineering degree eo an ilo Bogotá im master degree kōn business administration ilo Canada.
Jerbal ko rem̧m̧an tokālik kar bōk ripālele rein reddik n̄an Hanover, Germany, ijo Sister Held eaar bōk juon im̧we ekajoor bwe mour ko aer m̧ōttan jidik roktak.
“Iaar jiron̄ Mathias eaar wōr aō en̄jake bwe kōm naaj kar bōk juon ennaan jān lan̄,” liin eaar ba, Ennaan in jān lan̄ eaar itok ilo juon ālkin rālep ewōtuwōt ilo 1987 eo, kōn kōļļaļļaļ ilo kōjām eo itum̧aan. Jutak itunam̧ōj ekar Mormon mijenede ro rej kōnono kajin German kōn toņ in Pālle.
Ium̧win allōn̄ ko tok 10, Held ro raar ekkatak ippān mijenede ro im kar m̧ōttā ippān jarlepju in LDS ro iljo jokwe ie. Ālkin eļap jar, raar bōk kape eo ilo jetōb kōn tarlep in m̧ool eo an gospel eo im raar peptaij ilo 1988 eo.
Elder Held eaar jerbal elōn̄ļo̧k jān 25 iiō ko n̄an Daimler Benz jikin kōm̧m̧an wa, kōn eddo in manage ko an ekar itok itak aolepān laļ in. Held ro raar kōjatdikdik ioon Irooj ilo aolep bōjrak ko.
“Ejjab aorōk ta mālijjon̄ ko kom̧ij dipuki,” eaar ba. “Eļan̄n̄e kom̧ij kōnono ippān lan̄, enaaj em̧m̧an ami pād.”
Ļotak ilo Juun 5, 1960 eo, n̄an Michael im Elisabeth Held, Elder Held eaar jerbal āinwōt rikakpilōklōk ilo stake būreejtōnji, rikakpilōklōk ilo bisoprik, im Eria Jiljilimjuonn̄oul ilo Soth America Northwest Area eo.