Jiljilimjuon Tampeļ ko Rekāāl kar Kōjjeļļā kaki

Tempeļ ko naaj kalōki ilo Salta, Argentina; Bengaluru, India; Managua, Nicaragua; Cagayan de Oro, Philippines; Layton, Utah, USA; Richmond, Virginia, USA; im juon jikin ļōmņake ilo Russia, Būreejtōn Russell M. Nelson kar kōjjeļļāiki ilo jemļo̧kin ļo̧k ilo m̧wen̄an in rālepen Jabōt eo ilo kweilo̧k eo eļap.

Mokta jen kweilo̧k eo, Būreejtōnji eo Kein Kajuon ekar kōjjeļāiki bwe Rom Italy Tempeļ eo enaaj aje ilo Jabōt, Maaj 10, 2019, m̧aanļo̧k Jabōt, Maaj 17, 2019. Kabun̄ eaar bar kwaļo̧k ekkaļ eo an Bangkok Thailand Temple.

Ilo Oktoba 2017, aje bwidej eo an Port-au-Prince Haiti Temple; Meridian Idaho Temple eo kar aje ilo No̧bemba 2017; im Cedar City Utah (USA) Temple kar aje ilo Tijem̧ba 2017.

Ruo tampeļ ko naaj bar aje ejjab to jen kiiō: Houston Texas Temple ilo Jabōt Eprōļ 22, 2018, ālkin kōkm̧anm̧ane jen kar ibwijlelep eo; im Jordan River Utah Temple ilo Jabōt, Māe 20, 2018, ālkin kar kōkāāle. Im ruo bar tampeļ renaaj bar aje ilo iiō in: Concepción Chile Temple ilo Jabōt, Oktoba 28, 2018; im Barranquilla Colombia Temple ilo Jabōt, Tijem̧ba 9, 2018.

Hamilton New Zealand Temple enaaj kilōk ilo Juļae 2018 n̄an bar kōkm̧anm̧anļo̧k im enaaj bar aje ilo 2021.

Ewōr kiiō 159 tampeļ ko peļaakin laļ in rej jerbal, kobatok 30 tampeļ ko kar kōjjeļāiki ak rej jerbali wōt.