Elder Robert C. Gay

Būreejtōnji eo an Jiljilimjuonn̄oul

Ke ekar jerbal āinwōt juon mijen būreetōn ilo Ghana, Elder Robert C. Gay eaar bōk juon im̧we juon raan n̄an bōjrak im jipan̄ juon ļaddik ej jan̄. Ilo jinoin, eaar kowaan im̧we jab eo bōtaab tokālik ekar jilkinļo̧k juon uwaan Kabun̄ in n̄an pukōt im bōktok ļaddik eo n̄an e.

Elder Gay, ekar rejtake āinwōt juon uwaan Būreejtōnji eo an Jiljilimjuonn̄oul eo ilo M̧aaj 31, 2018, ekar katak bwe ļaddik eo eaar wia kake ek mōņakņak n̄an armej eo ej lale. Raan eo ļaddik eo ekar kowōtļo̧k tōprak in jāān ko ilo juon ettal ilo bōjo̧ in jedo̧jij eo an.

“Eļan̄n̄e enaaj kar ro̧o̧l ilo ejjeļo̧k jāān, naaj kar ān̄inn̄ini juon ririab, ekanooj alikkar naaj kar m̧ane, innām naaj kar jokwe ilo iaļ eo,” Elder Gay eaar ba. “Kōm kar kaenōm̧m̧an mijak eo an, kar leļo̧k ijo an ekar wōtlo̧k, im bōkļo̧k e n̄an m̧weo n̄an eo ekar lale.”

Ke ekar kōmeļeļeiki ilo Oktoba 2012 kweilo̧k eo eļap, en̄jake jab in eaar katakin Elder Gay ruo m̧ool ko reļļap: “M̧oktata, iaar jeļā āinwōt ejjab āinwōt kar m̧okta bwe Anij ej ļōmņak kōn kajjojo iaad im naaj jāmin eļļo̧k jān kōj; im ruo, iaar jeļā bwe jej aikuj iien otemjej ron̄jake ainikien Jetōb eo ilo kōj im ilo̧k ‘kajju’ n̄an jabdewōt jikin ej bōk kōj n̄ane, jekdo̧o̧n mijak ko ad ak jabdewōt kapan̄apan̄.”

Elder Gay kar rejtake āinwōt Ritōl Eutiej Jiljilimjuonn̄oul an Kabun̄ in ilo M̧aaj 31, 2012. Ilo iien eo kar kūri n̄an Būreejtōnji eo an Jiljilimjuonn̄oul eo, eaar jerbal āinwōt Būreejtōn an Asia North Eria eo. Im̧aanļo̧k ekar jerbal ilo opiij ko reļļapan Kabun̄ in āinwōt chairmen eo an Self-Reliance Services/Prepetual Eduation Fund Committee eo, kōn eddo ko n̄an jerbal in jipan̄ ko an un̄n̄are peim̧-make aolepān laļ in.

M̧okta jān kūr eo an n̄an Jiljilimjuonn̄oul eo, eaar chief executicve opiija eo an juon investment firm eaar bar juon eo ekar kajutake. Eaar barāinwōt eo ekar bar kajutake im kar jerbal āinwōt juon tōrāāktōr an jet global humanitrain doulul ko im kar jerbal ilo investment banking eo ilo Wall Street, āinwōt juon management consultant, im āinwōt juon rūkaki in economics ilo Harvard University eo.

Elder Gay eaar bōk bachelor of arts degree eo an ilo economics kōn emphasis in statistics jān Univeersity of Utah im PhD ilo business enconmics jān Harvard Univeristy eo.

Elder Gay eaar jerbal āinwōt juon mijenede ej jerbal aolep raan ilo Spain, ritōl an doulul eo an pris ro routeij, būreejtōn an Doulul eo an Likao ro ilo ward, ko̧o̧njeļ eo euteij, rikakpilōklōk ilo bisoprik, im Eria Jiljilimjuonn̄oul.

Eaar ļotak ilo Los Angeles, California, USA, ilo Jeptōm̧ba 1, 1951. Ekar m̧areiki Lynette Nielsen ilo Eprōļ 1974 eo. Rej jinen im jemen jiljilimjuon ajri ro.