Bar Ejaake Doulul ko

Kurub in pris ro routiej an ward eo (ak branch) im doulul eo an elder ro naaj kiiō koba ippān doon n̄an juon doulul an elder ro, Būreejtōn Russell M. Nelson ekar kōjjeļļāiki ilo mwen̄an eo an priesthood an kweilo̧k eo eļap. Stake būreejtōnji eo enaaj wōnm̧aanļo̧k im jerbal āinwōt būreejtōnji eo an doulul eo an pris ro routiej an stake, ak bwe doulul in enaaj kobain pris ro routiej wōt rej kiiō jerbal ilo stake būreejtōnji eo, ilo bisoprik ko, ilo ko̧o̧njeļ eo eutiej, im petriak ro rej jerbal.

Doulul eo an elder ro enaaj tōl jān juon būreejtōnji me emaron̄ kobain elder ro im pris ro routiej. Būreejtōn eo an doulul eo an elder ro enaaj ribootļo̧k n̄an stake būreejtōn eo im kweilo̧k ippān bisop eo aolep iien. Opiij ko an priesthood ro renaaj jab oktak. Būreejtōnji eo an doulul eo an elder ro kiiō ilo ward (ak branch) im ritōl ro an kurub in pris ro routiej naaj kōtļo̧k er, im stake būreejtōn eo enaaj kūr juon būreejtōnji ekāāl an doulul eo an elder ro.