Becky Craven

iKarua ni Daunivakasala, ena Mataveiliutaki Raraba ni Goneyalewa

E dua na ivosavosa dau wasea wasoma o Sister Becky Craven ni se kaulotu: “Ena gauna o kila kina o cei o iko, ena duatani nomu ivukivuki.”

“Oqori ena veitikina kece sara—mai na nomu isulusulu, nomu vosa, nomu ivukivuki, kei na veika o vakaitavitaki iko kina,” e kaya o Sister Craven, ka a veiqaravi vata kei watina, o Ronald L. Craven, ena nona vakatulewataka na Tabana ni Kaulotu na North Carolina Charlotte mai na 2012 ki na 2015.

A tokoni o Sister Craven me iKarua ni Daunivakasala ena Mataveiliutaki Raraba ni Goneyalewa ena 31 ni Maji, 2018. “Ni sa tekivu me ra raici ira na goneyalewa ena ituvatuva ni Kalou, sa na rawa ni ra raica e dua na raivotu me baleti ira,” e kaya o koya. “Me dua nomu raivotu. Kevaka e sega nomu raivotu, o sega ni kila na vanua o lakova tiko ka o na sega ni kila na ka mo cakava mo yaco kina ki kea.”

A sucu o Rebecca Lynn Craven ena 26 ni Okotova, 1959, e Chardon, Ohio, Amerika, vei rau o Corless Walter Mitchell kei Linda Louise Kazsuk Mitchell. Dau taleitaka me vakatokai koya ni “dua na sotia,” a tubu cake mai Texas, Amerika, ka lewena kina na Lotu nona matavuvale; e Jamani, ena gauna a vauci kina nona matavuvale ena Valetabu mai Swiss; Igiladi; Utah e Amerika, na vanua a papitaiso kina ena imatai ni nona lako o tamana ki Vietnam; kei na yasana kei Amerika o Maryland, Kentucky, Missouri, kei Kansas.

A vakamau ena 5 ni Okosita, 1980, ena valetabu e Salt Lake; erau nodratou itubutubu e lima na gone o rau na Craven.

Ni bera ni tokoni ki na nona veikacivi vou, a veiqaravi voli vakadaunivakasala ena dua na mataveiliutaki ni iSoqosoqo ni Veivukei ena dua na tabanalevu ka liganicakacaka ena Valetabu e Bountiful Utah. Sa veiqaravi oti talega vakaperesitedi ni Goneyalewa ena tabanalevu, lewe ni matabose ni iSoqosoqo ni Veivukei ena iteki, daukaulotu ni iteki, ka iliuliu ni Webelos.

E tiko vei Sister Craven e dua na diqiri ni bejila ni dautuva lomanivale mai na Univesiti na Brigham Young, ka veiqaravi kina ena matabose veivakasalataki ni qito. Sa veiqaravi oti talega vakalewe ni matabose liu ni CHOICE Humanitarian, e dua na isoqosoqo raraba ni loloma mai Utah.

E dau taleitaka o koya na taubale e veikau, qito e wai, ivavawaicevata, veilakoyaki, boroboro, taliltali, kei na qito kei na itaviqaravi vakamatavuvale.