Elder Mathias Held

Vakaitutu Raraba ena Vitusagavulu

E rawa ni rau vakatokai o Elder Mathias Held kei na watina, o Irene, me rau waqawaqa ni dua na Lotu ni vuravura. Erau kai Colombia ka tikitiki Jamani ruarua. Sa kauti rau tani mai na nodrau itikotiko ena Ceva kei Amerika ki Kenada, Jamani, Guatemala, Brazil, qai tini tale ki Colombia na cakacaka kei na vuli. Ena veimatanitu yadua, erau veisau ki na vosa kei na itovo vou.

“Ia e duadua tu ga na Lotu ena vanua cava ga keirau lako kina,” e kaya o Elder Held, ka a tokoni me Vakaitutu Raraba ena Vitusagavulu ena 31 ni Maji, 2018.

Na “tautauvata” vakayalo oya e nodrau itakele tu na veiwatini ena nodrau susugi iratou na tolu na luvedrau ka tubu ena kosipeli.

Erau a kalasi vata na veiwatini na Held ena dua na koronivuli vosa vaka-Jamani ena nodrau koro mai Bogotá, Colombia. Erau a vauci ena 13 ni June, 1989, ena Valetabu e Frankfurt Jamani, ni oti nona rawata o Mathias e dua na koroi vakaidinia ni misini mai Bogotá kei na koroi ni masita ena liutaki bisinisi mai Canada.

A kauti rau na veiwatini gone na madigi vakacakacaka ki Hanover, Jamani, ka ciqoma kina o Sisita Held e dua na veivakauqeti kaukauwa ni sa vakarau veisau nodrau bula.

“Au tukuna vei Mathias niu vakila ni na yaco mai vei keirau e dua na itukutuku mai lomalagi,” e kaya o koya. Na itukutuku vakalomalagi oya a yaco mai ena dua na yakavi ucauca ena 1987 ena dua na tukituki e katuba e liu. Erau tu a tautuba na daukaulotu ni Momani rau vosa vaka-Jamani balebale vaka-Amerika.

Ena 10 na vula ka tarava, erau a vuli vata kei rau na daukaulotu na veiwatini na Held ka rau veitokani kei ira na ivavakoso ni YDE mai kea. Ni oi na masumasu vakalevu, erau ciqoma na veivakadeitaki vakayalo ena dina ni kosipeli ka rau papitaiso ena 1988.

A cakacaka o Elder Held ena sivia ni 25 na yabaki ena vanua ni buli motoka na Daimler-Benz, ka kauti koya wavoki e vuravura na nona itavi vakamanidia. Erau vakararavi tikoga vua na Turaga na veiwatini na Held ena veicegu yadua.

“Sega ni dua na ka na veivakatovolei kece o lakocuruma,” e kaya o koya. “Kevaka o veitaratara tiko i lomalagi ena vinaka na ka kece.”

A sucu ena 5 ni June, 1960, vei rau o Michael kei Elisabeth Held, sa veiqaravi oti o Elder Held vakadaunivakasala ena dua na mataveiliutaki ni iteki, daunivakasala ena dua na matabisopi, ka Vitusagavulu ni iWasewase ena iWasewase na Ceva kei Amerika ena Vuaira.