Tuva Kawa: Raica, Kumuna, Semata

E rawa ni ra veivuke vei ira na lewe ni Lotu kei ira tale eso na kenadau ni tuvakawa me ra rawata na reki e yaco mai ni da raica, kumuna, ka sema vei ira na tubuda, me vaka e tukuna o Elder Bradley D. Foster, Vitusagavulu Vakaitutu Raraba ka Dairekita Liu ni Tabacakacaka ni Tuvakawa.

Na tamata taucoko e tiko eso na italanoa mai na nodra ituvatuva ni kawa. Ka rawa ni yaco na veika talei ni o sa tekivu vaqaqara ka kunei ira.

“Na noda sasaga bibi ena yabaki oqo me ra vukei na kenadau me ra raica na nodra itavi ena nodra vukei na lewenilotu me ra sotava na veika oqo,” e kaya o Elder Foster. “Eda na cakava oqori yadua ena dua na gauna. Eda lako vei ira na [tamata] ena vanua cava ga era tu kina, ena sasaga bibi vei ira era sa yabaki 12 kei ira era se qai curuvou mai.” Na ilawalawa e rua oqori dau totolo ni ra raica na kena vaqaqacotaki na matavuvale ki na veigauna tawamudu mai na cakacaka ni valetabu, ka ra dau vakatubura na vakanuinui vei ira nodra itokani kei na matavuvale.

O ira sara mada ga era sega ni lewe ni Lotu e rawa ni ra na vakila na kunea-kumuna-semata ena veivuke yadua ena dua na gauna ena dua vei ira na 5,000 na valenivolavola ni Tuvakawa e vuravura taucoko.