Elder Carl B. Cook

Mataveiliutaki ni Vitusagavulu

E vakabauta o Elder Carl B. Cook na galala dokai ni veiqaravi e dua na veivakalougatataki cecere ni noda lewena na Lotu i Jisu Karisito ni Yalododonu Edaidai. Ia, e vakadinadinataka, na ciqomi kei na vakalevulevui ni veikacivi e gadrevi kina na vakabauta.

O Elder Cook, ka a tokoni ki na Mataveiliutaki ni Vitusagavulu ena 31 ni Maji, 2018, e vakatauvatani ira na lewe ni Lotu—ka ra veiqaravi vata ena veitabana kei na tabanalevu, kuoramu kei na mataisoqosoqo—ki na dua na “qia veicurumaki” ena dua na motoka, ka vakavurea e levu na igu.

Na qia veicurumaki oqo, ena lori draivataki va‑va na kena taya, “e vakatara mo ni qia sobu, guraka cake, ka toso,” e kaya ena koniferedi raraba ni Okotova 2016. Me vaka ga era cokovata na veiqia me rawati kina na kaukauwa levu cake ena qia veicurumaki, sa tiko vei keda na kaukauwa levu cake ni da duavata. Ni da duavata meda veiqaravi vakaikeda, eda rawata vakatautauvata e levu sara mai na noda veiqaravi duadua ga. E sa vakasakiti meda tutaka ka duavata ni da veiqaravi ka veitokoni ena cakacaka ni Turaga.

A tokoni o Elder Cook me Vakaitutu Raraba ena Vitusagavulu ena ika 2 ni Epereli, 2011. Ni se bera nona ilesilesi vou, a veiqaravi o Elder Cook ena valenivolavola liu ni Lotu, ka veivuke ena kena laurai na iWasewase ena Vualiku kei Amerika ena Ra, kei na itavi tale eso. Ni se bera oya, a veiqaravi vaka-Peresitedi ni iWasewase na Cevaicake kei Aferika.

Sa vakayaloqaqataki ira na Yalododonu Edaidai o Elder Cook me ra nanuma tiko ni veikacivi ena Lotu e lako mai vua na Kalou mai vei ira Nona italai lesi.

“Na veivakalougatataki ena lako mai ni da vosota voli na noda veikacivi kei na itavi ka kukube no ena vakabauta taucoko e tiko vei keda.”

A rawata o Elder Cook e dua na koroi n bejila ena arts mai na Weber State College e Utah kei na dua na koroi ni masita ni liutaki bisinisi mai na Utah State University. Ni se bera ni kacivi ki na Vitusagavulu, a cakacaka ena vakatorocaketaki ni iyauqaqa volitaki.

Na veikacivi nei Elder Cook e oka kina na veiqaravi vakadaukaulotu tudei e Hamburg, Jamani, vakakina vaka-Bisopi, peresitedi ni iteki, Vitusagavulu ni iWasewase, ka peresitedi ni Tabana ni Kaulotu na New Zealand Auckland.

A sucu o koya mai Ogden, Utah, Amerika, ena 15 ni Okotova, 1957. A vakamautaki Lynette Hansen ena Tiseba 1979. Erau nodratou itubutubu e lima na gone.