Elder Jack N. Gerard

Vakaitutu Raraba ena Vitusagavulu

Ni se cauravou lailai, e dau yadra cake mai o Elder Jack N. Gerard ena 5 na kaloko na matakalailai me veivuke ena qarauni kei na susugi ni bulumakau ni lobasucu ni nona matavuvale. Ni tubu cake tiko ena dua na itikotiko lailai ni dauteitei ka susu manumanu voleka e Mud Lake, Idaho, e Amerika, e vakavulici koya sara na cakacaka vakaukauwa kei na vakaitavi, ia me vakila talega na kedra dredre na tamata yadua ni ra sa luve ni Kalou.

“E tiko na nodra itavi na tamata kece ka sa tiko talega na noda inaki, veitalia se cava na ituvaki ni bula,” e kaya o Elder Gerard, ka tokoni ena 31 ni Maji, 2018, me Vakaitutu Raraba Vitusagavulu. Na lesoni oqori e dua na isolisoli ena nona bula taucoko.

Na nona cakacaka, e oka kina na itutu ni veiliutaki ena vica na kabani lelevu—me vaka na National Mining Association, na Matabose ni America Chemistry, kei na dua na gauna lekaleka ga oqo, na American Petroleum Institute—ka sa vakarautaka vua na veimadigi me veimaliwai kei ira na veimataqali tamata ena veituvaki duidui ni bula.

E sucu o Elder Gerard ena 1957 vei James kei Cecil Gasser Gerard. Ni veiqaravi oti ena Tabana ni Kaulotu e Serene Ositerelia, e vuli o Elder Gerard ena Univesiti e Idaho, ka rawata kina na cakacaka vakatovotovo kei na itutu tudei vakacakacaka vua edua na lewe ni congress e Idaho.

Ni cakacaka voli e Washington, D.C., e a sotavi Claudette Neff, ka a cakacaka tiko vaka vakailesilesi veivuke vua edua na seneta e Utah. “E a serau mai vei koya na rarama ni kosipeli,” a kaya o Elder Gerard ena nodrau sota oya. Erau a vakamau ena 4 ni Epereli, 1984, ena valetabu e Salt Lake; E walu na luvedrau ka va na makubudrau.

O Elder Gerard e a rawata ruarua edua na diqiri bejila ni vakadidike vakapolitiki kei na dua na diqiri ni doketa ni lawa mai na George Washington University.

O Elder Gerard e a veiqaravi vaka bisopi, peresitedi ni iteki, iWasewase Vitusagavulu, qasenivuli ni iVakavuvuli ni Kosipeli, ka peresitedi ni Matawilivola ni Sigatabu.

E kaya o Elder Gerard ni rau wasea kei watina na gagadre ni cakava na loma ni Turaga . “Vaka tamata malumalumu, eda sa dina ki na ka cavaga e vinakata na Turaga meda cakava, ka da sa yalomalumalumu ka yalodokai … me solia noda gauna kei na sasaga ki na cakacaka ni Turaga.”