Veisau ena Kuoramu

Sa na cokovata ena gauna oqo na ilawalawa ni bete levu kei na kuoramu ni italatala qase ena tabanalevu (se tabana) ki na dua na kuoramu ni italatala qase, a kacivaka o Peresitedi Russell M. Nelson ena soqoni ni matabete ena koniferedi raraba. Eratou na tomana tikoga na mataveiliutaki ni iteki nodratou veiqaravi vakamataveiliutaki ni kuoramu ni bete levu, ia na kuoramu oya era na okati ga kina na bete levu era veiqaravi tiko ena gauna oqo ena mataveiliutaki ni iteki, ena matabisopi, ena matabose e cake, kei ira na peteriaki era veiqaravi tiko.

Na kuoramu ni italatala qase ena liutaki mai na dua na mataveiliutaki ka rawa ni ra lewena na italatala qase kei na bete levu. Na peresitedi ni kuoramu ni italatala qase ena tukutuku vei peresitedi ni iteki ka dau sota wasoma vata kei bisopi. Ena sega ni veisau na itutu ni matabete. Era sa na vagalalataki na mataveiliutaki ni kuoramu ni italatala qase kei na veiliutaki ni ilawalawa ni bete levu ena gauna oqo ka na kaciva na peresitedi ni iteki e dua na mataveiliutaki vou ni kuoramu ni italatala qase.