200 Na Yabaki Ni Rarama

iVakatakilakila

First Vision

Ena dua siga totoka, makare 200 na yabaki sa oti, a curuma yani e dua na veikau e dua na cauravou ena i nakinaki me qara na veivosoti ka masulaka se lotu cava e dodonu me lewena. Mai na dua na raivotu veivakurabuitaki, a vulica kina ni a dodonu me kakua ni lewena e dua vei ira. Na ka e yaco oqo sa vakatakilakilataka na itekivu ni kena Vakalesui mai na kosipeli i Jisu Karisito—e dua na iwalewale ka se tomani tikoga ena noda gauna oqo.

Ena ilavelave oqo, eda marautaka kina na 200 na yabaki ni rarama:

E vakavulica o Peresitedi Russell M. Nelson ni kena vakasoqoni vata o Isireli ena yasa ruarua ni ilati e rawa ni vakarautaki keda kei ira tale eso me baleta na iKarua ni Lesu mai ni Turaga (tabana e 6).
O Elder LeGrand R. Curtis Jr e vakaraitaka na nodra vakaitavi na Yalododonu Edaidai ki na Veivakalesuimai ka sa vakacagau tiko edaidai—kei na sala e rawa kina vei keda yadua meda oka kina (tabana e 18).
Baleti ira na itabagone, e a wasea o Elder Neil L. Andersen e lima na dina ka rawa ni da vulica mai na iMatai ni Raivotu (tabana 52).

Me vaka eda vulica mai na nona vosa na noda parofita kei na italanoa mai vei ira na yalododonu yalodina, meda mai duavata ena kila-ka vata ka yaco vua na Parofita o Josefa ena 200 na yabaki sa oti: o ya ni o Tamada Vakalomalagi kei Jisu Karisito e rau sa bula dina tiko ka dau lomani keda. Ka meda wasea na kila-ka oqori vata kei ira na noda itokani kei na wekada.

Wekamuni dina,

Elder Randy D. Funk mai na Vitusagavulu

Edita ni Mekasini ni Lotu: