Nai Matai ni Raivotu
Ena vakarokoroko [idusidusi ka-va] = 68
1. A tiko vei Josefa e dua na taro ena sala me golevi,
Sa yalodina o koya ni vuli me vukea na tubu ni nona kila-ka.
A lauta na utona e dua na ivolanikalou, ka sureti koya me masu,
Ka kila o Josefa ni sa rawa vua me kerea na Kalou me vakaraitaka vua na sala.
2. Ni qarai tu na vakanomodi malumu, a digitaka o koya e dua na loma ni veikau
Ka masu ena nona igu taucoko me rogoca na Kalou na nona kerekere.
A siro sobu mai cake na Tamada kei na Luvena
Me sauma na taro i Josefa ka vakalesuya mai na kosipeli ena loloma.
3. Mai na raivotu lagilagi oya, sa taladrodro mai e levu na vakatakila.
Sa vakalesuya mai na kosipeli na Turaga me rawa ni kila taucoko na tamata:
Era sega ni tasogo tu na lomalagi; sa vosa tiko nikua na iVakabula.
Sa kaciva o Koya e dua na parofita ena noda gauna me vagolea na noda ilakolako ena Nona sala.
iTaletale: A masu o koya ena vakabauta ka sauma o lomalagi.
Sa kila na Tamada kei na Luvena na yacana.
Au tekiduru me’u masu. Au kila ni sa lomani au na Kalou
Ka sa rogoca vaka talega kina na noqu masu.
Veidusimaki mai vei Sarah Keele