Taro kei na iSaunitaro

Na cava o kaya ni ra sega ni vakabauta na nomu itokani ni rawa ni yaco na ka vakataka na iMatai ni Raivotu?

Vakatorocaketaka na Vakabauta

Ena taro vakayalo eso, e sega ni kena ibalebale ga ni da sa gadreva; eda sa gadreva talega na vakabauta me kilai kina ni sa rawa ni yaco dina na iMatai ni Raivotu. Eda rawa ni taracake na vakabauta oya ena nona kerei na Tamada Vakalomalagi ka vakarorogo voli ki na Yalotabu.

Julia B., yabaki 17, California, Amerika

Vulica na iVola Tabu

Kerei ira na nomu itokani me ra vulica na iVola Tabu. Kevaka era vakabauta tu ni sa vosa ni Kalou, sa dodonu mera na vakabauta ni sa vosa tiko na Kalou vei keda nikua ena raivotu me vakataka na iMatai ni Raivotu baleta ni a cakava vakakina vei Atama, Mosese, Aisea, kei na parofita tale eso ena vuqa na sala duidui.

Elder Muanda, yabaki 22, Tabana ni Kaulotu e Kenya Nairobi

Kerea vua na Kalou

Na dina ni kena yaco tu na vukitani me vica na drau na yabaki e sega ni kena ibalebale ni sa tarova na Kalou na Nona raivotu. Sa gadrevi meda yalomalumalumu ka kerea vua na Kalou ena lomada taucoko kei na yalodina, me vaka e vakayacora o Josefa Simici.

Jeremi E., yabaki 19, Kinshasa, Democratic Republic of Congo

Vakabauta na Kalou

Au na taroga ira na noqu itokani, “O ni vakabauta tu li na Kalou? O ni vakabauta tu li ni sa bulia o Koya na ka kecega? O ni vakabauta tu li ni a rairai o Koya vei ira na parofita ena gauna e liu? Kevaka sa vakakina, cava na vuna o ni sega ni vakabauta kina ni sa rawa ena gauna oqo? E sa rawa.”

Sarah M., yabaki 16, Utah, Amerika

Wasea na Nomu iVakadinadina

Au wasea na noqu ivakadinadina vei ira na noqu itokani ni sa dau vakatakila na Tamada Vakalomalagi na ka eso vei ira na Luvena, ni ra kerei koya ena yalodina me ra kila na dina. A gadreva tu o Josefa Simici me kila na dina, ka cakacakataka o koya na nona vakabauta. Sa rawa talega ni o sotava na marau totoka kevaka o kerea na Tamada Vakalomalagi ena masumasu ena yalomu taucoko.

Mara C., yabaki 20, Lima, Peru

“Mai na nomu vakatakila, sa rawa ni o ciqoma vakai iko na vakadinadina ni sa vosa ni Kalou na iVola i Momani, ni sa parofita o Josefa Simici, ka sai koya oqo na Lotu ni Turaga. Veitalia ga na cava era kaya se cakava na tani, e sega ni rawa vua e dua me kauta tani na vakadinadina e dei tu e lomamu kei na vakasama ena ka e dina.”

Peresitedi Russell M. Nelson, “iVakatakila ki na Lotu, iVakatakila ki na Noda Bula,” Liaona, Me 2018, 95.

Na Cava Nomu Nanuma?

“Au raica ni tadre voli na veimaliwai kei rau na noqu itubutubu. E rawa vakacava ni’u vakavinakataka na neitou veimaliwai?”

Vakauta na nomu isaunitaro kei na, ke gadrevi, dua na itaba totoka ni bera na 15 ni Me, 2020, ena liahona.ChurchofJesusChrist.org tabaka na “Submit an Article or Feedback”). Se imelitaka na nomu sausaumi ki na liahona.ChurchofJesusChrist.org.

Sa rawa ni moici na sausaumi ena kena balavu se kena matata. Na sausaumi era tabaki sa navuci me veivuke ka vakainaki, sega ni ra tukutuku dei ni vunau ni Lotu.

iTaba mai na Getty Images

• E vakadewataka vakacava o Josefa Simici na iVola i Momani?