Vakabula mai na Veikau Tabu!

Bula, o keirau o Margo kei Paolo.

Ena vula oqo, me marautaki na Veivakalesuimai, keirau na sikova tiko na vanua a yaco kina na Matai ni Raivotu ena 200 na yabaki sa oti!

Ni yabaki 14 tu o Josefa Simici, a tiko o koya ena dua na vale kau e New York, Amerika. A lima na tacina ka tolu na ganena. A talairawarawa o koya vei rau na nona itubutubu ka dau yalovinaka vei ira na tani. A wilika o koya na iVola Tabu kei na nona matavuvale, ia era sega ni lako taucoko ki na matalotu vataga.

E tamata cakacaka kaukauwa o Josefa. A veivuke o koya ena ta ni kau eso me rawa ni teitei na nona matavuvale. A vukea talega na nona matavuvale ena kumuni wai ni vunikau kamikamica eso me caka kina na suka.

A vinakata o Josefa me raica e dua na lotu vakataka na kena ena iVolatabu. Dua na siga a gole o koya ki na loma ni veikau ka masu. E rairai vei koya na Tamada Vakalomalagi kei Jisu. Rau a tukuna vua ni sa vosoti na nona ivalavala ca. Rau kaya talega ni sega ni dodonu me lewena e dua vei ira na lotu. Vakalailai ga sa na vakalesui mai na Lotu i Jisu!

E vuqa na tamata era a dredrevaki Josefa baleta na ka a raica. Era kaya ni a bulia ga o koya na ka kece oya. Ia a tukuna tikoga o Josefa na ka dina. Kaya o koya, “Au kila, ka’u kila ni kila na Kalou, ka’u sega ni rawa ni cakitaka” (Josefa Simici—Ai Tukutuku 1:25).

Nikua, sa rawa ni sikova na tamata na vanua a masu kina o Josefa. E sa totoka ka veivakacegui saraga.

Era vakaitikotiko na gone oqo ena vanua a tubu cake kina o Josefa Simici!

Au kila ni sa dua na vanua vakasakiti na Veikau Tabu baleta ni a masu ka raica kina o Josefa Simici na Tamada Vakalomalagi kei Jisu.

Piper D., yabaki 5, New York, Amerika

Au vakavinavinaka ni keirau tiko volekata na vale i Josefa Simici. Au taleitaka na lako ki na Grandin Building ka tiko kina na misini ni tabaivola. Au via raica saraga na vanua era vauca kina na matai ni lavelave ni iVola i Momani.

Roscoe B., yabaki 9, New York, Amerika

Vinaka na sikova vata kei keirau na Veikau Tabu. Sota tale na gauna ka tarava!

Kedra itaba na gonetagane mai vei Julie Poulson; Droini mai vei Katie McDee