Na Valetabu kei Iko
Ni se bera ni tauyavu na Lotu, era vakabauta tu na tamata ke mate e dua ena nodra matavuvale ka sega ni papitaiso, era na sega ni raici koya tale. Ia ena vuku ni Veivakalesuimai, sa rawa ni da papitaisotaki ena vukudra ena valetabu. Sa rawa ni da vauci vata me tawamudu!
Me vakataki Josefa Simici, sa digitaki iko talega na Tamada Vakalomalagi mo kitaka na cakacaka bibi ena nomu bula. Eso na cakacaka oya e rawa ni caka ena valetabu. Sa rawa ni o vakasokomuna na yaca ni tubumu ka ra sega tu ni papitaiso ni ra bula voli e vuravura. Ni oti na ciqomi ni volatara ni valetabu, sa rawa ni o lako ki na valetabu ka papitaisotaki ena vukudra.
Ni o kitaka na cakacaka oqo, masuta na Tamada Vakalomalagi me tuberi iko. Sa rawa ni ra vukei iko talega na tubumu. Sa na dua dina na veivakalougatataki bibi ka tabu oqo vei iko vakakina vei ira!
Eso vei kemuni ena rairai sega ni kitaka rawa oqo na cakacaka ni valetabu, ia ena rawa ena dua na siga. Dau nanuma tikoga ni ko sa luve ni Kalou. Sa lomani iko vakaoti o Koya.
Vakarorogo ki na veivakauqeti ni Yalo Tabu ka vakarautaki iko ni lako ki na valetabu ena dua na siga. Na kena vakayacori ena vukei iko ni taracake e dua na bula totoka vakai iko kei na nomu matavuvale eliu, oqo, ka muri mai. Ni ko vakayacora na cakacaka ni Turaga, ena vukei iko o Koya. O sa dua vei ira na Nona yalo gugumatua dina sara. ●
Veidusimaki mai vei Jared Matthews