Lako mai, Mo Muri Au: Na iVola i Momani
Na Cava na Kena iBalebale me Toqai tu e Yaloda na Yaca i Karisito?
20–26 ni Epereli Mosaia 4–6
Ena iVola i Momani, era vakatokai na tamata ena vuqa na yaca—e vica vei ira na Nifaiti, na Leimanaiti, kei na Anitai-Nifai-Liai. Ia sa gadreva ko Penijamini na Tui vei ira na nona tamata me ra kacivi ena dua na yaca e cecere cake, ka savasava—na yaca i Jisu Karisito.
Oqo na sala e rawa ni da maroroya tiko kina na yaca ni iVakabula me “volai tu ga e [lomada]” (Mosaia 5:12):
Veiyalayalati ena Papitaiso
Ena gauna ni papitaiso, eda sa veiyalayalati kei na Kalou me da taura ki vei keda na yaca i Karisito. Na cava beka o nanuma e kena ibalebale oqo? (Raica na Mosaia 18:8–9.)
Vakaivotavota ena Sakaramede
Eda sa vakaroti meda vakaivotavota ena sakaramede ena bula kilikili e veimacawa. Ena gauna ni sakaramede, eda vakadeitaki keda ki na noda veiyalayalati meda taura na yaca i Jisu Karisito (raica na Moronai 4:3).
iValavala me Vaka e Dua na Tisaipeli i Jisu Karisito
E gadrevi ena noda veiyalayalati meda talairawarawa ki na ivakaro. Na noda ivalavala e dodonu me vakaraitaka na noda gagadre meda muri Karisito ka yaco me vakataki Koya. Ni da vakayacora vakakina, eda na tomana tiko na noda vakatokai ena Yacana. Oqo na sala eda maroroya kina na yaca i Karisito me toqai tu e yaloda (raica Mosaia 5:12).