Koniferedi Raraba ena Veiyabaki
Ena gauna oqo ena ika 190 ni kena yabaki, sa dua tu na ivalavala tudei ena vei Epereli kei na Okotova na koniferedi raraba, ia sa yaco tiko eso na veisau taleitaki ena veiyabaki sa oti:
-
1830
Ni oti e rua na vula mai na tauyavu ni Lotu, a dabe vakatulewataka o Josefa Simici na imatai ni koniferedi raraba mai Feieti, Niu Ioka. Rauta ni 30 na lewenilotu kei na vica vata tale era a tiko kina.
-
1850
A tabaka na imatai ni itukutuku taucoko ni koniferedi na Deseret News baleta ni a rawa me ligalekataka e dua na dauvolaitukutuku gone, o George D. Watt, na kena vosa.
-
1867
A taura e va na siga na koniferedi raraba ka sega ni tolu me vaka na kena ivakarau baleta ni ra a digitaka na kena ivavakoso me ra tiko me dua tale na siga.
-
1924
A vakayagataki ena imatai ni gauna na gusunivosa ena itutunivunau ena Valecavu. E liu, era dau vakararavi ga o ira era vosa ena kaukauwa ni domodra me ra rogoci kina.
-
1949
Ni vakayagataki na itaba ena Valecavu, sa kaburaki kina ena imatai ni gauna ena retioyaloyalo na koniferedi.
-
1962
A vakadewataki na vosa ki na veivosa tale eso—Jamani, Dutch, kei na vosa vaka-Sipeni—ena imatai ni gauna ena loma ni Valecavu. Qo na vosa e sa vakadewataki ena sivia ni 90 na veivosa!
-
1967
Kaburaki na koniferedi raraba ena TV roka. Era daramaka na tagane ena Matasere ni Valecavu na kote karakarawa nukurama, ka ra dara na yalewa na sote ni yalewa roka vakasamani.
-
1977
Veisau mai na tolu na siga ka ono na kena soqoni raraba, ki na rua na siga ni koniferedi ka lima na kena soqoni raraba.
-
2000
Vakayacori ena Vale ni Koniferedi vou e Salt Lake City, ka rawa ni dabe kina e 21,000 na tamata, na kena imatai ni koniferedi raraba.
iVakaraitaki ni itutu ni vunau mai vei David Green; photograph of television from Getty Images