Dali, Sunod Kanako: Basahon ni Mormon

Nakahinumdom ka ba sa paghinumdom?

Helaman 1–6

Agosto 17–23

Gihatagan ni Helaman ang iyang mga anak og mga ngalan nga Nephi ug Lehi aron nga sila mohinumdom sa maayong mga buhat sa Nephi ug Lehi kinsa nag-una kanila.

Sa Helaman kapitulo 5, si Helaman naggamit sa pulong nga hinumdumi sa 11 ka higayon.

Gitambagan ni Helaman ang iyang mga anak sa paghinumdom:

• Sa “pagsunod sa mga sugo sa Dios” (Helaman 5:6).

• Sa pagtan-aw sa matarung nga mga ehemplo sa ilang mga katigulangan (tan-awa sa Helaman 5:6).

• Nga kini pinaagi lamang sa Pag-ula ni Jesukristo nga kita maluwas (tan-awa sa Helaman 5:9).

• Nga si Kristo moabut aron sa pagtubos sa katawhan gikan sa ilang mga sala (tan-awa sa Helaman 5:9–11).

• Sa pagtukod sa ilang pundasyon diha kang Jesukristo (tan-awa sa Helaman 5:12).

Si Nephi ug Lehi “nahinumdom sa mga pulong ni Helaman; ug busa sila nanglakaw, naghupot sa mga sugo sa Dios” (Helaman 5:14).

Panaghisgutan

Ang Basahon ni Mormon naglakip sa sobra sa 200 ka mga pakisayran sa paghinumdom. Samtang kamo mobasa, ikonsiderar ang pagpangita sa mga butang nga kita gitambagan sa paghinumdom. Ang pinakaimportante, kinahanglan natong hinumduman nga ang katubsanan moabut pinaagi ni Ginoong Jesukristo. Unsa ang inyong mabuhat aron mas mahinumdom sa Manluluwas?