Kalipay ug Pagkamasulundon

Ni Presidente Russell M. Nelson

Gipahiangay gikan sa “Atubanga ang Umaabut uban sa Hugot nga Pagtuo,” Liahona, Mayo 2011, 34–36.

Ikaw usa ka anak sa Dios. Ang Dios naghatag kanato og mga sugo aron sa pagpanalangin kanato ug paghatag kanato og kalipay. Usahay ang mga tawo mopili hain nga mga sugo ang ilang sundon ug hain ang dili. Ang pagpaningkamot sa pagsunod sa tanang mga sugo sa Dios:

Mopanalangin ninyo og kahayag ug hingpit nga kalipay.

Makatabang ninyo nga mahimong gawasnon gikan sa makadaut nga mga kinaiya.

Mopanalipod sa inyong lawas.

Mopanalipod sa inyong espiritu.

Hinumdumi, ang Dios ug ang Iyang mga anghel anaa kanunay aron motabang kaninyo. ●

Atong mga Taming sa Ebanghelyo

Si Kapitan Moroni mihatag sa mga Nephite og mga taming aron matabangan sila nga magpabilin nga luwas. Sa matag taming, pagsulat og usa ka sumbanan sa ebanghelyo gikan sa lista sa ubos nga makatabang kaninyo nga magpabiling luwas ug lig-on.

Maminaw sa Espiritu Santo.
Maghinulsol kon kamo makahimo og sayop.
Dili mamalikas o mogamit og bastos nga mga pulong.
Ibalaan ang adlaw nga Igpapahulay.
Maminaw sa maayo nga musika.
Motan-aw og maayo nga mga butang.
Magsinina og tarung.
Motagad sa mga tawo sa mabination nga paagi.
Magmatinuoron.
Gamiton ang mga ngalan sa Langitnong Amahan ug ni Jesukristo sa matinahurong paagi.