Hello gikan sa Malaysia!
Kumusta! Kami si Margo ug Paolo.
Mibisita kami sa Malaysia!
Ang Malaysia usa ka maanindut nga nasud sa Habagatang Silangan sa Asya. Adunay mga 10,000 ka mga miyembro sa Simbahan ug 33 ka mga branch didto sa Malaysia. Ang Simbahan didto gamay ra apan lig-on!
Ang Keluarga nagpasabut og “pamilya” sa Malay. Kini nga pamilya ganahan nga magkuyog og dula sa park.
Ang durian mao ang kinaisugan og baho nga prutas sa kalibutan! Daghang mga tawo sa Malaysia ganahan niining makrema nga prutas. Gamiton kini sa paghimo og kendi, ice cream, ug uban pang makaon.
Sa Malaysia, ang mga tawo nagtuo diha sa daghang nagkalain-laing mga relihiyon nga naglakip sa Islam, Buddhismo ug Kristiyanismo. Kining mabulukon nga mga lakanganan sa hagdanan mosangput sa Batu Caves. Usa ka bantugan nga templo sa Hindu anaa sa sulod!
Ang mga pamilya sa Malaysia ganahan mangaon sa gawas. Makapalit ang mga tawo og pagkaon sa kadalanan sa adlawng tanan ug sa gabii.
Kining mga bata sa Primary nanaglingkod sa atubangan sa usa ka Simbahan nga dunay timailhan sa Malay ug Chinese. Ang mga tawo sa Malaysia makasulti og daghang pinulongan. Sa simbahan, ang mga miyembro makatabang sa paghubad aron ang tanan makasabut.
Kapin sa katunga sa Malaysia nalukop sa tropikal nga kalasangan. Pinuy-anan kini sa maanindot kaayo nga mga hayop sama sa Malayan nga mga tigre ug mga proboscis nga mga unggoy.
Himamata ang pipila sa among mga higala gikan sa Malaysia!
Gusto sa Dios nga kita magmabination ug mosunod sa mga sugo.
Si Anika C., edad 7, Kuala Lumpur, Malaysia
Ang akong paborito nga artikulo sa hugot nga pagtuo mao ang ikaupat: “Kami nagtuo nga ang unang mga baruganan ug mga ordinansa sa Ebanghelyo mao ang: una, Hugot nga pagtuo diha sa Ginoong Jesukristo; ikaduha, Paghinulsol; ikatulo, Bunyag pinaagi sa pagpaunlod alang sa kapasayloan sa mga sala; ikaupat, Pagpandong sa mga kamot alang sa mga gasa sa Espiritu Santo.”
Leif C., edad 8, Kuala Lumpur, Malaysia
Taga-Malaysia ka ba? Sulati kami! Gusto kaming makadungog gikan kanimo.
Salamat sa pagsuhid sa Malaysia uban namo! Magkita ta sa sunod higayon!