Upat ka Kamatuoran mahitungod sa Gugma ug Kaminyoon

Sa wala pa ang iyang kaminyoon ngadto ni Presidente Russell M. Nelson, si Sister Wendy W. Nelson usa ka propesor sa marriage and family therapy sa 25 ka tuig. Sa usa ka tibuok kalibutan nga debosyonal alang sa mga young adult, iyang gipaambit kining upat ka kamatuoran:

1. “Ang mga kamatuoran bahin sa gugma ug kaminyoon gidala nganha ninyo pinaagi sa Espiritu Santo gikan sa atong Langitnong Amahan.”

2. “Ang personal nga kaputli mao ang labing importante nga butang sa tinuod nga gugma. Kon mas putli ang inyong hunahuna ug mga pagbati, ang inyong mga pulong ug mga buhat, mas modako ang inyong kapasidad sa paghatag ug pagdawat og tinuod nga gugma.”

3. “Isip importante nga bahin sa pagpahayag sa ilang gugma, gusto sa Ginoo nga ang bana ug asawa moambit sa katalagsaon ug kalipay sa kasuod sa kaminyoon.”

4. “Alang sa tinuod nga kasuod sa kaminyoon, ang Espiritu Santo kinahanglan nga malambigit. Dili gayud kini posible nga mabatunan ang matang sa mga kasinatian sa kasuod nga gawas sa kaminyoon nga inyong mabatunan sa sulod tungod kay ang Espiritu wala diha.”

Inyong mabasa o matan-aw ang pakigpulong sa debosyonal ni Sister Nelson nga “Gugma ug Kaminyoon” sa ChurchofJesusChrist.org/go/8205. Kini nga isyu naglangkob usab og pipila ka artikulo mahitungod sa ebanghelyo sa panglantaw sa sekswalidad: alang sa mga ginikanan (tan-awa sa pahina 18), alang sa mga young adult (tan-awa sa pahina 42), ug alang sa mga batan-on (tan-awa sa pahina 52).