2020
Asa Ang Inyong Pokus?
Agosto 2020

Dali, Sunod Kanako: Basahon ni Mormon

Asa ang inyong pokus?

Alma 43–52

Agosto 3–9

Imahe
Where is your focus

Si Kapitan Moroni ug si Amalickiah mipokus sa ilang mga kinabuhi sa managlahi nga mga butang. Samtang “si Amalickiah … nagpahigayon sa pag-angkon og gahum pinaagi sa limbong ug lipot, si Moroni … miandam sa mga hunahuna sa mga katawhan nga magmatinud-anon ngadto sa Ginoo nga ilang Dios” (Alma 48:7).

Unsa ang atong makat-unan gikan sa mga kalainan tali ni Moroni ug Amalickiah?

Moroni:

  1. “Gitudlo sa labaw nga mga maghuhukom ug sa tingog sa mga katawhan” (Alma 46:34).

  2. Gipahibalo ang iyang mga gituohan “uban sa makusog nga tingog” ug midapit sa uban sa pagbuhat og maayo (tan-awa sa Alma 46:19–20). Ang iyang kasingkasing midako “uban ang pagpasalamat ngadto sa iyang Dios” (Alma 48:12).

  3. Nanumpa sa pagpanalipod sa iyang mga katawhan, mga katungod, nasud, ug relihiyon apan wala mohimaya sa pagpaagas sa dugo (tan-awa sa Alma 48:13, 16).

  4. Nakakaplag og kalipay sa kalingkawasan (tan-awa sa Alma 48:11), ug ang iyang kasingkasing mihimaya sa “pagpanalipod sa iyang mga katawhan” (Alma 48:16).

Amalickiah:

  1. Nagtinguha nga papahawaon sa trono ang hari sa mga Lamanite ug himoon ang iyang kaugalingon nga hari (tan-awa sa Alma 47:8).

  2. “Usa ka tawo nga maliputon kaayo sa pagbuhat og dautan” ug sa tago “mipahiluna sa [iyang] laraw diha sa iyang kasingkasing” (Alma 47:4).

    Siya mitunglo usab sa Dios (tan-awa sa Alma 49:27).

  3. Mikutaw sa mga Lamanite ngadto sa kasuko aron makaingon og usa ka gubat ug nanumpa sa pag-inom sa dugo ni Moroni (tan-awa sa Alma 47:1; 49:27).

  4. Nakig-away aron ibutang ang uban diha sa pagkaulipon (tan-awa sa Alma 49:26) ug “wala manumbaling sa dugo sa iyang mga katawhan” (Alma 49:10).

Iprinta