Dali, Sunod Kanako: Basahon ni Mormon

Sa unsang paagi ang kabatan-onan makatukod sa gingharian sa Dios?

Alma 53–63

Agosto 10–16

Si Helaman nadasig tungod sa hugot nga pagtuo sa iyang mga anak. Ikonsiderar kon sa unsang paagi ang ilang mga binuhatan mihatag kanila og espirituhanong panalipod (tan-awa sa Alma 57:25–27) ug kon sa unsang paagi ang pagsunod sa ilang ehemplo makatabang kaninyo sa pagtukod sa gingharian sa Dios.

Pilia Kinsa ang Sundon

Kining kabatan-onan mipili sa ilang pangulo—ang propeta nga si Helaman (tan-awa sa Alma 53:19). Unsaon ninyo pagpili sa mga propeta isip inyong lider?

Magmatinuoron sa Tanang Panahon

Kining kabatan-onan “matinuoron sa tanang panahon sa bisan unsa nga butang nga gisalig kanila” (Alma 53:20). Unsaon ninyo nga mahimong mas matinud-anon sa inyong mga responsibilidad?

Mopakita og hugot nga pagtuo

Kining kabatan-onan gamay ra ang gidaghanon ug diyutay ra ang kasinatian sa gubat. Bisan pa niana, sila adunay hugot nga pagtuo: “ang Dios uban kanato, ug siya dili motugot nga kita mapukan; … kita moadto” (Alma 56:46). Sa unsang paagi nga kamo “molakaw” diha sa hugot nga pagtuo?

Salig diha sa mga Pagtulun-an sa Matarung nga mga Ginikanan

Kini nga kabatan-onan “gitudloan sa ilang mga inahan, nga kon sila dili magduha-duha, ang Dios moluwas kanila” (Alma 56:47). Unsaon nimo sa pagtudlo sa samang paagi sa inyong mga anak sa pagbaton og hugot nga pagtuo?

Panaghisgutan

Unsaon ninyo sa pagpanalipod sa ebanghelyo ug sa mga pagtulun-an ni Kristo sa inyong komunidad? Unsaon ninyo sa pagtabang sa uban nga mohimo og samang butang?

“Sama sa kang Helaman nga mga 2,000 ka batan-ong mga manggugubat, kamo usab espiritu nga mga anak nga lalaki [ug mga babaye] sa Dios, ug kamo usab mahimong matugahan sa gahum sa paglig-on ug pagpanalipod sa Iyang gingharian.”

Presidente M. Russell Ballard, Akting nga Presidente sa Korum sa Napulog Duha ka mga Apostoles, “Ang Labing Maayong Henerasyon sa mga Misyonaryo,” Liahona, Nob. 2002, 47.