Pumarito Ka, Sumunod Ka sa Akin

Galacia 5

Paano Tayo Tinutulungan ng Espiritu?

Larawang-guhit sa pamamagitan ng Getty Images

Sa Galacia 5, itinuro ni Apostol Pablo kung paano nangungusap sa atin ang Espiritu. Pansinin ang mga pagkakaiba sa pagitan ng “bunga ng Espiritu” at ng “mga gawa ng laman.”

Bunga ng Espiritu (tingnan sa Galacia 5:22–23)	Mga Gawa ng Laman (tingnan sa Galacia 5:19–21)
Pagmamahal	Pangangalunya, pakikiapid, kahalayan
Kagalakan	Pagkamuhi
Kapayapaan	Alitan
Mahabang pagtitiis	Pagkakaiba-iba (pagtatalo)
Kahinahunan	Poot
Kabutihan	Mga pagkainggit
Pananampalataya	Mga maling paniniwala
Kaamuan	Mga sedisyon
Pagtitimpi	Karumihan

“Lumakad kayo ayon sa Espiritu, at huwag ninyong bigyang-kasiyahan ang mga pagnanasa ng laman.”

Galacia 5:16

Ang Espiritu ba Ito o ang Sarili Kong mga Iniisip?

“Lahat ng mabuti ay nagmumula kay Cristo [tingnan sa Moroni 7:12–13, 16]. Kaya kung naiisip mong gumawa ng mabuti, pahiwatig iyon ng Espiritu Santo.”

Elder David A. Bednar ng Korum ng Labindalawang Apostol (Face to Face kasama sina Elder at Sister Bednar [pandaigdigang brodkast para sa mga kabataan, Mayo 12, 2015], facetoface.ChurchofJesusChrist.org).

Talakayan

Kung minsa’y ginagawa natin ang lahat para sundin ang mga kautusan pero hindi tayo sigurado kung nadarama natin ang Espiritu. Sumangguni sa pahayag ni Elder Bednar at sa mga bunga ng Espiritu na nakalista sa itaas. Paano maipapakita sa iyo ng mga kabatirang ito na maaaring nagpapahiwatig sa iyo ang Espiritu nang mas madalas kaysa inaakala mo?