“Mwakoro 39: Temboran Kirtland e a Katauaki Kateana: Tianuare–Maati 1836,” Te Boki Wareware n Tuua ma Berita (2002), 151–54
“Mwakoro 39,” Te Boki Wareware n Tuua ma Berita, 151–54
Mwakoro 39
Temboran Kirtland e a Katauaki Kateana
(Tianuare–Maati 1836)
E a tia te Uea n tuangia Kain te Ekaretia bwa a na katea te tembora i Kirtland. Kain te Aro a mwakuri korakora ni katean Temboran Kirtland. A tia karaoan ruu tabeua.
Kain te Aro ngkanne a karaoa aia moan botaki i nanon te tembora. N tain karaoan te botaki taman Ioteba Timiti e a kakabwaiaia taan kairiri n te Ekaretia. Taman Ioteba bon te Tia Taetaekina te Euangkerio n te Ekaretia.
Rimwi Ioteba e a karekea te mii ni kaotioti ae moan te tamaroa. E nora karawa ae Moan te Mimitong are te taba n Uea i karawa. Karawa Ae Moan te Mimitong aei are te aba n Uea bon te tabo are e maeka iai te Atua. E nora tamaroan Karawa Ae Maon te Mimitong. E nora Tamara Are I Karawa ma Iesu. Ioteba e nora tarina ae Alvin, are e a tia ni mate.
Ioteba e ata aroia ataei aika a tia ni mate ngke a tuai ni koro waniua aia ririki n maiu. E taku Iesu bwa a na nako n te aba n uea ae karawa ae Moan te Mimitong.
E taku Iesu bwa a mwaiti aomata aika aki ata taekan te euangkerio ngke a maeka i aon te aba.
Aomata tabeman a na maeka n te aonnaba ma a na a aki ata taekan te euangkerio.
Tabeman ma i ibuakoia aomata aikai a na kakoaua taekan te euangkerio ngkana e kaotaki nakoia. Aomata aikai a na nako n te aba n uea are karawa ae Moan te Mimitong.
E a tia raoi Temboran Kirtland. E a roko te are nang katauaki te tembora nakon te Uea. Are nanona bwa te tembora bon ana tabo te Uea. E na ti kabonganaki ti ibukin ana mwakuri te Uea. Iai aia tai ni botaki Kain te Aro ae kaokoro ane anga iai taekan te tembora nakon te Uea.
A mwaiti Kain te Aro aika roko n tain karaoan te botaki. A rangi ni kukurei ngkai e a reke aia tembora. Kain te Aro anene man tataro nakon Tamara Are I Karawa. A berita bwa a na karaoi bwaai ni kabane ake a tuangaki iroun te Burabeti ma mataniwi.
Ioteba Timiti e wareka te tataro are katauan te tembora ibukin te uea. Te tembora ngkanne e a riki bwa te auti ae tabu. Ai bon ana auti te uea. Anera a mena inanon Temboran Kirtland n te bong anne. Te Tamnei Ae Raoiroi e mena ibuakoia Kain te Aro. Bon moan te tamaroa te bong anne.