“Ang Buhi nga Kristo: Ang Pagpamatuod sa mga Apostoles” nag-ingon: “Ubos sa pagdumala sa Iyang Amahan, [si Jesukristo] mao ang tiglalang sa yuta. ‘Ang tanang mga butang nangahimo pinaagi kaniya; ug niadtong mga nangahimo na, walay bisan usa nga nahimo nga dili pinaagi kaniya’ (Juan 1:3)” (Ensign o Liahona, Abr. 2000, 2). Kon masabtan na sa mga estudyante ang mahangturong mga katuyoan sa paglalang sa kalibutan, magpakabuhi sila nga mas modako ang tinguha nga matuman ang katuyoan sa kaugalingon nilang pagkalalang.
Pagbasa sa Background
Russell M. Nelson, “The Creation,” Ensign, Mayo 2000, 84–86.
Kon available sa inyong pinulongan, ikonsiderar ang pagbasa sa Neal A. Maxwell, “Our Creator’s Cosmos,” sa By Study and by Faith: Selections gikan sa Religious Educator, ed. Richard Neitzel Holzapfel ug Kent P. Jackson (2009), 37–50.
Pag-display og usa ka butang nga gihimo sa usa ka tawo para nimo (tingali isip usa ka gasa). Ipaambit sa klase ang imong mga pagbati nianang butanga sa tawo nga mihimo niini. Dayon ipangutana:
Kanus-a dunay usa katawo nga may gihimo para kanimo? Unsay imong gibati sa tawo nga mihimo niini?
Dapita ang mga estudyante sa pagkumpara ug pagtandi sa Genesis 1:1; Juan 1:1–3; Mga Taga-Efeso 3:9; Mga Hebreohanon 1:1–2; ug Moises 2:1. Hangyoa ang mga estudyante sa paglista sa mga pagkaparehas ug mga kalainan nga ilang nabantayan tali niini nga mga tudling. (Pahinumdom: Samtang makat-unan sa mga estudyante ang pagkumpara ug pagtandi sa mga scripture passage, magkamaayo ang focus sa mga doktrina ug mga baruganan.) Dayon ipangutana:
Sumala niini nga mga kasulatan, kinsa ang milalang sa kalibutan? (Ipasabut gayud nga gilalang ni Jehova ang kalibutan ubos sa pagdumala sa Amahan, o sama sa gitudlo ni Elder Russell M. Nelson nga sakop sa Korum sa Napulog Duha ka mga Apostoles: “Ang kinatibuk-ang Paglalang giplano sa [Langitnong Amahan]” (“The Creation,” Ensign, Mayo 2000, 84).
Hatagi og panahon nga makabasa sa hilum ang mga estudyante ug makumpara ang Doktrina ug mga Pakigsaad 76:22–24; 104:14–17; ug sa Moises 1:30–33, nga mangita ko unsa pay gilalang ni Jehova. Kon gikinahanglan, ipasabut nga milalang Siya og dili maihap nga mga kalibutan ug nga “ang yuta puno ug adunay igo ug kapin pa” (D&P 104:17). Tabangi ang mga estudyante sa pag-analisar niini nga mga pulong pinaagi sa pagpangutana:
Unsa may gisugyot niini nga mga pulong mahitungod sa unsay gusto sa Manluluwas nga atong mahibaloan dihang gilalang Niya ang kalibutan? (Nagkinahanglan siyang mahibalo kon pila ka tawo ang mopuyo sa kalibutan ug kon unsay ilang panginahanglan sa tanang managlahi nga panahon sa kasaysayan.)
Pasabta ang mga estudyante nga butang kini nga importanting mahibaloan kon si kinsa ang milalang sa kalibutan apan sa lahi usab aron mahibalo kon sa unsang gahum gilalang ang kalibutan. Dapita ang mga estudyante sa pagkumpara ug pag-cross reference sa Mormon 9:16–17; Doktrina ug mga Pakigsaad 38:1–3; ug sa Jacob 4:9 ug sa pag-identify giunsa sa paglalang ang kalibutan. Dapita ang mga estudyante sa pagpasabut sa kaugalingon nilang mga pulong unsay ipasabut niini nga mga tudling. Dayon i-display ang mosunod nga pamahayag:
“Si Jesukristo milalang niini nga kalibutan ug sa tanan nga anaa niini. Siya usab milalang sa daghan pang mga kalibutan. Gibuhat Niya kini pinaagi sa gahum sa priesthood, ubos sa pagdumala sa atong Langitnong Amahan” (Mga Baruganan sa Ebanghelyo [2009], 27).
Ipasabut gayud nga sa pagkatinuod, ang mga kasulatan naghatag og pipila ka detalye kon giunsa sa paglalang ang kalibutan, bisan og gisaaran kita nga ang maong mga detalye sa umaabut nga adlaw ipadayag ra (tan-awa sa D&P 101:32–34). Daghan pa ang gitudlo sa mga kasulatan mahitungod sa katuyoan sa Paglalang.
Hisguti ang mosunod nga mga pangutana sa tibuok klase:
Kon obserbahan ninyo ang kalibutan sa inyong palibut, unsay ikatudlo sa mga paglalang sa Dios diha ninyo mahitungod sa Manluluwas, mahitungod sa Iyang priesthood, ug mahitungod sa Iyang pagkatawo didto sa premortal nga kalibutan?
Sa unsang paagi ang pagsabut niining mga kamatuoran miimpluwensya sa imong mga pagbati ug sa imong pagpamatuod kang Jesukristo?
Sa unsang paagi ang pagsabut niini nga mga kamatuoran miimpluwensya sa paagi sa imong pagbati mahitungod sa kalibutan?
Sa dili pa mopadayon, pasabta gayud ang mga estudyante nga tungod kay ang Manluluwas ang milalang sa kalibutan, ang Langitnong Amahan nga mao ang Amahan sa atong mga espiritu ug milalang sa pisikal nga lawas ni Adan ug ni Eva.
Bahina ang mga estudyante nga magkapares ug ipa-search ang Moises 1:27–33, 39; 1 Nephi 17:36; ug ang Doktrina ug mga Pakigsaad 49:16–17. Mahimo kang mosugyot nga markahan nila ang mga pulong nga naa niini nga mga tudling nga magtabang nga ilang makuha ang tubag niini nga pangutana: “Unsaon man nimo sa pagpasabut ang usa ka higala kon nganong gilalang ang kalibutan?” Dapita ang pipila ka managpares nga mopaambit sa ilang mga tubag sa klase. Kinahanglang masuta sa mga estudyante nga gilalang ni Jehova ang kalibutan aron mahatagan og luna nga kapuy-an ang mga anak sa Dios ug molambo ngadto sa kinabuhing dayon. Ipangutana:
Unsa ang buot ipasabut sa mga pulong nga “gidaghanon sa mga tawo” diha sa Doktrina ug mga Pakigsaad 49:17? (Kon gikinahanglan, tan-awa ang commentary para sa Doktrina ug mga Pakigsaad 49:16–17 sa Manwal sa Estudyante sa Doktrina ug mga Pakigsaad [(manwal sa Church Educational System, 2001), 106].)
Dapita ang mga estudyante sa pagbasa og hilum sa 2 Nephi 2:18–25, ug dayon ipangutana:
Sa unsang paagi nga ang mga kahimtang didto sa Tanaman sa Eden makapugong unta ni Adan ug ni Eva nga mouswag pinagi sa plano sa Langitnong Amahan sa kaluwasan?
Sa unsang paagi ang Pagkapukan ni Adan nakatabang sa kalibutan nga matuman ang katuyoan sa paglalang niini? (Naghimo kini nga manganak si Adan ug si Eva.)
Sa unsang paagi ang mga sangputanan sa Pagkapukan, nga gihulagway diha sa bersikulo 23, makatabang kanato sa pag-uswag pinaagi sa plano sa Langitnong Amahan?
Hatagi ang mga estudyante og mga kopya sa mosunod nga pamahayag ni Elder Bruce R. McConkie (1915–85) sa Korum sa Napulog Duha ka mga Apostoles ug ni Sister Julie B. Beck, kanhi kinatibuk-ang presidente sa Relief Society. Hatagi og igong panahon ang mga estudyante sa pagbasa niini nga mga pamahayag ug pagpamalandong sa tahas sa Paglalang sa plano sa Dios alang sa kaluwasan sa Iyang mga anak.
Imahe
Elder Bruce R. McConkie
“Sama kasigurado nga ang kaluwasan moabut tungod sa Pag-ula, mao usab nga ang kaluwasan moabut tungod sa Pagkapukan. …
“Ug usab unta mahinumduman nga ang Pagkapukan nahimong posible tungod kay ang walay katapusang Tiglalang … mihimo sa kalibutan ug sa tawo ug sa tanang matang sa kinabuhi sa mao nga estado nga posible ra ang ilang pagkapukan … Ang tanang butang gilalang nga pwede ra silang mapukan o mausab, ug mao nga napakita ang matang sa pagpakabuhi nga gikinahanglan aron mapahimutang ang tanang gikinahanglan subay sa mga termino ug mga kondisyon nga gihimo sa Amahan alang sa mahangturong plano sa kaluwasan.
“Kining nag-una nga temporal nga paglalang sa tanang butang … usa ka paraisohanon nga matang. Sa karaan ug sa sama sa Eden nga kapanahunan ang tanang matang sa kinabuhi nagpakabuhi sa mas taas nga estado kay sa karon. Ang umaabut nga pagkapukan mobira kanila paubos ug paabante ug dayon magpadayon. Ang kamatayon ug ang pagpasanay mosulod pa sa kalibutan” (Bruce R. McConkie, “Christ and the Creation,” Ensign, Hunyo 1982, 9).
Imahe
Julie B. Beck
Busath.com
“Sa Simbahan ni Jesukristo sa mga Santos sa Ulahing mga Adlaw, kita adunay teyolohiya sa pamilya nga nakabasi sa Paglalang, sa Pagkapukan, ug sa Pag-ula. Ang Paglalang sa yuta naghatag og dapit diin ang mga pamilya makapuyo. Ang Dios milalang sa lalaki ug babaye kinsa mao ang duha ka importanting kaparis sa usa ka pamilya. Kini kabahin sa plano sa Langitnong Amahan nga sila si Adan ug Eva ma-seal ug magmugna og mahangturong pamilya.
“Ang Pagkapukan mihatag og paagi alang sa pamilya nga motubo. Sila si Adan ug Eva mga lider sa pamilya kinsa mipili nga mosinati og mortal nga kasinatian. Ang Pagkapukan nakapahimong posible alang kanila sa pagbaton og mga anak nga lalaki ug mga anak nga babaye.
“Ang Pag-ula nagtugot sa pamilya nga ma-sealed sa kahangturan. Kini nagtugot sa mga pamilya nga makabaton og mahangturong paglambo ug pagkahingpit. Ang plano sa kalipay, nga gitawag usab og plano sa kaluwasan, maoy usa ka plano nga gimugna alang sa mga pamilya. Ang nagtubo nga henerasyon kinahanglang makasabut nga ang importanting mga haligi sa atong teyolohiya nakasentro sa pamilya” (Julie B. Beck, “Pagtudlo sa Doktrina kabahin sa Pamilya,” Ensign, Mar. 2011, 12).
Sa unsang paagi kini nga mga pamahayag makatabang nga inyong masabtan ang mahinungdanon kaayo nga tahas sa Paglalang sa kinatibuk-ang plano sa Dios para sa kaluwasan sa Iyang mga anak?
Nganong importante mang masabtan nga ang kalibutan gilalang sa pagtabang nga mahimaya ang mga indibidwal ug pamilya? (Samtang motubag ang mga estudyante, isulat sa pisara ang mosunod nga baruganan: Kon masabtan na nato ang katuyoan sa paglalang sa kalibutan, mapalambo nato ang mas dakong tinguha sa pagtuman sa katuyoan sa atong pagkalalang.)
Ipasabut sa mga estudyante nga ang gahum sa pag-seal pinaagi sa priesthood naghimong posible para ang mga bana ug asawa ug mga ginikanan ug mga anak magkauban sa hangtud human sa kamatayon. Kon wala ang gahum sa pag-seal nga gipahiuli pinaagi ni Elijah, dili na unta makadawat sa kahingpitan sa panalangin nga kahimayaan ang anak sa Dios ug kini nga katuyoan sa paglalang sa kalibutan wala untay katumanan, o sigun sa gitudlo sa Doktrina ug mga Pakigsaad, “ang tibuok yuta sa hingpit malaglag” (D&P 2:3; tan-awa sa Malachi 4:6).
Tapusa ang leksyon pinaagi sa pagpamatuod niining importante nga mga kamatuoran: (1) Gilalang ni Jehova ang kalibutan ubos sa pagdumala sa Amahan; (2) Gilalang Niya ang kalibutan aron mahatagan og luna diin makapuyo ang mga anak sa Dios ug molambo ngadto sa kinabuhing dayon; ug (3) kon masabtan na nato ang katuyoan sa paglalang sa kalibutan, mapalambo nato ang mas dakong tinguha sa pagtuman sa katuyoan sa atong pagkalalang.
Awhaga ang mga estudyante sa pagpamalandong unsay ilang mahimo aron mapahayag ang ilang pasalamat para sa mga gilalang ni Jesukristo. Awhaga ang mga estudyante nga lihukon ang bisan unsang pag-aghat sa Espiritu nga ilang gibati atol sa leksyon.