Leksyon 21: Giorganisar ni Jesukristo ang Iyang Simbahan
21
Giorganisar ni Jesukristo ang Iyang Simbahan
Pasiuna
Atol sa Iyang tulo-ka tuig nga mortal nga pangalagad, gitugyan ni Jesukristo ang mga yawe sa priesthood ngadto sa Iyang Napulog Duha ka mga Apostoles. Pinaagi niini nga mga yawe, ang Simbahan ni Jesukristo “tinukod ibabaw sa patukuranan nga mao ang mga apostoles ug mga propeta” (Mga Taga-Efeso 2:20.) Naghisgot kini nga leksyon kon sa unsang paaagi, human sa Iyang Pagkabanhaw, mipadayon ang Manluluwas sa paggiya ug pagdumala sa Iyang mga Apostoles ug sa Iyang Simbahan pinaagi sa pagpangalagad sa Espiritu Santo aron makatabang sila sa pagtuman sa Abrahamic nga pakigsaad sa pagpundok sa nakatag nga Israel.
Background nga Basahunon
Jeffrey R. Holland, “Mga Propeta, Manalagna ug mga Tigpadayag”Liahona, Nob. 2004, 6–9.
Giorganisar ni Jesukristo ang Iyang Simbahan sa pundasyon nga mga apostoles ug mga propeta
Ipakita sa mga estudyante ang usa ka yawe o pungpong sa mga yawe, ug pangutan-a kon unsay ipasabut kon mogamit kita sa pulong nga mga yawe diha sa konteksto sa ebanghelyo. Dapita ang pipila ka mga estudyante nga magpuli-puli sa pagbasa og kusog sa mga tudling sa mosunod nga scripture chain. Hangyoa ang klase sa pagsunod ug sa pagpangita sa dagkong hitabo nga gihulagway o gipasabut sa matag tudling.
Mateo 10:1–4 (Gitawag ug gisugo ang mga Apostoles)
Mateo 16:19 (Ang mga yawe sa Priesthood gisaad ngadto kang Pedro [tan-awa sa Giya ngadto sa mga Kasulatan, “Yawe sa Pagkapari, Mga”; scriptures.lds.org].)
Mateo 17:3–7 (“Ang Manluluwas, si Moises, ug Elias [Elijah], mihatag sa mga yawe ngadto ni Pedro, Santiago, ug Juan, didto sa bungtod, sa dihang nausab ang ilang panagway sa iyang atubangan” [Mga Pagtulun-an sa mga Presidente sa Simbahan: Joseph Smith (2007), 123].)
Mateo 18:18 (Ang paghisgot bahin sa pagbugkos ug pagbadbad dinhi sa yuta ug didto sa langit nagpasabut sa mga yawe sa priesthood nga gisaad usab ngadto sa ubang mga Apostoles.)
Mahimo nimong ipasabut nga ang “mga yawe” nga gihisgutan o gipasabut niini nga mga tudling parehas ra sa gahum sa pag-seal (tan-awa sa Boyd K. Packer, The Holy Temple [1980], 81–87).
Pangutan-a ang mga estudyante:
Unsay ipasabut sa mga yawe sa priesthood?
Nganong importante man nga maghupot og mga yawe sa priesthood ang mga Apostoles?
Hangyoa ang usa ka estudyante sa pagbasa sa mosunod nga pamahayag ni Elder Dallin H. Oaks sa Korum sa Napulog Duha ka mga Apostoles:
Imahe
Elder Dallin H. Oaks
“‘Ang mga yawe sa priesthood mao ang awtoridad nga gihatag sa Dios ngadto [sa mga naghupot] sa priesthood aron sa pagmando, pagkontrolar, ug pagdumala sa paggamit sa Iyang priesthood dinhi sa yuta’ [Handbook 2: Administering the Church [2010], 2.1.1]. Matag buhat o ordinansa nga gipahigayon sa Simbahan gihimo ubos sa direkta o dili direkta nga pagtugot sa tawo nga naghupot sa mga yawe niana nga kalihokan. Sigun sa gipasabut ni Elder M. Russell Ballard, ‘Kadtong adunay mga yawe sa priesthood … sa tinuoray naghimong posible nga ang tanan kinsa matinud-anong naghago ubos sa ilang direksyon makagamit sa awtoridad sa priesthood ug makagamit sa gahum sa priesthood’ [M. Russell Ballard, “Men and Women in the Work of the Lord,” New Era, Abr. 2014, 4; Liahona, Abr. 2014, 48]” (“Ang mga Yawe ug Awtoridad sa Priesthood,”Liahona, Mayo 2014, 49–50).
Sa unsang paagi nga ang mga yawe sa priesthood makapanalangin sa tinagsa-tagsa nga miyembro sa Simbahan?
Dapita ang usa ka estudyante sa pagbasa og kusog sa Mga Taga-Efeso 2:19–20. Dayon pangutan-a ang klase:
Unsay atong makat-unan gikan niini nga tudling mahitungod sa pundasyon sa Simbahan sa Manluluwas? (Kinahanglang mahibaloan sa mga estudyante ang mosunod nga kamatuoran: Si Jesukristo, nga mao ang tukuranang bato sa pamag-ang, miorganisar sa Iyang Simbahan nga ang pundasyon mga apostoles ug mga propeta.)
Unsa ang mahimo sa usa ka pundasyon ug tukuranang bato para sa usa ka building? (Ang pundasyon naghatag og kusog ug suporta sa building. Kon ang unang bato ipahimutang na sa pundasyon, ang tukuranang bato sa pamag-ang maoy basihanan diin ipahimutang ang tanan pang uban nga bato nga pundasyon ug magtino sa posisyon sa tibuok nga building. Nagtabang usab kini sa pagpalig-on sa mga bongbong.)
Dapita ang mga estudyante nga hisgutan uban sa ilang katupad ang mosunod nga mga pangutana:
Sa unsang paagi si Jesukristo mao ang “tukuranang bato sa pamag-ang” sa Simbahan?
Unsay gitudlo niini nga kasulatan mahitungod sa relasyon tali sa Manluluwas (ang tukurang bato) ug ang mga apostoles ug mga propeta (ang pundasyon)?
Dapita ang usa ka estudyante sa pagbasa og kusog sa Mga Taga Efeso 4:11–14. Hangyoa ang klase sa pagsunod ug pagpangita sa mga rason nga gihatag ni Pablo kon nganong nagkinahanglan kita og mga apostoles, mga propeta, ug uban pang mga lider sa Simbahan nga mogiya sa mga Santos.
I-display ang mosunod nga mensahe ni Elder Jeffrey R. Holland sa Korum sa Napulog Duha ka mga Apostoles, ug hangyoa ang usa ka estudyante sa pagbasa niini og kusog:
Imahe
Elder Jeffrey R. Holland
“Aron maestablisar ang usa ka simbahan nga mopadayon ubos sa Iyang direksyon bisan gikuha na Siya gikan sa yuta, si Jesus ‘miadto … sa kabungturan aron sa pag-ampo, ug sa tibuok gabii siya nagpadayon sa pag-ampo ngadto sa Dios.
“‘Ug sa pagkaadlaw na, gitawag niya ang iyang mga tinun-an: ug gikan kanila iyang gipili ang napulog duha, nga iyang ginganlan og mga apostoles’ [Lucas 6:12–13].
“Unya, si Pablo mitudlo nga ang Manluluwas, nga nakahibalo sa katumanan sa Iyang kamatayon, mihimo niini aron ihatag sa Simbahan ang ‘usa ka patukuranan [pundasyon] sa … mga apostoles ug mga propeta’ [tan-awa sa Mga Taga-Efeso 2:19–20]. Kini nga mga Kaigsoonan ug ang ubang mga opisyal sa Simbahan kinsa nagserbisyo ubos sa direksyon sa nabanhaw nga Kristo.
“Ngano man? Uban sa laing mga rason, mao ‘nga kita dili na magpabilin nga mga bata pa, nga igatuyatuya ug igaliyokliyok sa tanang hangin sa doktrina, pinaagi sa lipatlipat sa mga tawo nga batid sa pagmugna’g kasaypanan, diin sila naghulat aron sa pagpangilad’ [Mga Taga-Efeso 4:14]” (“Mga Propeta, Manalagna ug mga Tigpadayag,”Liahona, Nob. 2004, 6–7).
Sa unsang mga paagi nakita ninyo ang modernong mga apostoles ug mga propeta nga mihatag og lig-ong pundasyon ug pagkadili matarug sa Simbahan?
Gigiyahan ni Jesukristo ang mga Apostoles pinaagi sa Espiritu Santo
Hangyoa ang mga estudyante sa pagbasa og kusog sa Mga Buhat 1:1–2. Dayon pangutan-a ang klase:
Giunsa sa pagsulti ni Lucas nga ang nabanhaw nga Manluluwas padayong migiya sa Iyang mga Apostoles human sa Iyang Pagkayab sa Langit? (Mihatag Siya og mga sugo ug instruksyon pinaagi sa Espiritu Santo.)
Ipamatuod nga human sa Iyang Pagkabanhaw ug Pagkayab sa langit, gigiyahan ni Jesukristo ang mga Apostoles pinaagi sa pagpangalagad sa Espiritu Santo. Aron matabangan nga makita sa mga estudyante ang mga ehemplo niini nga giya, bahina ang klase ngadto sa upat ka grupo ug hatagi sila sa mosunod nga mga assignment:
Magtuon sa Mga Buhat 2:1–6, 14–26, nga mangita kon giunsa sa Espiritu sa pagtabang si Pedro ug ang mga Apostoles sa adlaw sa Pentecostes.
Magtuon sa Mga Buhat 4:1-13, 18–21, nga mangita kon giunsa sa Espiritu sa pagtabang si Pedro sa pagtubag sa mga lider sa Judeo.
Magtuon sa Mga Buhat 15:1–20, nga mangita kon sa unsang paagi ang miagi nang pagpadayag gikan ni Jesukristo pinaagi sa Espiritu Santo miimpluwensya sa desisyon ni Pedro ug sa suporta nga gihatag sa ubang mga lider sa Simbahan niini nga desisyon atol sa komperensya sa Jerusalem.
Human sa igong panahon, ipa-summarize sa mga indibidwal gikan sa matag grupo unsay ilang nabasa ug sa pagpasabut giunsa sa paggiya ni Jesukristo ang mga lider sa Simbahan pinaagi sa pagpangalagad sa Espiritu Santo. Pasabta nga mohimo ang Espiritu Santo sa Iyang mga katungdanan ubos sa direksyon sa Manluluwas (tan-awa sa Juan 16:13–14).
Ikonsiderar ang paggamit sa 3 Nephi 19:7–9, 19–20 aron ikapakita nga ang mga lider sa Simbahan nga atong nabasa diha sa Basahon ni Mormon nakadawat usab og tabang sa Espiritu Santo sa ilang pagpangalagad.
Hisguti uban sa mga estudyante ang mosunod nga pangutana:
Unsaon ninyo sa pagpasabut ngadto sa usa ka tawo kon nganong importante ang pagkahibalo nga human sa Iyang pagkamatay, padayong gigiyahan ni Jesukristo ang Iyang mga Apostoles?
Gigiyahan ni Jesukristo ang mga lider sa Simbahan karon pinaagi sa Espiritu Santo
I-display ang mosunod nga pamahayag ni Presidente Thomas S. Monson ug ni Presidente Henry B. Eyring sa Unang Kapangulohan (o i-apud-apod kini sa klase), ug ipabasa kini og kusog sa usa ka estudyante:
Imahe
President Thomas S. Monson
“Ako nagpamatuod … nga ang Manluluwas nga si Jesukristo anaa nangulo niini nga Simbahan, nga nagdala sa Iyang ngalan. Ako nasayud nga ang labing tam-is nga kasinatian sa tibuok niining kinabuhia mao ang mobati sa Iyang mga pag-aghat samtang siya nagdumalaa kanato sa pagpadayon sa Iyang buluhaton” (Thomas S. Monson, “Ang Paghinumdom ug ang Pagpadayon,”Liahona, Mayo 2008, 88).
Imahe
President Henry B. Eyring
“Ang pagpadayag ug inspirasyon miabut kaniya [Presidente Thomas S. Monson] diha sa akong presensya, nga nagpamatuod ngari kanako nga ang Dios nagtahud niana nga [mga yawe sa priesthood nga gihuptan sa propeta]. Usa ako ka saksi sa panghitabo” (Henry B. Eyring, “Ang Tinuod ug Buhi nga Simbahan,”Liahona, Mayo 2008, 24).
Sa unsang paagi naghulagway kini nga mga pamahayag sa koneksyon tali sa Bag-ong Tugon nga Simbahan ug sa Simbahan ni Jesukristo sa mga Santos sa Ulahing mga Adlaw? (Tabangi nga masabtan sa mga estudyante ang mosunod nga kamatuoran: Sama sa paggiya ni Jesukristo sa Iyang mga Apostoles sa kapanahunan sa Bag-ong Tugon, gigiyahan Niya ang mga lider sa Simbahan karon pinaagi sa lahi-lahi nga paagi, lakip ang pagpangalagad sa Espiritu Santo.)
Dapita ang usa ka estudyante sa pagbasa og kusog sa mosunod nga pamahayag ni Elder Jeffrey R. Holland sa Korum sa Napulog Duha ka mga Apostoles. Papaminawa ang klase ug pahunahunaa kon nganong nagkinahanglan nga magiyahan sa Manluluwas ang mga lider sa Simbahan.
Imahe
Elder Jeffrey R. Holland
“Ang pundasyon sa Simbahan nga apostol ug propeta kinahanglang anaa sa tanang panahon, pero ilabi na sa mga panahon sa kalisdanan o kakuyaw, mga panahon nga mobati kita sama sa mga bata, naglibug o nahisalaag, tingali may gamayng kahadlok, mga panahon diin ang dili maayong mga buhat sa mga tawo o sa dautang tinguha sa yawa mosulay sa pagsamok o paglimbong. Sa pagpangandam sa mao nga mga panahon nga moabut sa atong moderno nga panahon, ang Unang Kapangulohan ug ang Korum sa Napulog Duha gisugo sa Dios ug inyong gipaluyohan isip mga propeta, mga manalagna ug mga tigpadayag, uban sa Presidente sa Simbahan nga gipaluyohan isip ang propeta, manalagna, ug tigpadayag, ang labaw nga Apostol, ug sa ingon mao lamang ang tawo nga gitugutan sa paggamit sa tanang yawe sa pinadayag ug administratiba alang sa Simbahan. Sa panahon sa Bag-ong Tugon, sa mga panahon sa Basahon ni Mormon ug sa moderno nga mga panahon kini nga mga opisyal mao ang pundasyon nga mga bato sa tinuod nga Simbahan, gipahiluna ug nakaangkon sa ilang kusog gikan sa tukuranang bato sa pamag-ang, ‘ang bato sa atong Manunubos, kinsa mao si [Jesukristo], ang anak sa Dios’ [Helaman 5:12]” (”Mga Propeta, mga Manalagna, ug mga Tigpadayag,”Liahona, Nob. 2004, 7).
I-follow up pinaagi sa pagpangutana sa mga estudyante og pipila o tanan sa mosunod nga mga pangutana:
Unsa kaha ang buot ipasabut nga ang nagdumala nga opisyal sa Simbahan “gipahiluna” ug nakaangkon sa ilang kusog gikan sa tukuranang bato sa pamag-ang, nga si Jesukristo?
Unsa nga ebidensya ang nakita ninyo o kanus-a man kamo mibati nga gigiyahan sa Manluluwas kadtong nangulo sa Simbahan karon?
Sa unsang mga paagi ang pag-apil sa kinatibuk-ang komperensya nakatabang nga makaduol kamo kang Kristo ug makatukod og pundasyon sa mga apostoles ug mga propeta?
I-display o isulat sa pisara ang mosunod nga mga pangutana. Dapita ang mga estudyante sa pagpamalandong sa mga pangutana ug dayon isulat sa ilang mga personal journal o mga scripture study journal ang plano aron mapalambo kana nga mga dapit.
Unsay akong mahimo aron mapalig-on ang akong pagpamatuod sa modernong mga Apostoles sa Manluluwas?
Sa unsang mga paagi mas makasalig ko sa modernong mga propeta aron mahimo nakong pundasyon si Jesukristo?