Leksyon 5: Si Jesukristo Mao si Jehova sa Daang Tugon
5
Si Jesukristo Mao si Jehova sa Daang Tugon
Pasiuna
Sa pagpamatuod sa Manluluwas nga si Jesukristo, namahayag ang modernong mga propeta: “Siya mao ang Halangdong Jehova sa Daang Tugon” (“Ang Buhi nga Kristo: Ang Pagpamatuod sa mga Apostoles,” Ensign o Liahona, Abr. 2000, 2). Si Jesukristo, isip Jehova, miestablisar sa walay katapusang ebanghelyo sa Langitnong Amahan dinhi sa yuta sa matag dispensasyon sa kapanahunan aron pundukon ang matag usa nga mga anak sa Dios nga nawala. Malig-on ang atong pagtuo kang Jesukristo kon atong maila ang Iyang walay pagkausab nga kinaiyahan ug ang Iyang walay katapusang ebanghelyo.
Pagbasa sa Background
Russell M. Nelson, “Mga Pakigsaad,”Liahona, Nob. 2011, 86–89.
“The Abrahamic Covenant,” The Pearl of Great Price Student Manual (manwal sa Church Educational System, 2000), 93–98.
“Enrichment Section A: Kinsa ang Dios sa Daang Tugon?” Manwal sa Estudyante sa Daang Tugon: Genesis–2 Samuel, 3rd ed. (manwal sa Church Educational System, 2003), 45–48.
Dapita ang mga estudyante sa pagpaambit og mga ngalan ug mga tawag para sa Manluluwas nga ilang nahibaloan. Ilista sa pisara ang ilang mga tubag. Sultihi ang mga estudyante nga karon hisgutan ninyo ang importanting pangalan, o tawag, nga nailhan para kang Jesukristo sa wala pa ang Iyang mortal nga pangalagad. Dapita sila sa pagbasa og hilum sa Juan 8:52–53, 56–59. Dayon ipangutana:
Unsa ang mga gipangutana sa mga Judeo sa Manluluwas?
Unsa kaha ang buot ipasabut ni Jesus sa Iyang tubag nga, “Sa wala pa si Abraham mao na Ako”? (bersikulo 58).
Aron matabangan ang mga estudyante nga mapasabut ang mga pulong nga “mao na Ako,” bahina nga managpares ang mga estudyante ipabasa nila ang Exodo 3:11–14; 6:2–3, nga mangita kon giunsa sa Dios sa Daang tugon sa pag-ila ang Iyang kaugalingon. Human sa igong panahon, ipangutana ang mga mosunod:
Sumala niini nga mga bersikulo, unsang mga ngalan ang gigamit sa Dios sa Daang Tugon sa pag-identify sa Iyang kaugalingon? (Pasabta nga ang Joseph Smith Translation sa Exodo 6:3 mabasa, “[Ako ang] Dios nga Makagagahum sa ngatanan; apan mahatungod sa akong ngalan nga JEHOVAH. ako wala nila hiilhi?” Tan-awa usab sa Abraham 1:16.)
Sa unsang paagi kini nga mga bersikulo mihatag og katin-awan sa kahulugan sa pamahayag ni Jesukristo nga, “Sa wala pa si Abraham mao na Ako”? (Kinahanglang maila sa mga estudyante nga si Jesukristo mao si Jehova, ang Dios sa Daang Tugon ug ang halangdong MAO AKO.)
I-display ang mosunod nga mga pamahayag:
Imahe
Elder Bruce R. McConkie
“Sa hunahuna sa ubang tawo huyang kini ug direkta nga pagpamahayag sa kabalaan. ‘Sa wala pa si Abraham mao na Ako si Jehova.’ Nga, “Ako ang Dios nga Makagagahum, ang Halangdong MAO AKO. Mianhi ako sa kaugalingon, Usa nga Mahangturon. Ako ang Dios sa inyong mga amahan. Ang akong ngalan mao ang: AKO MAO AKO’” (Bruce R. McConkie, Doctrinal New Testament Commentary, 3 vols. [1965–73], 1:464).
Ang Jehova mao “ang pakigsaad o tukma nga ngalan sa Dios sa Israel. Nagpasabut kini sa ‘Usa nga Walay Pagkausab’” (Bible Dictionary, “Jehovah”).
Nganong importante man kahang mahibaloan nga si Jesukristo mao si Jehova sa Daang Tugon? (Ang mga tubag maglakip sa mosunod nga kamatuoran: Kanunayng nangalagad ang Dios sa Iyang ebanghelyo pinaagi sa Iyang Anak, nga si Jesukristo. Tan-awa usab sa 3 Nephi 15:5, nga nagrekord sa pagtulun-an sa Manluluwas nga Siya ang tighatag sa balaod.)
Mahimo kang magdapit og usa ka estudyante sa pagbasa og kusog sa mosunod nga pamahayag ni Presidente Joseph Fielding Smith (1876–1972):
Imahe
President Joseph Fielding Smith
“Ang tanang pagpadayag sukad pa sa pagkapukan miabut pinaagi ni Jesukristo, kinsa mao si Jehova sa Daang Tugon. … … Ang Amahan wala gayud sukad makigsabut sa tawo sa direkta ug personal nga paagi sukad pa sa pagkapukan, ug wala gayud siya mopakita gawas sa pagpaila ug paghatag og pamatuod sa Anak” (Doctrines of Salvation,comp. Bruce R. McConkie, 3 vols. [1954–56], 1:27).
Sa unsang paagi ang pagkahibalo nga si Jehova, o Jesukristo, walay pagkausab makatabang ninyo sa pagkaangkon og pagtuo Kaniya? (Ang mga tubag tingali maglakip sa kahibalo nga si Jesukristo walay pagkausab makatabang nato sa pag-angkon og pagtuo sama nga gituman Niya ang Iyang mga saad ngadto sa katawhan nga atong nabasa sa mga kasulatan, ngari kanato Iya usab nga tumanon ang Iyang mga gisaad.)
Ipasabut nga sa sayong bahin human sa biblikal nga kapanahunan, ang ngalan ni Jehova sa Hebrew (sa kasagaran sa literatura nagrepresentar nga Yahweh) gikonsiderar nga sagrado ra kaayong litukon. Tungod niini nga rason, gawas sa pipila ka eksepsyon (tan-awa sa Exodo 6:3; Salmo 83:18; Isaias 12:2; 26:4), ang mga tighubad sa Biblia nga King James Version mihulagway sa pulong nga Jehova isip GINOO (tanan sa capital nga letra). Sa modernong Judaism, gipulihan kini sa pulong nga Adonai, nagpasabut nga “Ginoo.”
Sa karaanan giestablisar ni Jehova ang walay katapusang ebanghelyo
Uban sa ubang mga estudyante nga magpares sa pagtrabaho, ipabasa nila ang Moises 6:51–52, 64–66 ug ipa-identify unsay gitudlo ni Jehova kang Adan. Sultihi sila nga sa mga bersikulo 51–52, namulong si Jehova para sa Amahan. Dayon ipangutana:
Unsay inyong nabantayan mahitungod sa ebanghelyo nga gitudlo ngadto kang Adan? (Mao ra gihapon nga ebanghelyo ang gitudlo karon. [Tan-awa ang 2 Nephi 31:10–16 para sa example sa mao ra gihapong ebanghelyo nga gitudlo didto sa Amerika.] Ikonsiderar ang paghatag og emphasis niini nga kamatuoran pinaagi sa pagsulat sa mosunod nga pamahayag diha sa pisara: Ang ebanghelyo ni Jesukristo walay katapusan ug walay pagkausab sa matag dispensasyon sa ebanghelyo.)
Ipasabut sa mga estudyante nga sa miabut nga dispensasyon, gibag-o ni Jehova ang Iyang walay katapusang ebanghelyo pinaagi sa pagpakigsaad uban ni Abraham nga nailhan isip Abrahamic nga pakigsaad [Pakigsaad sama kang Abraham]. Tungaa ang klase. I-assign ang katunga sa klase sa pagtuon sa Genesis 13:14–16; 17:2–8; Abraham 1:18–19; 2:8–11 ug sa paghimo og lista sa mga saad nga gihimo sa Ginoo kang Abraham. I-assign ang laing katunga sa klase sa pagtuon sa Genesis 17:1–5, 9; Abraham 1:19; 2:8–11 ug sa paghimo og lista kon unsay gi-require nga buhaton ni Abraham aron madawat ang gisaad nga mga panalangin. (Pahinumdom: Kon makat-unan na sa mga estudyante unsaon sa pag-identify ang mga lista diha sa mga kasulatan, mas makaila sila sa mga mahinungdanong punto nga maoy tuyo nga hatagan og emphasis sa tigsulat.)
Samtang nagtuon ang mga estudyante, kopyaha sa pisara ang mosunod nga tsart, magbilin og luna nga kasulatan sa mga tubag:
Abarahamic nga Pakigsaad
Mga Saad nga Gihimo kang Abraham
Mga Responsibilidad ni Abraham
Human sa igong panahon, pagdapit og pipila ka estudyante gikan sa matag grupo nga paduolon sa atubangan ug isulat ang ilang mga nakit-an ubos sa tukma nga title. Ikonsiderar ang pag-summarize sa Abrahamic nga pakigsaad pinaagi sa pag-display ug pagpabasa og kusog sa usa ka estudyante sa mosunod nga pamahayag:
“Nadawat ni Abraham ang ebanghelyo ug giorden ngadto sa mas taas nga priesthood (D&P 84:14; Abr. 2:11), ug misulod siya sa celestial nga kaminyoon, nga mao ang pakigsaad sa kahimayaan (D&P 131:1–4; 132:19, 29). Nakadawat si Abraham og saad nga ang tanang panalangin niini nga pakigsaad itanyag ngadto sa iyang mortal nga kaliwatan (D&P 132:29-31; Abr. 2:6–11). Kining duha ka pakigsaad, ug ang mga panaad gitawag og Abrahamic nga Pakigsaad. Ang pagpahiuli niini nga pakigsaad mao ang pagpahiuli sa ebanghelyo sa katapusang mga adlaw, kay pinaagi niini ang tanang kanasuran sa kalibutan mapanalanginan (Gal. 3:8–9, 29; D&P 110:12; 124:58; Abr. 2:10–11)” (Giya ngadto sa mga Kasulatan, “Pakigsaad Sama Kang Abraham”; scriptures.lds.org).
Ipasabut nga sa sinugdanan ang Amahan nakigsaad sa Iyang mga anak nga sila pagapundukon pinaagi sa mga kamatuoran, mga ordinansa, ug mga panalangin sa mahangturong ebanghelyo. Ang Pagpahiuli sa ebanghelyo naglakip sa pagpahiuli sa Abrahamic nga pakigsaad. Mao nga ang Abrahamic nga pakigsaad usa ka bahin sa bag-o ug walay katapusang pakigsaad, nga mao ang kahingpitan sa ebanghelyo ni Jesukristo. Pangutan-a ang mga estudyante:
Sa unsang paagi ang pagkahibalo nga kita mga kaliwatan ni Abraham ug tagasunod sa tanang gisaad sa Dios kaniya makaimpluwensya sa pamaagi sa atong pagpakabuhi?
Sa unsang paagi ang pagkaanaa sa mga panalangin nga gisaad kang Abraham ug sa iyang kaliwatan molig-on sa mga pamilya ug mogiya kanato sa mga desisyon nga atong gibuhat?
Dapita ang mga estudyante sa pagpaambit og mga paagi nga masiguro nila ang gisaad nga mga panalangin alang niini nga pakigsaad para sa ilang kaugalingon ug sa ilang mga pamilya, sa nangagi, karon ug sa umaabut.
Gipanalanginan ug gigiyahan ni Jehova ang karaang Israel
Sultihi ang mga estuydyante nga isip kabahin sa Abrahamic nga pakigsaad, gisaad ni Jehova ang mga panalangin sa ebanghelyo ngadto sa mga kaliwat ni Abraham ug niadtong magkapundok uban kaniya. Dapita ang katunga sa klase sa pagbasa sa Josue 24:3–13, ug dapita ang laing katunga sa pagbasa sa 1 Nephi 17:23–32. Ipapangita sa mga estudyante ang mga pulong nga nagtudlo unsay gihimo ni Jehova para sa karaang Israel. Mahimo nimong isugyot nga ilang markahan unsay ilang nakit-an. Human sa igong panahon, dapita ang mga estudyante sa pagpaambit sa unsay ilang nakat-unan. Ipahimong sayon sa mga estudyante ang ilang mga tubag sa pisara. Para sa panabut nganong gibuhat ni Jehova kanang pipila ka butang, ipabasa og kusog sa usa ka estudyante ang Exodo 6:2–6. Pangutan-a ang klase:
Unsa ang gihatag ni Jehova nga rason sa paghimo og daghang butang nga inyong nabasa diha sa Josue ug sa 1 Nephi?
Unsay ipasabut niini diha ninyo mahitungod sa mga saad nga gihimo sa Ginoo diha ninyo? (Samtang motubag ang mga estudyante, isulat sa pisara ang mosunod nga baruganan: Kon magmatinud-anon kita sa atong pagpakabuhi, tumanon ra sa Ginoo ang mga saad nga Iyang gihimo kanato.)
Dapita ang usa ka estudyante sa pagbasa og kusog sa mosunod nga pamahayag ni Presidente Dieter F. Uchtdorf:
Imahe
President Dieter F. Uchtdorf
“Tungod kay ang Dios nagmatinud-anon ug nagtuman sa Iyang mga saad sa nangagi, kita makalaum uban sa pagsalig nga ang Dios motuman sa Iyang mga saad ngari nato karon ug sa umaabut. Sa panahon sa kaluya, kita hugot nga mohupot sa tanang butang ‘maghiusa sa paglihok [alang] sa atong kaayohan’ [D&P 90:24]” (“Ang Walay Kinutuban nga Gahum sa Paglaum,”Liahona, Nob. 2008, 23).
Sa unsang paagiha ang pagkahibalo sa mga gibuhat ni Jehova kaniadto sa karaan makatabang nimo sa mga panahon sa pagsulay?
Unsay Iyang gihimo para sa karaang Israel nga Iya usab nga buhaton kaninyo?
Ipamatuod nga sa matag dispensasyon sa mga panahon, gipanalanginan ni Jesus ang mga anak sa Dios pinaagi sa walay katapusang ebanghelyo. Sama nga ang mga tawo sa pakigsaad nakadawat sa gisaad nga mga panalangin gikan sa Ginoo, mao usab kita depende sa kahimtang sa atong pagkamasulundon.
“Enrichment Section A: Kinsa ang Dios sa Daang Tugon?” Manwal sa Estudyante sa Daang Tugon: Genesis–2 Samuel, 3rd ed. (manwal sa Church Educational System, 2003), 45–48.