Leksyon 2: Ang Pagpatalinghug sa mga Pulong sa mga Propeta
2
Ang Pagpatalinghug sa mga Pulong sa mga Propeta
Pasiuna
Mitawag ang Dios og mga propeta sa pagsaksi kang Jesukristo, aron isangyaw ang paghinulsol, ug pagdapit sa tanan sa pagduol ngadto sa Manluluwas. Gitudlo sa Basahon ni Mormon nga kadtong mopatalinghug niini nga mga propeta mapanalanginan, samtang ang mosupak kanila makasinati og pagmahay ug kasubo.
Background nga Basahunon
Russell M. Nelson, “Pagpaluyo sa mga Propeta,”Liahona, Nob. 2014, 74–77.
Claudio R. M. Costa, “Pagkamasulundon ngadto sa mga Propeta,”Liahona, Nob. 2010, 11–13.
Carol F. McConkie, “Pagpuyo sumala sa mga Pulong sa mga Propeta,”Liahona, Nob. 2014, 77–79.
“Our Need for Living Prophets [Ang Atong Panginahanglan og Buhing mga Propeta,” kapitulo 1 sa Teachings of the Living Prophets Student Manual (manwal sa Church Educational System, 2010), 4–13.
Sa unsang paagi ang atong pagtuo og buhing propeta nagpalahi sa Simbahan ni Jesukristo sa mga Santos sa Ulahing mga Adlaw sa ubang mga tinuohan?
Ngano nga ang buhing mga propeta gikinahanglan karon sama sa ubang panahon sa kasaysayan sa kalibutan?
Dapita ang pipila ka mga estudyante nga magpuli-puli sa pagbasa og kusog sa 1 Nephi 1:4–15, 18 samtang ang klase magsunod, nga mangita kon giunsa sa Ginoo sa pagtawag ug sa pag-andam si Lehi nga mahimong propeta.
Unsay nasinati ni Lehi nga nag-andam kaniya nga mahimong propeta? (Nakadawat siya og saksi kang Jesukristo, ug nakita niya ang pagkalaglag sa mga dautan ug ang kalooy nga gihatag niadtong moduol sa Dios.)
Ngano nga ang mga tawo sa Jerusalem nagkinahanglan og mga propeta sama ni Lehi? (Samtang motubag ang mga estudyante, siguroa nga mahibaloan nila kini nga kamatuoran: Motawag ang Dios og mga propeta ug mopadayag sa Iyang kabubut-on pinaagi kanila.)
Dapita ang usa ka estudyante sa pagbasa sa mosunod nga pamahayag ni Presidente John Taylor (1808–87):
Imahe
President John Taylor
“Kita nagkinahanglan og buhing kahoy—usa ka buhing tuburan—buhing kahibalo, nga nagagikan sa buhing priesthood sa langit, pinaagi sa buhing priesthood dinhi sa yuta. … Ug gikan sa panahon nga si Adan nakadawat og komunikasyon gikan sa Dios, ngadto sa panahon nga si Juan, diha sa Isla sa Patmos, nakadawat sa iyang komunikasyon, o si Joseph Smith diin ang mga langit naabli alang kaniya, kini sa kanunay nagkinahanglan og bag-o nga mga pagpadayag, gipahiangay sa talagsaon nga mga kahimtang diin ang mga simbahan o mga tawo nahimutang.
“Ang pagpadayag ni Adan wala magtudlo ni Noe sa paghimo og arka; ni ang kang Noe nga pagpadayag misulti ni Lot sa pagbiya sa Sodom; ni walay usa kanila ang naghisgot sa pagbiya sa mga anak sa Israel gikan sa Ehipto. Kining tanan adunay mga pagpadayag alang sa ilang mga kaugalingon, ug ingon man ni Isaias, Jeremias, Ezequiel, Jesus, Pedro, Pablo, Juan, ug Joseph. Ug kinahanglan nga kita mao usab” (Mga Pagtulun-an sa mga Presidente sa Simbahan: John Taylor [2001], 193).
Nganong importante man ang pagkasayud nga ang Ginoo nagpadayon sa pagpadayag sa Iyang hunahuna ug kabubut-on pinaagi sa buhing mga propeta?
Sa unsang paagi ang pagtuon sa Basahon ni Mormon sa tahas sa mga propeta makatabang nato sa atong panahon?
Ipasabut nga samtang ang mga propeta mamulong og daghang mensahe nga tukma sa ilang kapanahunan, dunay mga mensahe nga ipamulong sa tanang propeta. Dapita ang mga estudyante sa pag-ila nianang duha ka mensahe samtang hilum nilang basahon ang mga tudling nga naa sa pisara. Hangyoa ang mga estudyante nga markahan diha sa ilang mga kasulatan ang sentro nga mensahe nga gihatag sa propetang si Abinadi diha sa matag tudling. (Pahinumdom: Ang pagmarka sa kasulatan usa ka kahanas sa pagtuon sa kasulatan nga pwede nimong ikonsiderar nga itudlo sa tibuok kurso.)
Hangyoa ang mga estudyante sa pagpaambit unsay ilang nahibaloan, ug ipa-summarize unsay ilang mga nakit-an pinaagi sa pagpasabut gayud niini nga doktrina: Magsangyaw ang tanang propeta sa Dios sa paghinulsol ug mopamatuod kang Jesukristo.
Ikonsiderar ang pagdapit sa mga estudyante nga mogahin og pipila ka minutos sa pagpangita og ehemplo sa usa ka propeta sa Basahon ni Mormon nga nagsangyaw og paghinulsol o nagpamatuod kang Jesukristo. (Ang mga ehemplo nga nagsangyaw og paghinulsol naglakip ni Isaias sa 2 Nephi 16:9–11; ni Jacob sa Jacob 2–3; ni Abinadi sa Mosiah 11–12; ni Samuel sa Helaman 13–16; ug ni Mormon sa Mormon 3. Ang mga ehemplo nga nagtudlo mahitungod ni Jesukristo naglakip ni Nephi sa 1 Nephi 19 ug sa 2 Nephi 25; ni Alma sa Alma 7; ug ni Mormon sa Mormon 7.) Dapita ang mga estudyante nga ipaambit ang ilang nakita nga mga ehemplo diha sa klase.
Ngano kaha nga padayon man nga nagsangyaw ang mga propeta og paghinulsol ug nagpamatuod kang Jesukristo?
Sa unsang paagi ang pagpatalinghug niini nga mga mensahe makatabang nga atong makab-ot ang kaluwasan?
Mosangput sa pagmahay ang pagsalikway sa mga propeta sa Dios
I-display ang mosunod nga pamahayag ni Presidente Ezra Taft Benson (1899–1994), ug dapita ang usa ka estudyante sa pagbasa niini og kusog:
Imahe
President Ezra Taft Benson
“Kon ang propeta mopaila sa mga sala sa kalibutan, ang kalibutanon buot mopatak-um sa ba-ba sa propeta, o di ba kaha molihok nga ingon og walay propeta, kay sa maghinulsol sa ilang mga sala. Ang pagkabantugan dili gayud maoy sukdanan sa kamatuoran. … Samtang kita nagkaduol sa ikaduhang pag-anhi sa Ginoo kamo makapaabut nga samtang ang mga katawhan mahimong mas dautan, ang propeta mahimong dili kaayo inila diha kanila” (Mga Pagtulun-an sa mga Presidente sa Simbahan: Ezra Taft Benson [2014], 182).
Ngano kaha nga ang ubang mga tawo pakyas man sa pagpatalinghug sa mga pulong sa propeta?
Dapita ang klase sa pag-search og hilum sa mga pulong ni Samuel diha sa Helaman 13:24–29, nga mangita sa mga rason nganong ang mga tawo mosalikway man sa mga propetikanhong pahimangno. Mahimo nimong awhagon og usab ang mga estudyante sa pagmarka unsay ilang nakita.
Sumala ni Samuel, nganong gisalikway man sa mga Nephites ang mga propeta sa Dios?
Bisan og dili kita sad-an sa pag-abuso o pagpatay sa mga propeta, sa unsang paagi magsilbi nga pasidaan kanato karon kini nga mga bersikulo?
Ipabasa og kusog sa usa ka estudyante ang Helaman 13:30–33 samtang mangita ang klase sa mga sangputanan nga gipanagna ni Samuel ang Lamanite nga moabut niadtong mosalikway sa mga pulong sa mga propeta. Dayon dapita ang klase sa pagbasa sa katumanan niini nga pakigsaad diha sa 3 Nephi 8:24–25; 9:10–11.
Unsa nga kamatuoran ang atong ma-summarize gikan niini nga mga bersikulo? (Kinahanglang mahibaloan sa mga estudyante ang mosunod nga baruganan: Kon isalikway nato ang mga propeta sa Ginoo, masinati nato ang pagmahay ug kasubo. [Tan-awa usab sa 3 Nephi 28:34.])
Dapita ang usa ka estudyante sa pagbasa sa mosunod nga mga pamahayag ni Presidente Ezra Taft Benson:
Imahe
President Ezra Taft Benson
“Kon buot kitang mahibalo unsay hunahuna sa Ginoo kanato nan pangutan-on nato ang atong mga kaugalingon kon unsay hunahuna sa Iyang mortal nga pangulo kanato—kon unsa ka duol ang atong kinabuhi mibagay sa dinihogan sa Ginoo—ang buhing Propeta—ang Presidente sa Simbahan, ug uban sa Korum sa Unang Kapangulohan” (Mga Pagtulun-an sa mga Presidente sa Simbahan: Ezra Taft Benson,180).
“Unsaon nato pagtubag ang mga pulong sa usa ka buhing propeta kon siya mosulti kanato unsay kinahanglan natong mahibaloan, apan dili hinoon mamati, usa ka pagsulay sa atong pagkamatinud-anon” (Mga Pagtulun-an sa mga Presidente sa Simbahan: Ezra Taft Benson,182).
Sa unsang paagi ang mga pamahayag ni Presidente Benson makatabang sa pagdasig aron mas magkugi kamo sa pagsunod sa tambag sa buhing propeta?
Unsa sa propetikanhong mga mensahe ang gikonsiderar ninyo nga pinakaimportante para sa mga Santos sa Ulahing Adlaw karon?
Magdala og mga panalangin ang pagsunod sa mga propeta sa Dios
Sultihi ang mga estudyante nga si propeta Abinadi mitudlo ni Haring Noah ug sa dautan niyang mga pari mahitungod sa kaimportante sa pagpatalinghug sa mga pulong sa mga propeta. Ipabasa sa usa ka estudyante ang Mosiah 15:10–13 samtang maghunahuna ang klase unsaon sa pag-summarize ang mga bersikulo isip usa ka pamahayag sa baruganan.
Unsaon ninyo sa pagpahayag ang mga pulong ni Abinadi isip usa ka pamahayag sa baruganan? (Mahimo rang i-summarize sa mga estudyante kini nga tudling sama sa mosunod: Kadtong mopatalinghug sa mga pulong sa mga propeta, motuo sa makatubos nga gahum ni Jesuskristo, ug maghinulsol sa ilang mga sala makapanunod sa gingharian sa Dios.)
Hangyoa ang mga estudyante sa paghunahuna ug pagpaambit og mga ehemplo gikan sa Basahon ni Mormon mahitungod sa matinud-anong mga tawo ug mga grupo kinsa napanalanginan pinaagi sa pagpatalinghug sa mga pulong sa mga propeta. Ang ubang mga ehemplo pweding maglakip sa mosunod: Nakaeskapo ang pamilya ni Lehi sa pagkalaglag pinaagi sa pagsunod sa tambag nga mobiya sa Jerusalem (2 Nephi 1:4); Mipatalinghug si Alma ang Tigulang sa mga pulong ni Abinadi ug nakatudlo ug daghang tawo (Mosiah 17:1–4; 18:1–3); Nakahibalo ang mga sundalo ni Kapitan Moroni kon asa moadto aron mapanalipdan ang ilang kaugalingon batok sa mga sundalong Lamanite pinaagi sa pagpangayo og tambag kang Alma (Alma 43:23–24).
Isulat sa pisara ang mosunod nga mga reference sa kasulatan (ayaw ilakip ang mga baruganan nga gi-bold):
3 Nephi 10:12 (Moabut ang kasiguroan pinaagi sa pagsunod sa mga propeta sa Dios.)
3 Nephi 12:1–2 (Motudlo kanato ang mga propeta unsaon sa pagdawat og kapasayloan sa atong mga sala.)
Ether 7:23–27 (Kon sundon nato ang tambag sa mga propeta ug hinumduman ang Ginoo, Iya kitang panalanginan kon unsay atong panginahanglan.)
I-assign ang mga estudyante sa pagbasa og usa sa mga tudling nga naa sa pisara ug pag-summarize unsay ilang nabasa isip usa ka pamahayag sa baruganan. Samtang mopaambit ang mga estudyante sa ilang mga pamahayag, ikonsiderar ang pagsulat sa sugyot sa mga pamahayag sa baruganan tupad sa matag reference.
Aron matabangan ang mga estudyante sa pagsabut nga ang dugang nga mga panalangin moabut pinaagi sa pagsunod sa propeta, i-display ang mosunod nga pamahayag ni Elder M. Russell Ballard sa Korum sa Napulog Duha ka mga Apostoles, ug ipabasa kini og kusog sa usa ka estudyante:
Imahe
Elder M. Russell Ballard
“Dili kini basta-basta lamang nga butang, akong mga kaigsoonan, ang pagkaadunay propeta sa Dios sa atong taliwala. Katalagsaon ug katingalahan sa mga panalangin nga moabut sa atong mga kinabuhi samtang maminaw kita sa mga pulong sa Ginoo nga gihatag ngari kanato pinaagi kaniya. … Kon makadungog kita og tambag sa Ginoo nga gipahayag pinaagi sa mga pulong sa Presidente sa Simbahan, kinahanglan nga positibo ug walay langan ang atong pagsanong. Ang kasaysayan nagpakita nga adunay kasiguroan, kalinaw, kauswagan, ug kalipay sa pagsanong sa propetikanhong tambag” (“His Word Ye Shall Receive,” Ensign, Mayo 2001, 65).
Kanus-a man kamo napanalanginan pinaagi sa positibo ug walay langan nga pagsanong sa propetikanhong tambag?
Kon lantawon ninyo ang umaabut, ngano kahang importante ang pagkaadunay mga propeta sa kalibutan?
Hagita ang mga estudyante nga pamalandungan kon ang ilang mga gibuhat nagpakita ba sa ilang tinguha nga sundon sa matinud-anong paagi ang mga propeta sa Ginoo. Pahunahunaa sila kon unsa kahay ilang gikinahanglan aron mausab ang ilang kinabuhi para mas hingpit nilang matagamtam ang mga panalangin nga gisaad para sa mga nagmatinud-anon.