Pasiuna sa Manwal sa Magtutudlo sa Ang Mahangturong Pamilya (Religion 200)

Unsa ang gipaabut sa usa ka magtutudlo sa relihiyon?

Samtang mag-andam kamo sa pagtudlo, importante nga masabtan ang Tumong sa Seminaries and Institutes of Religion:

“Ang atong katuyoan mao ang pagtabang sa mga batan-on ug mga young adult nga makasabut ug makasalig sa mga pagtulun-an ug Pag-ula ni Jesukristo, mahimong takus alang sa mga panalangin sa templo, ug makaandam sa ilang kaugalingon, sa ilang mga pamilya, ug sa uban alang sa kinabuhing dayon uban sa ilang Amahan sa Langit” (Gospel Teaching and Learning: A Handbook for Teachers and Leaders in Seminaries and Institutes of Religion [2012], x).

Makab-ut nimo kini nga katuyoan pinaagi sa makugihong pagpuyo sa ebanghelyo, epektibong motudlo sa ebanghelyo ngadto sa imong mga estudyante, ug tukma nga mangalagad sa imong klase o programa. Samtang mangandam ug magtudlo sa ebanghelyo niini nga mga paagi, ikaw mokwalipay sa impluwensya sa Espiritu Santo (tan-awa sa D&P 42:14).

Oportunidad nimo ang pagtabang sa mga estudyante nga makat-on pinaagi sa Espiritu aron sila makalig-on sa ilang pagtuo ug makapalambo sa ilang pagkakabig. Makatabang ka sa mga estudyante nga makatuman niini samtang giyahan nimo sila sa pag-ila, pagsabut, pagbati sa kamatuoran ug sa kaimportante, ug paggamit sa importante nga doktrina ug mga baruganan sa ebanghelyo ni Jesukristo.

Ang handbook sa Gospel Teaching and Learning usa ka importante nga kapanguhaan sa pagsabut sa proseso sa pagtudlo ug pagkat-on unsaon nga mahimong malampuson sa klasrom.

Unsa ang mga tumong niini nga kurso?

Kini nga kurso, Ang Mahangturong Pamilya (Religion 200), mao ang pagtuon sa importante kaayo nga tahas sa pamilya sa plano sa kaluwasan sumala sa gitudlo sa mga kasulatan ug sa mga pulong sa moderno nga mga propeta. Ang doktrina, mga tema, ug mga baruganan sa kurso gikuha gikan sa “Ang Pamilya: Usa ka Pamahayag ngadto sa Kalibutan”( Liahona, Nob. 2010, 129). Diha sa kurso, ang mga pangutana ug mga isyu kalabut sa kaminyoon ug pamilya pagatun-an, hisgutan, ug timbang-timbangon sa konteksto sa ebanghelyo ni Jesukristo.

Kini nga kurso makahatag sa mga estudyante og mas maayo nga pagsabut sa koneksyon tali sa paghimo ug pagtuman sa mga pakigsaad ug pagdawat sa mga panalangin niini nga kinabuhi ug sa kalibutan nga moabut. Ang doktrina ug mga baruganan kalabut sa kaminyoon ug pamilya pagailhon ug analisahon aron ang mga estudyante makasabut sa unsa nga paagi kini importante sa mga kahimtang karon. Mas makasabut ang mga estudyante ngano nga makasalig ug makasunod sila sa mga pagtulun-an sa moderno nga mga propeta.

Unsa ang gilauman gikan sa mga estudyante?

Aron makadawat og kredito para sa gradwasyon sa institute, ang mga estudyante kinahanglan nga mobasa sa mga tudling sa kasulatan, mga pakigpulong sa Kinatibuk-ang Komperensya, ug ubang mga materyal nga gilista sa seksyon sa mga Basahunon sa Estudyante sa matag leksyon. Ang mga estudyante kinahanglan usab makabuhat sa gikinahanglan nga attendance ug magpakita og kahanas sa materyal sa kurso pinaagi sa pagkompleto sa assessment.

Giunsa paghimo ang mga leksyon niini nga manwal?

Kini nga kurso gihimo nga usa ka semester nga kurso nga dunay 28 ka mga leksyon nga gisulat alang sa 50 ka minuto nga klase. Kon ang imong klase magmiting kaduha sa matag semana, itudlo ang usa ka leksyon sa matag klasehan. Kon ang imong klase magmiting kausa sa matag semana sulod sa 90 hangtud 100 ka minuto, tingba ug itudlo ang duha ka mga leksyon sa matag klasehan. Ang matag outline sa leksyon naglangkob sa upat ka mga seksyon:

• Pasiuna

• Background nga Basahunon

• Mga Sugyot alang sa Pagtudlo

• Mga Basahunon sa Estudyante

Pasiuna

Kini nga seksyon naghatag og mubo nga pasiuna sa mga hilisgutan ug mga tumong sa leksyon.

Background nga Basahunon

Kini nga seksyon nagrekomendar og mga kapanguhaan sama sa mga mensahe gikan sa mga propeta sa ulahing mga adlaw ug sa ubang mga lider sa Simbahan, nga makatabang kanimo nga mas makasabut sa doktrina, mga baruganan, ug mga kamatuoran sa ebanghelyo nga anaa sa outline sa leksyon.

Mga Sugyot alang sa Pagtudlo

Ang mga Sugyot alang sa seksyon sa Pagtudlo naglakip sa materyal nga makatabang nimo nga makahibalo sa unsa ang itudlo ug unsaon sa pagtudlo niini (tan-awa sa mga seksyon 4.3.3 ug 4.3.4 sa Gospel Teaching and Learning nga handbook). Ang gisugyot nga mga kalihokan sa pagkat-on gihimo aron matabangan ang mga estudyante nga makaila, makasabut, ug makagamit sa sagrado nga mga kamatuoran. Mahimo nimong gamiton ang pipila o ang tanan nga mga sugyot sa imong paggamit niini nga mahiangay sa indibidwal nga estilo sa pagtudlo ug sa pagtagbaw sa mga panginahanglan ug mga sirkumstansya sa imong mga estudyante. Samtang imong ikonsiderar unsaon sa pagpahiangay sa mga materyal sa leksyon, sunda kini nga tambag gikan ni Elder Dallin H. Oaks sa Korum sa Napulog Duha ka mga Apostoles:

“Si Presidente Packer kanunayng nagtudlo, sa akong pandungog, nga una atong hangupon, dayon atong ipahiangay. Kon tinud-anay kitang pamilyar sa gitakda nga leksyon nga atong ihatag, nan makasunod kita sa Espiritu nga mopahiangay niini. Apan adunay tintasyon, kon kita mamulong bahin sa pagkapleksibol niini, sa pagsugod sa pagpahiangay kay sa paghangup. Balanse kini. Usa kini ka nagpadayon nga hagit. Apan ang paagi sa paghangup pag-una ug dayon pagpahiangay usa ka maayong paagi nga magpabilin nga gibase sa tinuod nga doktrina” (“A Panel Discussion with Elder Dallin H. Oaks” [Seminaries and Institutes of Religion satellite broadcast, Ago. 7, 2012], si.lds.org).

Kini nga kurso naglakip sa mga pamahayag sa mga lider sa Simbahan nga tingali anaa sa daghang mga pinulongan. Samtang ikaw mangandam sa pagtudlo, mahimo nimong ipahiangay ang mga leksyon pinaagi sa paggamit sa ubang mga pamahayag sa mga lider sa Simbahan nga importante sa hilisgutan.

Ang seksyon sa mga Sugyot alang sa Pagtudlo sa matag leksyon naglakip sa labing minus usa ka pamahayag sa doktrina o baruganan, nga makita sa baga nga mga letra. Kon madiskobrehan sa mga estudyante kini nga mga kamatuoran ug makigbahin unsay ilang nakat-unan, ang ilang mga pulong mahimong magkalahi niadtong gisulti diha sa manwal. Kon mahitabo kini, pagbantay nga dili magpasabut nga ang ilang mga tubag sayop. Hinoon, kon ang usa ka pamahayag mas sakto, pagmabinantayon sa pagtabang nga maklaro ang pagsabut.

Kini nga kurikulum nagpakita unsaon sa paghiusa sa mga sukaranan sa pagtudlo ug pagkat-on sa ebanghelyo ngadto sa kurso nga dunay tema (tan-awa sa Gospel Teaching and Learning, 10, 23–31, 38–41). Sa umaabut nga mga bulan, ang Seminaries and Institutes momantala og dokumento nga tawgon og “Teaching Thematically in Institutes of Religion,” nga dugang nga mopasabut unsaon sa paglakip sa mga sukaranan sa pagtudlo ug pagkat-on sa ebanghelyo ngadto sa usa ka kurso nga dunay tema.

Si Elder David A. Bednar sa Korum sa Napulog Duha ka mga Apostoles mihulagway sa pipila ka mga benepisyo nga moabut tungod sa pagtuon sa ebanghelyo pinaagi sa tema:

“Hinoon ang pagbasa sa basahon sa kasulatan gikan sa sinugdanan hangtud sa katapusan naghatag og sukaranang gilapdon sa kahibalo, ang pagtuon pinaagi sa hilisgutan makapadugang sa giladmon sa kahibalo. Ang pagsiksik sa mga pagpadayag alang sa mga koneksyon, mga sumbanan, ug mga tema makapalig-on ug makapadugang sa atong espirituhanon nga kahibalo … ; makapalapad kini sa atong panglantaw ug pagsabut sa plano sa kaluwasan.

Sa akong paghukom, ang makugihon nga pagdiskubre sa mga koneksyon, mga sumbanan, ug mga tema kabahin sa unsay gipasabut sa ‘pagbusog’ diha sa mga pulong ni Kristo. Kini nga paagi makaabli sa ganghaan sa espirituhanon nga tangke, makalamdag sa atong pagsabut pinaagi sa Espiritu, ug makahatag og lawom nga pasalamat alang sa balaan nga mga kasulatan ug gidak-on sa espirituhanong pasalig nga dili madawat sa laing paagi. Ang mao nga pagsiksik makahimo nato sa pagtukod diha sa bato sa atong Manunubos ug sa pagpakigbatok sa mga hangin sa pagkadautan niining ulahing mga adlaw” (“A Reservoir of Living Water” [Brigham Young University nga fireside, Peb. 4, 2007], 3, speeches.byu.edu).

Mga Basahunon sa Estudyante

Kini nga seksyon naglista sa mga tudling sa mga kasulatan, mga pakigpulong sa mga lider sa Simbahan, ug sa ubang mga materyal nga makapalambo sa pagsabut sa mga estudyante sa mga hilisgutan nga gihatagan og gibug-aton diha sa mga leksyon. I-assign ug awhaga ang mga estudyante sa pagbasa niini nga mga materyal sa dili pa sila moanha sa matag klase. Samtang magtuon sila niining dinasig nga mga materyal, dili lang sila makaandam sa pag-apil sa panaghisgutan sa klase, makaangkon usab sila og mas lapad ug mas lawom nga pagsabut sa mga hilisgutan sa kurso. Hatagi ang mga estudyante sa lista sa tanang Mga Basahunon sa Estudyante sa sinugdanan sa semester.

Unsaon man nako sa pag-andam sa pagtudlo?

Ang Ginoo motabang kanimo samtang ikaw mag-andam sa pagtudlo. Samtang ikaw mag-andam, makita nimo nga makatabang ang pagpangutana sa imong kaugalingon sa mosunod:

• Naningkamot ba ako sa pagsunod sa ebanghelyo aron nga ako mahinangpon sa Espiritu sa akong pagpangandam ug pagtudlo?

• Nag-ampo ba ako aron makadawat sa giya sa Espiritu Santo?

• Nagtuon ba ako sa gi-assign nga mga tudling sa kasulatan ug sa mga basahunon alang sa background?

• Nagbasa ba ako sa kurikulum ug determinado kon adunay bisan unsa nga kinahanglan nakong ipahiangay o i-adjust sa pagtagbaw sa mga panginahanglan sa akong mga estudyante?

• Unsaon nako sa pag-follow up ang mga estudyante aron sa pagsiguro nga daghan ang ilang makuha gikan sa gi-assign nga mga basahunon?

• Unsaon nako sa pagtabang ang matag usa sa akong mga estudyante sa hingpit nga pag-apil sa leksyon?

Ang mosunod nga mga sugyot mahimong makatabang usab:

• Moawhag sa mga estudyante nga mobasa sa gi-assign nga mga tudling sa kasulatan ug mga artikulo sa dili pa ang matag klase.

• Molaum sa mga estudyante nga motuman sa ilang tahas isip mga tigkat-on.

• Mohatag og mga oportunidad kanunay sa mga estudyante aron mopasabut sa ebanghelyo sa ilang kaugalingong mga pulong ug mopakigbahin og importante nga mga kasinatian ug pagpamatuod sa unsay ilang nahibaloan ug gibati.

• Molain-lain sa mga kalihokan sa pagkat-on ug mga paagi nga imong gamiton panahon sa matag klase ug usab sa matag leksyon.

• Mohimo og kahimtang sa pagkat-on nga makadapit sa Espiritu ug mohatag sa mga estudyante sa pribilehiyo ug responsibilidad sa pagtudlo ug pagkat-on gikan sa usag usa (tan-awa sa D&P 88:78, 122).

• Sa tibuok kurso makita nimo ang mga reference sa piho nga mga kahanas sa pagtuon sa kasulatan. Pahimusli kini nga mga oportunidad sa pagtabang sa mga estudyante nga mahimong mas self-reliant sa ilang pagtuon sa kasulatan ug mas mahalaron sa tibuok kinabuhi nga pagkat-on gikan sa mga kasulatan.

Si Elder Richard G. Scott sa Korum sa Napulog Duha ka mga Apostoles mitudlo:

“Salig nga dunay daghang moapil tungod kay kanang paggamit sa kabubut-on sa usa ka estudyante nagtugot sa Espiritu Santo sa pagtudlo. … Samtang ang mga estudyante mamahayag sa mga kamatuoran, kini mapahimatud-an diha sa ilang mga kalag ug mopalig-on sa ilang personal nga mga pagpamatuod” (“To Understand and Live Truth” [sa gabii uban ni Elder Richard G. Scott, Peb. 4, 2005], 3, si.lds.org).

Unsaon nako sa pagpahiangay sa mga leksyon alang niadtong adunay mga kakulangan?

Samtang nangandam ka sa pagtudlo, pagmahunahunaon sa mga estudyante nga adunay piho nga mga panginahanglan. Ipahiangay ang mga kalihokan ug mga ekspektasyon aron sa pagtabang kanila nga magmalampuson. Pangita og mga paagi sa pagtabang nila nga mobati nga gihigugma, gidawat, ug nahilakip. Amumahi ang relasyon sa pagsalig.

Alang sa dugang nga mga ideya ug mga kapanguhaan, konsultaha ang Disability Resources page sa disabilities.lds.org ug ang seksyon sa manwal sa Seminaries and Institutes of Religion nga giulohan og“Gipahiangay nga mga Klase ug mga Programa alang sa mga Estudyante nga dunay mga Kakulangan [Adapted Classes and Programs for Students with Disabilities].”

Ang Mahangturong Pamilya (Religion 200)

Mga Basahunon sa Estudyante

Ang Mahangturon nga Pamilya—Pasiuna

Pahinumdom: Wala kinahanglana nga basahon nimo ang gisugyot nga mga materyal nga wala sa imong pinulongan.

Leksyon	Ulohan	Gisugyot nga mga Basahunon
1	Ang Pag-abut sa “Ang Pamilya: Usa ka Pamahayag ngadto sa Kalibutan.”	Mga Taga-Efeso 4:11–14; Mosiah 8:15–17; Moises 6:26–39; 7:16–21. “Ang Pamilya: Usa ka Pamahayag ngadto sa Kalibutan,” Liahona, Nob. 2010, 129, lds.org/topics/family-proclamation. M. Russell Ballard, “Ang Pinakamahinungdanon Mao ang Molungtad og Dugay,” Liahona, Nob. 2005, 41–44.
2	Mga Propeta ug mga Apostoles Ligdong nga Namahayag	Ezequiel 33:1–7; Amos 3:6–7; Doktrina ug mga Pakigsaad 1:4–5, 11, 14, 37–38; 90:1–5; 124:125–126. M. Russell Ballard, “Pabilin sa Sakayan ug Manggunit!” Liahona, Nob. 2014, 89–92. Henry B. Eyring, “Finding Safety in Counsel,” Ensign, Mayo 1997, 24–26. Carol F. McConkie, “Pagpuyo sumala sa mga Pulong sa mga Propeta,” Liahona, Nob. 2014, 77–79.
3	Ang Atong Balaang Potensyal	Genesis 1:27; Isaias 55:8–9; Mga Buhat 17:29; Mga Taga-Roma 8:16–17; Mga Hebreohanon 12:9; 1 Juan 3:1–2; 4:8–9; 1 Nephi 9:6; 2 Nephi 9:20; 3 Nephi 12:48; Moroni 8:18; Doktrina ug mga Pakigsaad 76:4; 88:41; 130:22. Dieter F. Uchtdorf, “Upat ka mga Tawag,” Liahona, Mayo 2013, 58–61. Gospel Topics, “Becoming Like God,” lds.org/topics.
4	Ang Pamilya ug ang Mahinungdanon nga Plano sa Kalipay	Moises 1:27–39; 3:16–17; 5:6–12; 2 Nephi 2:19–25; 9:6–12; Doktrina ug mga Pakigsaad 49:15–17. M. Russell Ballard, “Ang Pag-ula ug ang Bili sa usa Ka Kalag,” Liahona, Mayo 2004, 84–87. Julie B. Beck, “Pagtudlo sa Doktrina kabahin sa Pamilya,” Liahona, Mar. 2011, 32–37.
5	Ang mga Kahimtang sa Pagka-mortal	2 Nephi 2:27–29; Mosiah 3:19; 16:3–6; Moises 6:49, 53–55; Abraham 3:25. David A. Bednar, “Ang Pag-ula ug ang Panaw sa Pagka-mortal,” Liahona, Apr. 2012, 12–19.
6	Ang Pamilya Mao ang Sentro sa Plano sa Langitnong Amahan	Doktrina ug mga Pakigsaad 93:39–50. Robert D. Hales, “The Eternal Family,” Ensign, Nob. 1996, 64–67. David A. Bednar, “Labaw nga Makugihon ug Mabuhaton diha sa Panimalay,” Liahona, Nob. 2009, 17–20.
7	Ang Kaminyoon tali sa Lalaki ug sa Babaye Gi-orden sa Dios	Mormon 9:9; Doktrina ug mga Pakigsaad 49:15–17; Moises 3:18–25; 5:1–16. Dallin H. Oaks, “Dili Magbaton og Laing Dios,” Liahona, Nob. 2013, 72–75. Sheri L. Dew, “It Is Not Good for Man or Woman to Be Alone,” Ensign, Nob. 2001, 12–14. “The Divine Institution of Marriage,” mormonnewsroom.org/article/the-divine-institution-of-marriage. Mga Hilisgutan sa Ebanghelyo, “Same-Sex Marriage,” lds.org/topics.
8	Ang Sekso ug Mahangturong Pagkatawo	Mateo 7:12; Juan 8:1–11; 15:12; Doktrina ug mga Pakigsaad 76:24; Moises 2:27; ug ang ikaduha nga paragraph sa “Ang Pamilya: Usa ka Pamahayag ngadto sa Kalibutan,” Liahona, Nob. 2010, 129. Jeffrey R. Holland, “Pagtabang Niadtong Nanglimbasug sa Pagkaibog sa Sama og Sekso,” Liahona, Okt. 2007, 42–45. Mga Hilisgutan sa Ebanghelyo, “Same-Sex Attraction,” lds.org/topics.
9	Ang Balaang mga Tahas ug mga Responsibilidad sa mga Lalaki	Mateo 2:13–16; Mga Taga-Efeso 5:23, 25; 1 Timoteo 5:8; Doktrina ug mga Pakigsaad 75:28; 83:2, 4; 121:36–46. D. Todd Christofferson, “Magpakalalaki Kita,” Liahona, Nob. 2006, 46–48. Linda K. Burton, “Magdungan Kita’g Saka,” Liahona, Mayo 2015, 29–32. “Ang Sagradong mga Calling sa mga Amahan ug mga Inahan,” kapitulo 15 sa Mga Pagtulun-an sa mga Presidente sa Simbahan: Ezra Taft Benson (2014), 229–43.
10	Ang Balaang mga Tahas ug mga Responsibilidad sa Kababayen-an	2 Timoteo 1:5; 3:14–15; Alma 56:47–48; 57:21; Doktrina ug mga Pakigsaad 25:1–3, 10, 13–16. “Sabta ang Balaang mga Tahas sa mga Babaye,” Liahona, Peb. 2009, 25. “Ang Kababayen-an sa Simbahan,” kapitulo 20 sa Mga Pagtulun-an sa mga Presidente sa Simbahan: Spencer W. Kimball (2006), 268–81.
11	Pagpangandam alang sa Mahangturong Kaminyoon	Marcos 5:35–36; Doktrina ug mga Pakigsaad 6:22–23, 36; 8:2–3; 9:7–9; 11:12–14; 88:40. Dieter F. Uchtdorf, “The Reflection in the Water” (Church Educational System devotional, Nob. 1, 2009), lds.org/media-library. Jeffrey R. Holland, “Ayaw Kahadlok, Sumalig Ka Lamang” (gabii uban ni Elder Jeffrey R. Holland, Feb. 6, 2015), lds.org/broadcasts.
12	Ang mga Ordinansa ug mga Pakigsaad sa Templo	Exodo 19:3–6; Doktrina ug mga Pakigsaad 84:19–21; 97:10–17; 109:12–26; 124:37–40, 55. Boyd K. Packer, “Ang Balaan nga Templo,” Liahona, Okt. 2010, 29–35.
13	Pagpalambo sa Pagsimba sa Templo	Salmo 24:3–5; Juan 2:13–16; 3 Nephi 17:1–3; Doktrina ug mga Pakigsaad 109:8–22. Richard G. Scott, “Pagsimba diha sa Templo: Ang Tinubdan sa Kalig-on ug Gahum sa mga Panahon ssa Panginahanglan,” Liahona, Mayo 2009, 43–45. L. Lionel Kendrick, “Enhancing Our Temple Experience,” Ensign, Mayo 2001, 78–79.
14	Mahimong Manluluwas sa Bukid sa Zion	Abdias 1:21; Malaquias 4:5–6; Doktrina ug mga Pakigsaad 110:13–16; 128:18; 138:27–37, 58–59. David A. Bednar, “Ang mga Kasingkasing sa mga Anak Mobati,” Liahona, Nob. 2011, 24–27. Quentin L. Cook, “Mga Gamut ug mga Sanga,” Liahona, Mayo 2014, 44–48.
15	Mahangturon nga Kaminyoon	Doktrina ug mga Pakigsaad 131:1–4; 132:1–24. Russell M. Nelson, “Celestial nga Kaminyoon,” Liahona, Nob. 2008, 92–95.
16	Ang Sagradong mga Gahum sa Paglalang	Genesis 2:21–24; Salmo 24:3–4; Mateo 5:8, 27–28; Mga Taga-Roma 8:6; Jacob 2:28, 31–35; Alma 39:1–9; Doktrina ug mga Pakigsaad 42:22–24; 63:16; 121:45–46. David A. Bednar, “Kita Nagtuo sa Pagkaputli,” Liahona, Mayo 2013, 41–44. Linda S. Reeves, “Panalipod gikan sa Pornograpiya—usa ka Panimalay nga Nag-focus kang Kristo,” Liahona, Mayo 2014, 15–17. “Sekswal nga Kaputli,” Alang sa Kalig-on sa Kabatan-onan (booklet, 2011), 35–37.
17	Ang Sugo sa Pagsanay ug Pagpuno sa Yuta	Genesis 1:27–28; 9:1; 35:11; Salmo 127:3; 1 Nephi 15:11; Doktrina ug mga Pakigsaad 29:6; 59:6; Moises 2:27–28. Neil L. Andersen, “Mga Bata,” Liahona, Nob. 2011, 28–31. Russell M. Nelson, “Aborsyon: Usa ka Pag-ataki ngadto sa Walay Ikapanalipod,” Liahona, Okt. 2008, 14–19.
18	Pag-amuma sa Relasyon sa Kaminyoon	Mateo 19:3–8; Mga Taga-Efeso 5:25, 28–31; Doktrina ug mga Pakigsaad 25:5, 13–15; 42:22; Abraham 5:15–18. David A. Bednar, “Ang Kaminyoon Mahinungdanon sa Iyang Mahangturong Plano,” Liahona, Hunyo 2006, 50–55. L. Whitney Clayton, “Kaminyoon: Tan-awa ug Pagkat-on,” Liahona, Mayo 2013, 83–85.
19	Pagtukod og mga Kinabuhi ug mga Panimalay nga Nakasentro ni Kristo	Juan 15:1–5, 10–11; Helaman 5:12; 14:30–31; 3 Nephi 11:29–30; 12:22–24; Moroni 7:45, 48; Doktrina ug mga Pakigsaad 64:9–11; 88:119, 123–25. Henry B. Eyring, “Ang Atong Hingpit nga Ehemplo,”Liahona, Nob. 2009, 70–73. Richard G. Scott, “Alang sa Kalinaw sa Panimalay,” Liahona, Mayo 2013, 29–31.
20	Pag-amping sa Hugot nga Pagtuo ug Pagpamatuod	Lucas 22:31–32; Juan 14:26–27; Mga Taga-Efeso 4:11–14; 1 Nephi 15:23–24; 2 Nephi 31:19–20; Alma 5:45–46; Helaman 3:28–30; 3 Nephi 18:32; Doktrina ug mga Pakigsaad 11:13–14; 21:4–6; 108:7–8. Dieter F. Uchtdorf, “Dali, Pakig-uban Kanamo,” Liahona, Nob 2013, 21–24. Jeffrey R. Holland, “Nagatuo Ako,” Liahona, Mayo 2013, 93–95.
21	Ang Pag-amuma sa mga Anak pinaagi sa Gugma ug Pagkamatarung	Lucas 15:11–20; Mga Taga-Efeso 6:4; 2 Timoteo 3:15; 3 Nephi 18:21; Doktrina ug mga Pakigsaad 68:25–28; 93:36–40. Richard G. Scott, “Himoa ang Paggamit sa Inyong Pagtuo nga Inyong Unang Prayoridad,” Liahona, Nob. 2014, 92–95. Jeffrey R. Holland, “Usa ka Pag-ampo alang sa mga Bata,” Liahona, Mayo 2003, 85–87.
22	Pagmugna og Malampusong Pamilya	Deuteronomio 6:1–7; Josue 24:15; Mosiah 4:14–15; Doktrina ug mga Pakigsaad 58:21; 98:4–6; 134:5–6; Mga Artikulo sa Hugot nga Pagtuo 1:12. Dallin H. Oaks, “Maayo, Mas Maayo, Labing Maayo,” Liahona, Nob. 2007, 104–8.
23	Paghatag alang sa Temporal nga mga Panginahanglan	Malaquias 3:8–12; Mateo 6:19–21; Marcos 6:1–3; Lucas 2:51–52; 1 Timoteo 6:7–10; 2 Nephi 9:51; Jacob 2:17–19; Doktrina ug mga Pakigsaad 56:17; 75:28; 104:13–18, 78. Robert D. Hales, “Pagkahimong Madaginuton nga mga Tigsangkap sa Temporal ug Espirituhanong Paagi,” Liahona, Mayo 2009, 7–10. Marvin J. Ashton, “One for the Money,” Ensign, Sept. 2007, 37–39.
24	Mga Miyembro sa Simbahan nga Single Adult	1 Mga Taga-Corinto 12:12–20, 25–27; Mga Hebreohanon 11:1, 6, 8–13, 16. Gordon B. Hinckley, “A Conversation with Single Adults,” Ensign, Mar. 1997, 58–63. Spencer J. Condie, “Angkona ang Bililhon ug Dagko Uyamot nga mga Saad,” Liahona, Nob. 2007, 16–18.
25	Paggamit sa Hugot nga Pagtuo sa Malisud nga mga Kahimtang sa Pamilya	Proverbio 3:5–6; Mateo 11:28–30; 1 Nephi 16:34–39; 17:1–4; Mosiah 24:8–16; Doktrina ug mga Pakigsaad 121:7–8. David A. Bednar, “Ang Pag-ula ug ang Panaw sa Pagka-mortal,” Liahona, Apr. 2012, 12–19. “Strengthening the Family: Adapting to Circumstances,” Ensign, Dis. 2005, 34–35.
26	May Tulubagon sa Atubangan sa Dios	Mateo 18:1–6; Mga Taga-Roma 13:12–14; 2 Mga Taga-Corinto 5:17–21; Mosiah 4:30; Alma 5:15–22; 12:14; Doktrina ug mga Pakigsaad 42:22–25; 93:39–44. Jeffrey R. Holland, “Ang Pinulongan sa mga Anghel,” Liahona, Mayo 2007, 16–18. Richard G. Scott, “Aron Pag-alim sa Makadaot nga mga Resulta sa Pang-abuso,” Liahona, Mayo 2008, 40–43.
27	Mapanagnaon nga mga Pasidaan Mahitungod sa Pamilya	2 Timoteo 3:1–7, 13; 1 Nephi 14:14–17; 22:16–17; Doktrina ug mga Pakigsaad 97:22–28. Russell M. Nelson, “Faith and Families,” Ensign, Mar. 2007, 36–41. Bonnie L. Oscarson, “Mga Tigpanalipod sa Pamahayag bahin sa Pamilya,” Liahona, Mayo 2015, 14–17.
28	Ang Pagpasiugda sa Pamilya ingon nga Sukaranan nga Yunit sa Katilingban	Alma 43:9, 30, 45, 48; 46:11–16; 48:9–13. Thomas S. Monson, “Magmakusganon Ka ug Magmaisug,” Liahona, Mayo 2014, 66–69. Dallin H. Oaks, “Pagbalanse sa Kamatuoran ug Pagkamatugtanon,” Liahona, Peb. 2013, 29–35. L. Tom Perry, “Nganong ang Kaminyoon ug Pamilya Importante—Bisan Asa sa Kalibutan,” Liahona, Mayo 2015, 39–42.

© 2015 sa Intellectual Reserve, Inc. Tanang mga katungod gigahin.