1 Nefi

Buku la Mormoni

Mau Oyamba ndi Mboni
1 Nefi
2 Nefi
Yakobo
Enosi
Yaromu
Omuni
Mawu a Mormoni
Mosiya
Alima
Helamani
3 Nefi
4 Nefi

1 Nefi

Mutu 1
Nefi ayamba zolemba za anthu ake—Lehi awona m’masomphenya mzati wa moto ndipo awerenga kuchokera m’buku la ulosi—Atamanda Mulungu, alosera za kudza kwa Mesiya, nalosera za chiwonongeko cha Yerusalemu—Iye azunzidwa ndi Ayuda. Mdzaka dza pafupifupi 600 Yesu asadabadwe.
Mutu 2
Lehi atengela banja lake m’chipululu kudzera Nyanja Yofiira—Asiya chuma chawo—Lehi apereka nsembe kwa Ambuye ndipo aphunzitsa ana ake aamuna kusunga malamulo—Lamani ndi Lemueli ang’ung’udza motsutsana ndi atate awo—Nefi amvera ndi kupemphera m’chikhulupiliro; Ambuye alankhula naye, ndipo asankhidwa kuti alamulire abale ake. Mdzaka dza pafupifupi 600 Yesu asadabadwe.
Mutu 3
Ana aamuna a Lehi abwelera ku Yerusalemu kuti akatenge mapale a mkuwa—Labani akana kupeleka mapale—Nefi alangiza molimbika ndi kulimbikitsa abale ake—Labani aba katundu wawo ndi kuyesera kuwapha—Lamani ndi Lemueli akantha Nefi ndi Samu ndipo adzudzulidwa ndi mngelo. Mdzaka dza pafupifupi 600–592 Yesu asadabadwe.
Mutu 4
Nefi apha Labani pa kulamula kwa Ambuye ndipo kenako atenga mapale a mkuwa mwa ukathyali—Zoramu asankha kupita ndi banja la Lehi m’chipululu. Mdzaka dza pafupifupi 600–592 Yesu asadabadwe.
Mutu 5
Sariya ang’ung’udza motsutsana ndi Lehi—Onse akondwera pa kubwelera kwa ana awo aamuna—Apereka nsembe—Mapale a mkuwa ali ndi zolemba za Mose ndi aneneri—Mapale azindikiritsa Lehi kuti ndi mbadwa ya Yosefe—Lehi alosera ponena za mbewu yake ndi kusungidwa kwa mapale. Mdzaka dza pafupifupi 600–592 Yesu asadabadwe.
Mutu 6
Nefi alemba za zinthu za Mulungu—Cholinga cha Nefi ndi kukopa anthu kuti abwere kwa Mulungu wa Abrahamu ndi kupulumutsidwa. Mdzaka dza pafupifupi 600–592 Yesu asadabadwe.
Mutu 7
Ana aamuna a Lehi abwelera ku Yerusalemu ndi kukaitana Ismaeli ndi banja lake kuti atsagane nawo pa ulendo wawo—Lamani ndi ena apanduka—Nefi awalimbikitsa abale ake kuti akhale ndi chikhulupiliro mwa Ambuye—Am’manga ndi zingwe, nakonza chiwonongeko chake—Iye amasulidwa ndi mphamvu ya chikhulupiliro—Abale Ake apempha chikhululukiro—Lehi ndi gulu lake apereka nsembe ndi zopereka zopsereza. Mdzaka dza pafupifupi 600–592 Yesu asadabadwe.
Mutu 8
Lehi aona masomphenya a mtengo wa moyo—Adya chipatso chake ndipo afunitsitsa kuti banja lake lichite chimodzimodzi—Aona ndodo ya chitsulo, njira yolunjika ndi yopapatiza, ndi nkhungu zamdima zomwe zimaphimba anthu—Sariya, Nefi, ndi Samu adya chipatsocho, koma Lamani ndi Lemueli akana. Mdzaka dza pafupifupi 600–592 Yesu asadabadwe.
Mutu 9
Nefi apanga magawo awiri a zolemba—Iliyonse itchedwa mapale a Nefi—Mapale aakulu muli mbiri ya zamdziko; ndi mapale aang’ono agona kwambiri pa zinthu zopatulika. Mdzaka dza pafupifupi 600–592 Yesu asadabadwe.
Mutu 10
Lehi alosera kuti Ayuda adzatengedwa ku ukapolo ndi Ababulo—Akamba za kubwera kwa Mesiya pakati pa Ayuda, Mpulumutsi, Muwomboli—Lehi akambanso za m’modzi yemwe adzabatize Mwana wa Nkhosa wa Mulungu—Lehi akamba za imfa ndi chiukitso cha Mesiya—Afananiza kubalalitsidwa ndi kusonkhanitsidwa kwa Israeli ndi mtengo wa azitona—Nefi ayankhula za Mwana wa Mulungu, ndi mphatso ya Mzimu Woyera, ndi kufunikira kwa chilungamo. Mdzaka dza pafupifupi 600–592 Yesu asadabadwe.
Mutu 11
Nefi aona Mzimu wa Ambuye ndipo aonetsedwa masomphenya a mtengo wa moyo—Aona mayi wa Mwana wa Mulungu ndi kuphunzira za kudzichepetsa kwa Mulungu—Aona ubatizo, utumiki, ndi kupachikidwa pa mtanda kwa Mwana wa Nkhosa wa Mulungu—Aonanso maitanidwe ndi utumiki wa atumwi khumi ndi awiri a Mwana wa Nkhosa. Mdzaka dza pafupifupi 600–592 Yesu asadabadwe.
Mutu 12
Nefi aona masomphenya a dziko la lonjezano; chiyero, kusaweruzika, ndi kugwa kwa anthu okhalamo; kubwera kwa mwana wa Nkhosa wa Mulungu pakati pa iwo; m’mene Ophunzira Khumi ndi Awiri ndi Atumwi Khumi ndi Awiri adzaweruzire Israeli; ndi khalidwe loipa ndi lonyansa la iwo amene akuchepa m’kusakhulupilira. Mdzaka dza pafupifupi 600–592 Yesu asadabadwe.
Mutu 13
Nefi aona m’masomphenya mpingo wa mdyerekezi utayikidwa pakati pa Amitundu, Kutulukira ndi kulamulira dziko la Amerika, kutayika kwa zigawo zomveka komanso zamtengo wapatali za mu Baibulo, zotsatila zake za mpatuko wa amitundu, kubwenzeretsedwa kwa uthenga wabwino, Kubwera kwa malembo oyera a masiku otsiriza, ndi kumangidwa kwa Ziyoni. Mdzaka dza pafupifupi 600–592 Yesu asadabadwe.
Mutu 14
Mngelo auza Nefi za madalitso ndi matembelero amene adzagwera pa Amitundu—Pali mipingo iwiri yokha basi: Mpingo wa Mwana wa Nkhosa wa Mulungu ndi mpingo wa mdyerekezi—Oyera mtima a Mulungu m’maiko onse azunzidwa ndi mpingo wonyansa waukulu—Mtumiki Yohane adzalemba zokhudzana ndi kutha kwa dziko lapansi. Mdzaka dza pafupifupi 600–592 Yesu asadabadwe.
Mutu 15
Mbewu ya Lehi idzalandira uthenga wabwino kuchokera kwa Amitundu m’masiku otsiriza—Kusonkhanitsidwa kwa Israeli kukufanizidwa ndi mtengo wa azitona umene nthambi zake zachilengedwe zidzamezetsanidwa kachiwiri—Nefi amasulira masomphenya a mtengo wa moyo ndipo ayankhula za chilungamo cha Mulungu pa kulekanitsa oipa ndi olungama. Mdzaka dza pafupifupi 600–592 Yesu asadabadwe.
Mutu 16
Oipa amatenga chilungamo kukhala chovuta—Ana a Lehi aamuna akwatira ana aakazi a Ismaeli—Liyahona itsogolera njira m’chipululu—Mauthenga ochokera kwa Ambuye alembedwa pa Liyahona kwa nthawi ndi nthawi—Ismaeli amwalira; banja lake ling’ung’udza chifukwa cha masautso. Mdzaka dza pafupifupi 600–592 Yesu asadabadwe.
Mutu 17
Nefi alamulidwa kuti amange ngalawa—Abale ake atsutsana naye—Awalimbikitsa iwo pakufotokoza za mbiri ya zochita za Mulungu ndi Israeli—Nefi adzadzidwa ndi mphamvu ya Mulungu—Abale ake aletsedwa kumukhudza iye, kuwopa kuti angafote ngati bango louma. Mdzaka dza pafupifupi 592–591 Yesu asadabadwe.
Mutu 18
Ngalawa imalizidwa—Kubadwa kwa Yakobo ndi Yosefe kutchulidwa—Khamu la anthu linyamuka kupita ku dziko lolonjezedwa—Ana aamuna a Ismaeli ndi akazi awo agwirizana m’kusemphana ndi kupanduka—Nefi amangidwa, ndipo ngalawa ibwenzedwa ndi chimphepo chowopsya—Nefi amasulidwa, ndipo mwa pemphero lake chimphepo chileka—Anthu afika m’dziko lolonjezedwa. Mdzaka dza pafupifupi 591–589 Yesu asadabadwe.
Mutu 19
Nefi apanga mapale a miyala ndi kulemba mbiri ya anthu ake—Mulungu wa Israeli adzabwera zaka mazana asanu ndi limodzi kuchokera pamene Lehi adachoka ku Yerusalemu—Nefi afotokoza za mazunzo ndi kupachikidwa pa mtanda kwake—Ayuda adzanyozedwa ndi kubalalitsidwa mpaka m’masiku otsiriza. adzabwelera kwa Ambuye. Mdzaka dza pafupifupi 588–570 Yesu asadabadwe.
Mutu 20
Ambuye avumbulutsa zolinga Zake kwa Israeli—Israeli wasankhidwa m’ng’anjo ya masautso ndipo adzatuluka kuchokera ku Babulo—Fananizani Yesaya 48. Mdzaka dza pafupifupi 588–570 Yesu asadabadwe.
Mutu 21
Mesiya adzakhala kuunika kwa Amitundu ndipo adzamasula am’ndende—Israeli adzasonkhanitsidwa ndi mphamvu m’masiku omaliza—Mafumu adzakhala atate awo owalera—Fananizani ndi Yesaya 49. Mdzaka dza pafupifupi 588–570 Yesu asadabadwe.
Mutu 22
Israeli adzabalalitsidwa pamaso padziko lapansi—Amitundu adzasamala ndi kudyetsa Israeli ndi uthenga wabwino m’masiku omaliza—Israeli adzasonkhanitsidwa ndi kupulumutsidwa, ndipo oipa adzawotchedwa ngati chiputu—Ufumu wa mdyerekezi udzawonongedwa, ndipo Satana adzamangidwa. Mdzaka dza pafupifupi 588–570 Yesu asadabadwe.