3 Nefi

Buku la Mormoni

Mau Oyamba ndi Mboni
1 Nefi
2 Nefi
Yakobo
Enosi
Yaromu
Omuni
Mawu a Mormoni
Mosiya
Alima
Helamani
3 Nefi
4 Nefi

3 Nefi

Mutu 1
Nefi, mwana wa Helamani, atuluka mu mzindawo, ndipo mwana wake Nefi asunga zolemba—Ngakhale zizindikiro ndi zodabwitsa zidalipo zochuluka, oipa apanga dongosolo lokupha olungama—Usiku wa kubadwa kwa Khristu ufika—Chizindikiro chiperekedwa, ndipo nyenyezi yatsopano ituluka—Mabodza ndi chinyengo zichuluka, ndipo achifwamba a Gadiyantoni apha ambiri. Mdzaka dza pafupifupi Yesu atabadwa 1–4.
Mutu 2
Zoipa ndi zonyansa zikula pakati pa anthu—Anefi ndi Alamani agwirizana kuti adzitetezere wokha motsutsana ndi achifwamba a Gadiyantoni—Alamani otembenuka akhala oyera ndipo atchedwa Anefi. Mdzaka dza pafupifupi Yesu atabadwa 5–16.
Mutu 3
Gidiyani, mtsogoleri wa Gadiyantoni, alamula kuti Lakoniyasi ndi Anefi adzipereke okha ndi maiko awo—Lakoniyasi asankha Gigidoni monga wamkulu wa ankhondo wa magulu ankhondo—Anefi asonkhana mu Zarahemula ndi Chuluka kuti adziteteze. Mdzaka dza pafupifupi Yesu atabadwa 16–18.
Mutu 4
Ankhondo a Nefi agonjetsa achifwamba a Gadiyantoni—Gidiyani aphedwa, ndipo mlowa m’malo wake; Zemunariha, apachikidwa—Anefi atamanda Ambuye chifukwa cha zipambano zawo. Mdzaka dza pafupifupi Yesu atabadwa 19–22.
Mutu 5
Anefi alapa ndikusiya machimo awo—Mormoni alemba mbiri ya anthu ake ndipo alalikira mawu osatha kwa iwo—Israeli adzasonkhanitsidwa kuchokera mu kumwazika kwake kwakutali. Mdzaka dza pafupifupi Yesu atabadwa 22–26.
Mutu 6
Anefi achita bwino—Kunyada, chuma, ndi kusiyana kwa magulu kuyamba—Mpingo ugawikana ndi kusagwirizana—Satana atsogolera anthu m’kuukira poyerayera—Aneneri ambiri afuula kulapa ndipo aphedwa—Akupha awo apangana kuti atenge boma. Mdzaka dza pafupifupi Yesu atabadwa 26–30.
Mutu 7
Mkulu wa Oweruza aphedwa, boma liwonongedwa, ndipo anthu agawikana m’mafuko—Yakobo, okana Khristu, akhala mfumu ya gulu lachinsinsi—Nefi alalikira kulapa ndi chikhulupiliro mwa Khristu—Angelo amutumikira iye tsiku ndi tsiku, ndipo awukitsa m’bale wake kwa akufa—Ambiri alapa ndipo abatizidwa. Mdzaka dza pafupifupi Yesu atabadwa 30–33.
Mutu 8
Namondwe, zivomelezi, moto, akamvuluvulu, ndi kugwedezeka kwachilengedwe zichitira umboni kupachikidwa kwa Khristu—Anthu ambiri awonongeka—Mdima ukuta dzikolo kwa masiku atatu—Amene iwo otsala alira za tsogolo lawo. Mdzaka dza pafupifupi Yesu atabadwa 33–34.
Mutu 9
Mu mdima, mawu a Khristu alengeza chiwonongeko cha anthu ambiri ndi mizinda chifukwa cha kuipa kwawo—Iye alengezanso umulungu Wake, alengeza kuti chilamulo cha Mose chakwaniritsidwa, ndipo aitana anthu kuti adze kwa Iye ndi kupulumutsidwa. Mdzaka dza pafupifupi Yesu atabadwa 34.
Mutu 10
M’dziko muli bata kwa maola ambiri—Mawu a Khristu alonjeza kusonkhanitsa anthu Ake monga nkhuku imasonkhanitsira anapiye ake—Mbali yolungama yochuluka ya anthu itetezedwa. Mdzaka dza pafupifupi Yesu atabadwa 34–35.
Mutu 11
Atate achitira umboni za Mwana wawo Wokondedwa—Khristu aonekera ndi kulengeza Chitetezero chake—Anthu agwira zipsera m’manja mwake ndi m’mapazi ndi mthiti mwake—Iwo afuula Hosana—Iye akhazikitsa njira ndi kachitidwe ka ubatizo—Mzimu wa mkangano ndi wa mdyerekezi—Chiphunzitso cha Khristu ndi chakuti anthu akuyenera kukhulupilira ndi kubatizidwa ndi kulandira Mzimu Woyera. Mdzaka dza pafupifupi Yesu atabadwa 34.
Mutu 12
Yesu ayitana ndi kulamula ophunzira khumi ndi awiri—Iye apereka kwa Anefi chiphunzitso chofanana ndi cha Ulaliki wa pa Phiri—Iye ayankhula Mawu a Wodala—Ziphunzitso zake zipitilira ndi kupita patsogolo pa chilamulo cha Mose—Anthu alamulidwa kuti akhale angwiro monga Iye ndi Atate ake ali angwiro—Fananitsani Mateyu 5. Mdzaka dza pafupifupi Yesu atabadwa 34.
Mutu 13
Yesu aphunzitsa Anefi Pemphero la Ambuye—Iwo akuyenera kudzikundikira chuma kumwamba—Ophunzira khumi ndi awiri muutumiki wawo alamulidwa kusaganizira za zinthu zakuthupi—Fananitsani ndi Mateyu 6. Mdzaka dza pafupifupi Yesu atabadwa 34.
Mutu 14
Yesu alamula kuti: Musaweruze; pemphani kwa Mulungu; chenjerani ndi aneneri onyenga—Iye alonjeza chipulumutso kwa iwo amene amachita chifuniro cha Atate—Fananitsani ndi Mateyu 7. Mdzaka dza pafupifupi Yesu atabadwa 34.
Mutu 15
Yesu alengeza kuti lamulo la Mose lakwaniritsidwa mwa Iye—Anefi ndi nkhosa zina zimene Iye adaziyankhula mu Yerusalemu—Chifukwa cha kusaweruzika, anthu a Ambuye m’Yerusalemu sakudziwa za nkhosa zobalalika za Israeli. Mdzaka dza pafupifupi Yesu atabadwa 34.
Mutu 16
Yesu adzayendera ena a nkhosa zotayika za Israeli—M’masiku otsiriza uthenga wabwino udzapita kwa Amitundu ndipo kenako ku nyumba ya Israeli—Anthu a Ambuye adzaona maso ndi maso pamene Iye adzabweretsanso Ziyoni. Mdzaka dza pafupifupi Yesu atabadwa 34.
Mutu 17
Yesu atsogolera anthu kuti asinkhesinkhe mawu Ake ndi kupemphelera kumvetsetsa—Achiritsa odwala awo—Iye apemphelera anthu, pogwiritsa ntchito chinenero chimene sichingalembedwe—Angelo atumikira ndipo moto uzinga ana awo aang’ono. Mdzaka dza pafupifupi Yesu atabadwa 34.
Mutu 18
Yesu akhazikitsa mgonero pakati pa Anefi—Iwo alamulidwa kupemphera nthawi zonse mu dzina Lake—Amene amadya thupi lake ndi kumwa mwazi wake mosayenera atembeleredwa—Ophunzira apatsidwa mphamvu ya kupereka Mzimu Woyera. Mdzaka dza pafupifupi Yesu atabadwa 34.
Mutu 19
Ophunzira khumi ndi awiriwo atumikira kwa anthu ndi kupemphelera Mzimu Woyera—Ophunzira abatizidwa ndi kulandira Mzimu Woyera ndi utumiki wa angelo—Yesu apemphera pogwiritsa ntchito mawu amene sangalembedwe—Iye achitira umboni ku chikhulupiliro chachikulu kwambiri cha Anefi awa. Mdzaka za pafupifupi Yesu atabadwa 34.
Mutu 20
Yesu apereka mkate ndi vinyo mozizwitsa ndiponso apereka m’gonero kwa anthu—Otsalira a Yakobo adzafika ku chidziŵitso cha Ambuye Mulungu wawo ndipo adzalandira Amerika—Yesu ndi mneneri monga Mose, ndipo Anefi ali ana a aneneri—Ena a anthu a Ambuye adzasonkhanitsidwa ku Yerusalemu. Mdzaka za pafupifupi Yesu atabadwa 34.
Mutu 21
Israeli adzasonkhanitsidwa pamene Buku la Mormoni lidzabwere—Amitundu adzakhazikitsidwa monga anthu aufulu mu Amerika—Adzapulumutsidwa ngati akhulupilira ndi kumvera; apo ayi, iwo adzadulidwa ndi kuwonongedwa—Israeli adzamanga Yerusalemu Watsopano, ndipo mafuko otayika adzabwelera. Mdzaka za pafupifupi Yesu atabadwa 34
Mutu 22
M’masiku otsiriza, Ziyoni ndi masiteki ake adzakhazikitsidwa, ndipo Israeli adzasonkhanitsidwa m’chifundo ndi modekha—Adzapambana—Fananizani ndi Yesaya 54 Mdzaka za pafupifupi Yesu atabadwa 34.
Mutu 23
Yesu avomereza mawu a Yesaya—Alamulira anthu kuti afufuze aneneri—Mawu a Samueli Mlamani okhudza Chiukitso awonjezedwa ku zolemba zawo. Mdzaka za pafupifupi Yesu atabadwa 34.
Mutu 24
Mtumiki wa Ambuye adzakonza njira ya Kubwera Kwachiŵiri—Khristu adzakhala mu chiweruzo—Israeli alamulidwa kupereka chakhumi ndi zopereka—Buku la chikumbutso lisungidwa—Fananitsani ndi Malaki 3. Mdzaka za pafupifupi Yesu atabadwa 34.
Mutu 25
Pa Kubwera Kwachiwiri, odzikuza ndi oipa adzawotchedwa ngati ziputu—Eliya adzabwelera lisadafike tsiku lalikulu ndi lowopsya ilo—Fananitsani ndi Malaki 4. Mdzaka za pafupifupi Yesu atabadwa 34.
Mutu 26
Yesu afotokoza zinthu zonse kuchokera ku chiyambi mpaka kumapeto—Makanda ndi ana ayankhula zinthu zodabwitsa zimene sizingathe kulembedwa—Amene ali mu Mpingo wa Khristu ali ndi zinthu zonse mogwirizana pakati pawo. Mdzaka za pafupifupi Yesu atabadwa 34.
Mutu 27
Yesu alamula kuti Mpingo utchedwe mu dzina Lake—Utumiki Wake ndi nsembe yochotsera machimo zimapanga uthenga wabwino Wake—Anthu akulamulidwa kuti alape ndi kubatizidwa kuti akathe kuyeretsedwa ndi Mzimu Woyera—Iwo ayenera kukhala monga momwe Yesu alili. Mdzaka za pafupifupi Yesu atabadwa 34–35.
Mutu 28
Asanu ndi anayi a ophunzira khumi ndi awiri akhumba ndipo alonjezedwa cholowa mu ufumu wa Khristu pamene iwo amwalira—Anefi Atatu akhumba ndipo apatsidwa mphamvu pa imfa kotero kuti akhala pa dziko lapansi mpaka Yesu abwere kachiwiri—Iwo atembenuzidwa ndi kuona zinthu zosaloledwa kunenedwa, ndipo tsopano akutumikira pakati pa anthu. Mdzaka za pafupifupi Yesu atabadwa 34–35
Mutu 29
Kubwera kwa Buku la Mormoni ndi chizindikiro chakuti Ambuye wayamba kusonkhanitsa Israeli ndi kukwaniritsa mapangano Ake—Awo amene amakana mavumbulutso ndi mphatso Zake za masiku otsiriza adzatembeleredwa. Mdzaka za pafupifupi Yesu atabadwa 34–35.
Mutu 30
Amitundu a m’masiku otsiriza alamulidwa kuti alape, kubwera kwa Khristu, ndi kuwerengedwa limodzi ndi nyumba ya Israeli. Mdzaka za pafupifupi Yesu atabadwa 34–35.